En outono e navidades, mil actividades!

Despois da volta ao cole, na biblioteca Rego da Balsa tamén nos puxemos as pilas! Por iso preparamos para vós un plan cargado de novas actividades interesantes para todos os públicos: presentacións de libros, contacontos familiares, faladoiros moi diversos… Seguide lendo e descubride o que ven…

Cartel-BiblioCarballo-outubro-novembro-decembro-2015

Fuco e Lilí Gruyére, un rato e unha ratiña, chegarán dende moi lonxe, concretamente dende Lonxedetodo, ás nosas instalacións durante a primeira quincena de outubro, para dinamizar as visitas escolares que se achegarán dos diferentes CEIP do noso concello.

fucolili

Pero iso non é todo, pois @s amig@s de Trinke Trinke farán posible que estes roedores nos sorprendan e fagan voar a imaxinación e fantasía d@s máis cativ@s con contos moi interesantes unha vez ao mes. Dende outubro ata abril poderedes recoller as invitacións por nen@ para estas historias con aforo limitado, que empezaremos a repartir cada mércores anterior a cada contacontos.

content actividades fucolili

programa Apego tamén nos deixa actividades para @s meniñ@s, como por exemplo a do contacontos “Palma repalma”, levado a cabo polo equipo de Pavís Pavós o pasado mércores 7 ás 18:00 h.

Foto de La Voz de Galicia
Foto de La Voz de Galicia

Por outra banda, non esquecemos o xa famoso “Pais e Nais Contan”, no que @s voluntari@s que o desexen (pais, nais, avos e avoas, nen@s, educador@s, persoas con afán de contar historias en xeral…), nos traerán aventuras moi diversas para facer gozar @s nen@s que se atopen na biblioteca un mércores de cada mes (21 de outubro; 18 de novembro e 23 de decembro, respectivamente). Queredes animarvos a ser voluntari@s desta actividade? Andamos en busca e captura!

BÚSCANSE

Pero non soamente @s rapaciñ@s desfrutarán estes meses, pois para @s maiores, moz@s, familias e demais tamén temos preparadas unhas cantas novidades 🙂

O sábado 10 de outubro inaugurarase a exposición dos traballos do obradoiro impartido por Laura Tova, Sentidos e Simplicidades, unha oportunidade para visualizar a arte plástica e inspirarnos coas obras saídas dos proxectos do colectivo CreaFormas.

tova

Pero se credes que a vosa verdadeira afección pode estar relacionada cos medios de comunicación, non vos perdades o obradoiro de Locutores/as de Radio que se organiza dende o FIOT e terá lugar nas nosas instalacións. Para poder participar nel é preciso que vos inscribades na páxina web http://www.fiot.org. Este taller terá lugar os sábados 17, 24 e 31 de 11:00 á 13:00 h.

microphone-626032_640

E se outubro se vos queda curto, aínda lle queda moito máis. O martes 20 ás 19:00 h teremos ao polifacético Suso Lista con nós, nun faladoiro a mar de interesante, e nunca mellor dito, pois falaranos da súa época como percebeiro, das aventuras que viviu ao longo da súa vida cos perigos da mar, da súa carreira como actor e escritor, dos seus libros… vamos, que hora e media de faladoiro seguramente nos quedará pequena… Pero sairemos, iso si, cun bo sabor de boca 🙂

Foto de La Voz de Galicia
Foto de La Voz de Galicia

E seguindo con máis escritores, outra nova artista, Ángela Triana, despedirá o mes presentando a súa obra poética “Celebra la Tormenta, a cal podedes levar xa en préstamo na nosa biblioteca. Animámosvos a que descubrades o mundo dos microrrelatos feitos poesía e asistades a esta peculiar presentación, pois agardaravos algunha que outra sorpresa… ídesvos resistir? O xoves 22 ás 18:00 h!

tumblr_nmk0ybppXd1sme9p3o1_1280 1560391_1523231354615796_3120806933039079709_n

Se nestes meses o que queredes é deixar fluír o voso lado máis natural, os nos@s amig@s do Horto Ecolóxico ofrecerannos un Faladoiro o 17 de novembro ás 18:00 h para aprender, sexa cal sexa a nosa idade. Darannos consellos para levar a cabo as nosas plantacións, comentarán cousiñas que viven coa súa actividade, e ata nos axudarán a levarnos para a casa unha pequena mostriña plantada para recordar o momento vivido na biblioteca e facelo medrar, para que nos inspire día a día a crear un mundo máis san e sostible, dende as raíces 🙂

collage

E seguindo a esencia da nosa terriña, Miriam Beizana tamén presentará o seu libro “Marafariña”, unha novela autobiográfica e fantástica á vez, ambientada nunha aldea imaxinaria de Galicia, sobre un amor imposible que rompe todo tipo de barreiras, como a relixión ou a familia, con tal de lograr a felicidade das súas protagonistas, xerando ao mesmo tempo controversia polos temas que recolle. Unha obra moi recomendada para todo tipo de público, unha novela que fai referencia ao colectivo LGTB. Ídesvos perder esta presentación? Espéravos o xoves 19 de novembro ás 19:30 h.

11694152_582599471880815_2730737244969539075_n

Para o mes de decembro, tamén reservamos actividades orientadoras e motivadoras á vez. Por unha banda, o martes 15 ás 19:00h, @s compañeir@s da “Asociación Amigos de los Perros de Carballo” falarannos sobre a súa labor na protectora, darannos consellos para manter ben coidadas as nosas mascotas e informarannos sobre a adopción dun novo amigo. Neste Faladoiro “Un amigo, un fogar”, farán fincapé nas historias que viven día a día e na responsabilidade que conleva adoptar un animal, máis aínda nestas datas tan sinaladas. Dirixido a todos os públicos, animámosvos a participar e informarvos de todos estes aspectos, aínda que soamente sexa por coñecer a labor social que desenvolve este colectivo sen ánimo de lucro. 

 10628579_946129718747214_2131939565109217359_nprotectoracarballo

E por último, Mario López Guerrero inspiraranos o xoves 17 ás 19:00h coa charla “Mamá, quiero ser escritor”, na que vos orientará a todos aqueles que teñades dúbidas á hora de lanzarvos ao mundo da literatura ou simplemente queirades saber un pouco máis do tema. Finalizará o coloquio cunha sorprendente presentación da súa obra “El increíble caso de por qué los demás no me entienden si yo lo tengo claro”. Un libro que nos guía á hora de cambiar ou establecer hábitos de comunicación para entendernos mellor coas persoas que nos rodean. List@s para cambiar as malas prácticas? Deixade atrás a vosa zona de confort e achegádevos! Paga a pena 😉

image

Como vedes, queremos finalizar este 2015 cunha chea de actividades diversas e para tod@s! Lembrade que todas son de balde e que existen algunhas con aforo limitado (contacontos, obradoiros…), polo que é preciso que permanezades atent@s aos prazos de inscrición! Pero sexan cales sexan as que elixades, aquí vos estaremos agardando! Non faltedes!!

Carballo “Ábrenos o Telón” para gozar de 37 días de teatro para tod@s!

O Outono xa está aquí, e con el chega a vixésimo cuarta edición do Festival Internacional de Outono de Teatro que converterá Carballo nun lugar de referencia para todos os afeccionados ás artes escénicas de Galiza e tamén do resto de España. 37 días de actividades que permitirán que todos gocemos dun total de 34 espectáculos teatrais de compañías  de Galicia, Portugal, Arxentina e diversos puntos da xeografía española.

0banner_fiot15_cas

A xornada Inaugural do Festival Internacional de Outono arrancou o pasado venres 25 de Setembro, coas actuacións da compañía Vaivén Circo y Danza, un espectáculo, que coverteu a rúa Colón nun circo plagado de acrobacias, piruetas, carreiras e divertidas coreografías. Tamén, Mariñán Bañobre, da compañía Ibuprofeno, demostrounos que o deporte é san pero que tamén pode ser cousa de risa.

Este evento terá lugar en diferentes espazos da vila, como o auditorio, o mercado municipal, rúas, prazas e locais hostaleiros de Carballo e reunirá a artistas da talla de Branca Portillo, que interpretará “ El Testamento de María”, ou Charo López, que levará a escena  a obra “Ojos de agua”, e compañías de teatro como DRAFT.INN, Producciones Meridional, Teatro do Morcego, entre outras.

Entre os moitos actos paralelos do festival que terán ao teatro como protagonista indiscutible, destaca o CICLO OTNI, destinado ás novas propostas escénicas; unha nova edición da Rúa dos Contos; o Teatro de Rúa, que encherá as rúas e prazas da localidade de espectáculos para público de todas as idades; o concurso Escola de Teatro Lido ” Xosé Manuel Eirís”, concurso no cal pequenos grupos de escolares enchen as ondas de Radio Voz Bergantiños con teatro, realizando unha interpretación lida dun fragmento dun texto teatral; a iniciativa noctámbula infantil “O Fiotiño”; as charlas e coloquios cos elencos das compañías no espazo denominado “Café con…” ; a “Escola do Espectador” e o encontro con fotógrafos no espazo Zoom FIOT. Estes próximos meses agárdavos o FIOT en Carballo.IMG_5337

O teatro tal e como o entendemos hoxe en día foi unha ocurrencia dos antigos gregos e ten a súa orixe nas festas que estes adicaban aos seus deuses. Este leva séculos abraiando e entretendo a multitude de espectador@s. Capaz de producir bágoas e risas por igual, as obras de teatro foron un dos entretementos máis populares da Antigüidade dos que desfrutaban tanto ricos coma pobres.

O teatro adoptou xa dende as súas orixes dúas formas diferenciadas: a Traxedia e a Comedia. Na traxedia, os personaxes soen ser reis, heroes, semideuses que se ven enfrontados a un destino adverso contra o que se revelan, ás veces con orgullo e desmesura e outras de forma heroica e exemplar, mentres que nas comedias os protagonistas soen ser homes e mulleres comúns, a miúdo ridiculizados ou caricaturizados, que son postos en situacións absurdas ou irrisorias para divertimento d@s espectador@s.

A estes dous xéneros teatrais maiores chegaría no seculo XIX o Drama.  No Drama os personaxes son un reflexo da vida, de situacións e conflictos vividos pol@s protagonistas. Como xéneros teatrais menores destacamos o Paso, Entremés, Sainete, Farsa, Monólogo, vodevil…E como xéneros teatrais músicais a Ópera, Zarzuela, Opereta, Músical, etc.

Hai grandes mestres do teatro como Lope de Vega, Moliére, Gaston Leroux, Cervantes…., homes que crearon escola e sentaron as bases do que é o teatro actual. Na Biblioteca atoparedes moitas das magníficas obras teatrais de todos os tempos:

“Romeo y Julieta”, Shakespeare, 1595.

Dramática historia de amor prohibido entre dous mozos de familias rivais, Romeo Montesco e Julieta Capuleto. Julieta é unha moza de catorce anos, a nena da casa, educada para converterse nunha dama da época. Sen embargo, Romeo crúzase na súa vida e Julieta transfórmase completamente cando se enamora del. Desafortunadamente, o idealismo xuvenil enfrontase ao mundo real, e o plan trazado acaba en traxedia: Romeo cree que a súa amada está realmente morta, e quítase a vida xusto antes de que desperte Xulieta, a cal prefire morrer antes que vivir sen Romeo.

 IMG_5351

“La Celestina”, Fernando  de Rojas, 1499.

Unha das obras máis recoñecidas do teatro, donde se retrata un violento amor entre Calisto e Melibea. Amor ofuscado polas sinistras tramas da Celestina, personaxe oposto aos personaxes idealizados da época medieval frente a muller anxelical e pasiva. Celestina é unha sabia e avariciosa muller, con iniciativa e simboloxías demoníacas (como a barba e a cicatriz que cubre o seu rostro). Capaz de manipular a cantos a rodean, Celestina é coñecida e necesitada na cidade, xa que representa o pracer que todos queren, pero que non sempre poden conseguir abertamente. Este clásico sentou as bases da novela e o teatro que hoxe coñecemos.

IMG_5469[1]

“Don Juan Tenorio, Jose Zorilla, 1844.

Un drama romántico onde o potagonista logra o perdón divino e se salva do inferno grazas ao amor que profesa por Doña Inés. É unha obra especialmente popular durante a primeira noite do mes de Novembro.

IMG_5531[1]

“La Vida Es Sueño”, Calderón de la Barca.

A obra xira entorno a liberdade e as decisións que cada un toma. Incorpóranse conceptos relixiosos de diferentes credos e a influencia da lenxendaria Alegoria de la Caverna de Platón é bastante amplia e explícita. O Protagonista Segismundo, vive en completa escuridade no cárcere da súa mente e descoñecemento persoal e alcanza a iluminación solo ao descubrirse a si mesmo.

IMG_5357

“El Sueño de una noche de Verano”, Shakespeare, 1595.

Ninguén executaba os enredos amorosos e xogaba co real e o onírico de forma tan admirable como Shakespeare. “El Sueño de una noche de verano””, comedia romántica e clásica da literatura teatral mundial que narra a historia de dúas parellas de amantes sumidos nun mundo de fantasía, maxia, soños e comicidade.

IMG_5533[1]

“ Hamlet”, Shakepeare, 1599-1601.

Outra brillante obra do dramaturgo Inglés. Hamlet retrata a tolemia que devén da venganza, con unha pouca de dor, ira, traizón, incesto e corrupción moral. Unha das obras que máis críticas xerou desde que foi creada.

IMG_5352

“Fuente Ovejuna”, Lope de Vega, 1612-1614.

Lope de Vega é un dos autores máis exitosos do mundo e poida que esta sexa quizais a súa obra máis recoñecida e influinte. Esta obra é un canto a vinganza pura contra a inxustiza dos gobernantes malvados.

IMG_5467

“La Casa de Bernarda Alba, de Ferderico García Lorca, 1936.

Esta obra de teatro é unha das creacións máis famosas de Lorca.  Esta traxedia retrata a vida da viúva sexaxenaria Bernarda Alba que decide permanecer de loito, obrigando as súas fillas a permanecelo con ela e asfixiándoas  nun espazo hermético e claustrofóbico rexido polo silencio (palabra coa que comeza e acaba esta obra). Bernarda considera que a sua verdade é a única e trata de impoñer orden as súas cinco fillas. Por debaixo da súa preocupación polo que dirán os demáis está latente un instinto de poder que pretende ser absoluto. De feito, Bernarda Alba identifícase comúnmente cos movementos fascistas que estaban ocorrendo en Europa cando García Lorca escribiu a obra. O seu autoritarismo acabará volvéndoa cega ante a realidade. Ainda que se dea conta do erro que cometeu cando Adela, a súa filla menor, se suicida, non é capaz de admitilo e volve a ordenar silencio. Unha obra colmada de fanatismo relixioso, conservadurismo, castidade e o temor a intimidade.

IMG_5358

“La Divina Comedia”, Dante Alighieri.

Trátase de unha das obras literarias máis significativas e ilustrativas da historia da humanidade, e a súa prosa é unha das máis lidas do mundo. Dante retrata nesta obra o seu paso polo purgatorio, o inferno e o paraíso para  atoparse co amor da súa vida, Beatriz. Pese as miles de adversidades e traxedias que experimenta, Dante denomina a esta historia comedia porque o seu final é feliz.

 IMG_5353

Estas son algunhas das máis grandes obras de teatro da historia da humanidade. Son os clásicos que inspiraron a miles e forman parte da cultura popular, moitas delas son as máis representadas do mundo.

Na biblioteca poderedes vir desfrutar desta arte non só @s maiores senón tamén, os máis pequen@s da casa, que teñen o seu espazo de obras teatrais infantís e xuvenis eperando a que a vosa imaxinación comeze a voar e vos transformedes en actores e expresedes os vosos sentimentos.

IMG_5529[1]

En Carballo agárdanvos historias incribles e moitas risas. Vide a Carballo a contemplar esta gran ARTE. I Love FIOT.

IMG_5350

Volta ao cole!

Coa chegada de setembro chegan tamén as clases, @s amig@s que non viamos dende que empezou o verán, @s profesor@s antig@s e nov@s, as saídas escolares, o cheiro ao plástico do forro dos libros… Volve a escola, en definitiva, e as ganas de aprender máis cousas e chegar a conseguir novos obxectivos. Algúns/as de vós estaredes a piques de rematar unha carreira; outr@s comezaredes un novo ciclo escolar, máis duro pero interesante á vez… e outr@s simplemente compartiredes bos momentos c@s compañeir@s de turno, inventando, por que non, algunha que outra falcatruada 😀

Como xa sabemos, para moitas familias estes son tempos de dificultades económicas, por iso queremos facer unha selección que poida axudarvos na vosa rutina estudantil, para que poidades orientarvos con materiais e recursos que vos sirvan para facer traballos, ou, en xeral, para saber máis. Dende o público infantil ata o adulto, na biblioteca Rego da Balsa aportámosvos contidos de toda clase, para tod@s, porque ainda que ocupe cantos do noso edificio preferido, o saber non ocupa lugar!

Comezamos suxeríndovos libros que axudarán @s pequen@s da casa a comprender mellor o mundo que nos rodea e entender por que as cousas son como son. Este tipo de lecturas atoparédelas na sección Coñecer do corraliño ou ben do espazo de “4 a 7” anos, e van sinalizadas con pegatinas que levan un número 1 debuxado. Algúns exemplos son “O tempo” cos Bolechas; os libros que nos ensinan cores coma “Blanco, Negro, Amarillo, Azul, Rojo”; “Á escola con Iria”… só por mencionar uns poucos. Para os nen@s que xa non son tan pequenos, atopamos outra selección dos Bolechas, diccionarios visuais, o “Abezoo”, e un largo etc, que poderedes descubrir vindo á nosa biblioteca!

20150910_163838 20150910_163617 20150910_163511

Pero non soamente atoparedes libros educativos, tamén temos coleccións de dvd e xogos para PC cos que aprender unha chea de cousas! Un exemplo son os xogos de “aprender con Pipo”; outro son as coleccións de “Érase una vez…”; e outro son os “Hello Hoobs”, que ademáis de ensinarnos cousas en castelán nos permiten aprendelas en inglés! Por suposto, existen outras coleccións máis adaptadas a nen@s máis pequen@s ou máis grandes, coma “Crecer con los Lunnis” ou “Viaje a los Mundos Perdidos”…

20150910_163353 20150910_163342


Por outra banda, na zona de Saberes Infantil, atoparedes todas as enciclopedias e diccionarios que precisedes para elaborar con éxito as tarefas que vos manden no colexio. Sorprenderedes @s maiores e @s vos@s amig@s cunha chea de datos interesantes que antes non sabiades! Queredes botarlle un ollo aos pasatempos do saber? Apetécevos unha partida á mariola do coñecemento?

20150910_163313 20150910_163148 20150910_163024

Nas baldas desta sección seguramente atoparedes máis dun libro interesante que levar para descubrir o mundo no voso tempo de ocio, pois hai unha chea deles ben divertidos! Sodes máis de manualidades ou preferides a intriga das curiosidades matemáticas? Preferides os bichos ou gústavos máis aprender a decorar un cadro? Iso sen contar a aprendizaxe dos trucos de maxia que deixarán a tod@s coa boca aberta! Hai para tod@s!

20150910_162719 20150910_162705

Pero non soamente o público infantil pode desfrutar da aprendizaxe na nosa biblioteca, @s moz@s e maiores tamén atoparan información para elaborar teses doctorais, documentarse á hora de escribir un artigo, ou simplemente gozar do entendemento da arte a través da simboloxía que se nos mostra nalgúns ensaios artísticos…

20150910_162844 20150910_162828

E non podemos esquecer os recursos tecnolóxicos que vos prestamos na propia biblioteca para poder mergullarvos sen límite na ampla rede da Internet! Soamente con darnos o voso nome poderedes acceder a un dos nosos equipos informáticos para o que precisedes! Xa non hai escusa para vivir desconectado!

20150910_162806

E para os que non sabedes que disciplinas manexamos… soamente dicirvos que nos gusta a diversidade e que por iso tentamos ter un pouco de todo para tod@s!

collage

Preparade a mochila e abride a vosa mente a todo o que podedes coñecer… hai moito por descubrir! #ABiblioPréstame

20150910_164929

Estrea na Praza dos Libros!

Esta vez a #prazadoslibros contou cunha nova caseta, a da nosa Biblioteca Rego da Balsa, que se encheu de cores, xogos e libros para animar a tod@s @s nen@s que pasaban por onde a mesma.

Foi unha edición cargada de contacontos, concertos, animación infantil, presentacións de obras literarias e arte en tódolos sentidos, dende a venta e creación de fanzines, ata obradoiros levados a cabo na ludoteca, sen esquecer a venta de camisolas canto menos curiosas a cargo de OZOCO.gz

Praza-dos-libros

Programa-Praza-dos-Libros-Carballo-2015

Para aquel@s que non puidestes asistir a algún evento ou durante toda a xornada, farémosvos un pequeno resumo a continuación do que vivimos!

O xoves 20 de agosto, Milagros Cotelo foi a encargada de presentar a #prazadoslibros, acompañada da Banda de Gaitas de Carballo, que puxo o broche musical ao evento dando unha pequena pista de todo o que nos quedaba por ver neses vindeiros días.

IMG_20150820_130808

Dende o primeiro día, o equipo da Biblioteca Rego da Balsa estivemos á vosa disposición na caseta de turismo, para informarvos de calquera dúbida que podiades ter referente á biblioteca ou ludoteca. Tamén decidimos @s gañadores do noso I Concurso Literario Infantil e Xuvenil, o cal estivo moi disputado, pero finalmente decantámonos polo relato “Pulpo á Feira” de “Sioux”; e “De maxia e recordos” de “Páprika”. El@s mesm@s pasaron a recoller o seu agasallo, un vale de 30 € para mercar libros ou material nas casetas da praza! Deixámosvos aquí as súas obras para que poidades gozar delas coma nós.


v3
pulpo

v1maxia

Pola tarde, Raquel Galavís sorprendeu @s máis pequen@s cun cantacontos e, máis tarde, os fans do fútbol puideron gozar cunha peza na que se recolleron os casos máis anecdóticos e interesantes dos 50 anos anteriores do fútbol na Costa da Morte. Finalmente, Suso Lista presentounos a súa obra Xeixos, a cal asinou para a Biblioteca Rego da Balsa, e tamén se portou moi ben cos seus lectores e lectoras, @s que lle dedicou un autógrafo orixinal.

O venres 21, o equipo do grilo Míllelo fixo cantar @s máis pequen@s cunha chea de animais imaxinarios, como podedes ver na pequena mostra a continuación:

Pero este non foi o único que fixo bailar @s cativ@s, pois Paco Nogueiras chegou co seu Brinca Vai! para facelos gozar coma nunca! Os dous concertos encheron a carpa da praza para disfrute de grandes e maiores!

Por outro lado, durante toda a tarde, estivo presente a mostra de fanzines, grazas á que ilustradores dos arredores se deron a coñecer coas súas creacións e puideron vendernos xoias coma as seguintes, de Rubén Rial ou de Paula Esteban, por poñer algún exemplo.

tumblr_ntotoac5J51r3ypouo1_1280    11902555_440577312791039_8239603045169133320_n

 Miguel Mato foi o primeiro en marcar o ton literario do serán, co recital do seu poemario Terra Fría, e, posteriormente, o equipo de Rosalía Fernández Rial, Mon Lendoiro, Paco Souto e Chiña, sorprendéronnos coa presentación da súa obra Catálago, posto que fundiron pintura, poesía e música para dar lugar a unha obra conxunta que finalmente acabaron sorteando entre tod@s aquel@s que mercaron o seu libro.

v

O sábado 22 xa puidestes atoparnos na caseta dispoñible para a biblioteca e ludoteca, a cal nos permitiu prestarvos na praza xogos, libros, debuxos… para o voso entretemento.

v2

v5 v4

Pero non era esa a nosa única función, a parte de informarvos no que precisastes, inscribimos nov@s usuari@s e proporcionamos préstamos sorpresa @s pequen@s da casa!

s4 s3 s1

Mentras tanto, na carpa da praza, o equipo de Seisdedos mostrounos un espectáculo infantil con marionetas. Pola tarde, @s nen@s puideron seguir gozando con máis obradoiros organizados por Creaformas na ludoteca, e, ás 18:30 h comezou o concerto infantil de rock que nos trouxo a Gramola Gominola.

Xa á tardiña, chegou o turno de disfrutar @s adult@s e o público xuvenil, pois Farruco Graña presentounos a súa novela “O soño de Xoán” e Manuel Rivas a súa obra poética “A boca da terra”; as cales asinaron posteriormente a tod@s @s seguidor@s!

O domingo foi o broche da nosa praza, posto que tod@s aquel@s que optaron por mercar un libro ese día, levaron como agasallo un pan de Carballo! Tamén é importante lembrar que por cada compra, se regalaban rifas para os sorteos diarios de lotes de libros, que algúns/as afortunad@s puideron levar para a casa.

pan

Durante todo o día, Anxo Moure estivo animando @s nen@s co seu nubinete e ciclobicicleta, e os pequerrech@s encantados! Pasárono pipa dando paseos no carro da bicicleta, cantando, abrazando árbores…

20150823_174939

Pero @s maiores tamén puideron gozar pola mañá dun concerto en galego, a cago do grupo Chicharrón, e, posteriormente dunha rica sesión vermú de albariño Petroni!

Para a tarde, programouse unha saída polos murais de Carballo, pero tivo que cancelarse pola choiva e o mal tempo. Pero xa sabedes, a mal tempo… boa cara! E iso fixemos con axuda do grupo Chuches Amil, que nos brindou o concerto do seu audiolibro “Un conto ao revés”, na carpa da praza e fixo brincar @s nen@s que se achegaron! Mirade!!


Posteriormente, entrou Modesto Fraga, para gozo do público adulto, coa presentación da súa peza poética Atlántica Luz.

d1

Para finalizar esta edición da #prazadoslibros, o grupo Poetarras levou a cabo unha actuación de peche moi participativa, repartindo pans ao público máis valente que se lanzou a denunciar coa música problemas actuais da nosa sociedade.

Qué máis se pode pedir? Agardamos que vos gustase a #prazadoslibros deste ano e que o noso equipo resolvese todas as vosas dúbidas e necesidades! Vémonos na próxima!

s2 IMG_20150823_113832

20150821_203100

Comezamos agosto… concursando!

Benvido agosto, benvido o mes do sol, da calor, dos libros e dos concursos!!

Que porque dicimos isto? Pois porque na biblioteca comezamos agosto con moita forza, propoñendo @s máis pequen@s un concurso literario que lles encantará e que terá uns premios moi especiais.

En que consiste este concurso? Pois moi sinxelo!

Untitled Infographic

Haberá dúas categorías: Infantil (nen@s de 7 a 12 anos) e Xuvenil (rapazas e rapaces de 13 a 17 anos)

Os participantes elaborarán un microrrelato, conto ou poesía das seguintes características:

  • Extensión de 150 a 200 palabras, máis título.
  • Formato a dobre espazo e letra Times New Roman 12.
  • Non irá asinado, nin levará o nome do autor, senón que levará o pseudónimo que o autor elixa.

Os participantes terán do 1 de agosto ao 19 de prazo para enviar as súas creacións. Pódense enviar por correo electrónico a biblioteca@carballo.org ou achegándoas directamente á biblio.

O gañador ou gañadora de cada categoría será anunciad@ o día 20 de agosto, na Praza dos Libros, e o seu premio será…

Un vale de 30€ para gastar nas librarías de Carballo que teñan stand na Praza dos Libros!!

Pensade as marabillas que podedes mercar con ese agasallo: contos clásicos, libros pop-up, as historias máis tolas de Geronimo Stilton, libros sobre dinosaurios, historias de fantasía e amoríos… incluso audiocontos!!!

Este ano a Praza dos Libros celebrarase do 20 ao 23 de agosto e estará chea de sorpresas! Iremos informando, porque por suposto, a Bibliocarballo estará alí con vós!!

Ollade as bases completas:

Veña, rapazada, botade a voar o voso maxín e participade!

Este verán será de Cine!! (2ª Parte)

Xa sabedes que recentemente seleccionamos uns poucos filmes para que @s amantes do celuloide se animaran a achegarse á biblioteca para levalos en préstamo, pero con tanto material faltáronnos as recomendacións para o público infantil, ou para toda a familia: películas e series que podedes gozar na casa adult@s e pequen@s e botar unhas cantas risas nesa horiña de diversión. Queredes saber que podedes atopar? Facémosvos un resumo!

Para empezar, Ourizo quere mostrarlles @s nen@s máis pequen@s estas fabulosas cintas de “Caillou”, co que viviredes aventuras do día a día e vos dará ideas para levar a cabo c@s amig@s, e “Toopy y Binoo”, unha parella moi peculiar que arrasa por donde pasa, coa que botaredes unhas boas risas.

20150730_19404720150730_194157

Outros filmes que causan furor entre o público infantil son os clásicos de Disney, coma “Pocahontas”, “La Dama y el Vagabundo”, “La Cenicienta”, “Alicia en el país de las maravillas”… e moitos máis, na foto deixamosvos unha proba dos mesmos. Pero tamén existen largometraxes máis actuais que arrasan nos préstamos, como poden ser “Donde viven los monstruos”, “Coraline”, “Rompe Ralph”, “La invención de Hugo”… e que moitas veces precisan de reserva ao estar prestados. “Spiderman” é outro filme que conquista corazóns, pois as aventuras deste superheroe fan que @s nen@s non se poidan resistir. As sagas de “Ice Age” e “Madagascar” tampouco se quedan atrás, pois son películas que deixan marca e que nos fan rir un montón na casa, aínda non as viches? A que agardas?

20150730_193406 20150730_193854 20150730_193642    20150730_193710

Outras cintas que as familias levan moito son as de “Doraemon” e o “Pato Lucas”, xa que son debuxos animados que perduran coas xeracións, que desfrutan tanto @s maiores coma @s pequen@s, posto que nos traen recordos á vez que nos fan gozar das súas aventuras. E se falamos de debuxos recentes, existe un que cada día vai e ven á biblioteca para percorrer as casas d@s nen@s carballeses… adiviñades cal? Pois, si! Bob Esponja e compañía deixan o mar para poder chegar ás vosas casas cada día. Será que está de moda, ou será que esta esponxa, xunto cos seus amigos, fan que @s pequerrech@s da casa escachen coa risa cada día.

20150730_193752  20150730_194348

Os rapaces e rapazas máis maiores soen decantarse por musicais coma a triloxía de “High School Musical”, películas nas que unha pandilla de adolescentes enfrontan problemas do día a día grazas ao valor da amizade, por non falar do ben que cantan! E se o voso son os musicais… temos un clásico indispensable para toda a familia: “Sonrisas y lágrimas”, o clásico musical infantil por excelencia, ídelo deixar pasar?

20150730_192854

Finalmente queremos recomendarvos as series que enchen o noso canto infantil, series para aprender (idiomas, coñecemento do medio, matemáticas, etc.) como os “Hoobs”,“Tommy y Oscar” ou “Crecer con los Lunnis”…

IMG-20150731-WA0000 IMG-20150731-WA0004 IMG-20150731-WA0005 IMG-20150731-WA0006

…series para soñar, como “Los osos amorosos” ou “Kika Superbruja”; series para non parar de rir, como “Mortadelo e Filemón”, as trasnadas de “Zipi y Zape” ou “Que bello es Sobrevivir”

 IMG-20150731-WA0002 20150730_193933IMG-20150731-WA0001

…series para coñecer xogando… como os documentais de “El Maravilloso Mundo de los Animales”, cos que ademais de descubrir mil cousas sobre os animais, nos presentan xogos para interactuar connosco…

IMG-20150731-WA0003

Pero dúas das nosas favoritas son, sen dúbida, “Érase una vez el Hombre” e “Érase una vez los Inventores”… series para desfrutar en familia e lembrar vellos tempos… debuxos que viven ao largo do tempo, xeración tras xeración, e, para despedirnos, deixamosvos a intro dunha delas para crear morriña e, así, animarvos a volvelas a ver de novo 😉

IMG-20150731-WA0007

Este verán será de Cine!! (1ª Parte)

Como ben sabedes, xullo e agosto están ateigados de actividades culturais para poder facer e desfrutar do verán sen esquecer todo o que nos pode ofrecer un bo libro, unha boa canción ou unha fantástica película.

Xa no blog vos presentamos a programación do Concello para este Verán Cultural, e, ademais dos concertos, o humor ou a danza, unha das ofertas máis atractivas é a do ciclo Noites de Cine, que durante os meses de xullo e agosto viaxará por diferentes lugares no municipio proxectando filmes para todo tipo de públicos, tanto ao aire libre como en recintos públicos para que tod@s poidades desfrutar do mellor cine de balde!

E falando de cine… na biblioteca contamos cunha amplísima selección de cine, con películas de diferentes xéneros que podedes levar en empréstito se sodes socios!

Esta semana queremos amosarvos o fondo cinematográfico que podemos ofrecer ao público adulto e xuvenil… Preparádevos, que veñen emocións fortes!

  IMG_20150723_111041IMG_20150723_111223IMG_20150723_111434

Comezamos cos clásicos, eses filmes que pasaron á historia do celuloide como obras mestras que permanecen na memoria colectiva e que nunca é mal momento para revisar. Cine de autor, a idade de ouro de Hollywood e moitos máis vos esperan na biblioteca!

IMG_20150723_110436IMG_20150723_111739IMG_20150723_110834

Ademais destes clásicos, dispoñemos dun amplísimo abano de películas dos máis diversos xéneros, épocas e nacionalidades.

Filmes de temática social, que espertarán en nós esa mirada crítica e concienciada sobre o mundo que nos rodea, ou dramáticas, que nos farán escapar algunha que outra bágoa, ou incluso algunha arrepiante e misteriosa … desas temos a varrer!

IMG_20150723_111923IMG_20150723_112048

Tamén poderedes experimentar intensas e emocionantes historias de amor na pel dos personaxes das máis románticas longametraxes, ou vivir momentos memorables da Historia como se estivésedes alí mesmo!

IMG_20150723_112618IMG_20150723_112329IMG_20150723_112829

E para @s que preferides deixar as cousas serias para a vida mesma e non vos queredes complicar, temos acción, aventuras, humor e fantasía, que lograrán que vos evadades da realidade e vexades o mundo cos ollos da imaxinación e a ilusión, sen perder o sorriso nin por un instante!

IMG_20150723_114103

E que pensades, que só temos cine estadounidense? Claro que non, temos cine español e, por suposto, cine galego! Na nosa terra faise moi bo cine e temos verdadeiros mestres do xénero, sen necesidade de ter que ir a outros lares. Por iso, ofrecémosvos varias coleccións e títulos interesantísimos que vos van sorprender, como A lingua das bolboretas, O soño dunha noite de San Xoán, Crebinsky ou o galardoadísimo filme de animación Engurras.

IMG_20150723_112917IMG_20150723_111537IMG_20150723_115004

Ademais do cine, na sección audiovisual para adulto@s e xuvenil, temos tamén un recunchiño para series e coleccións de documentais.

Xa sabedes que vivimos un momento glorioso para as series de televisión, que son todo un fenómeno de masas e que máis ca nunca espertan o noso interese, verdade? Pois tamén temos para vós algunha que outra serie para ofrecervos, como a que xa se pode considerar un clásico no xénero, Sexo en Nueva York. A nivel nacional tod@s coñecemos a Aída e as aventuras que acontecen á veciñanza de Esperanza Sur. Ou quen non viu centos de veces os episodios dos Simpsons ou Padre de Familia?

IMG_20150723_114606IMG_20150723_114832

E para os seareiros da natureza, os viaxes, os enigmas, o motor, a Arte ou a Historia tamén hai documentais para enriquecervos, entretervos e aprendervos. Xa vedes que hai para todos os gustos en Bibliocaraballo!

Pois non agardedes máis e achegádevos a buscar a vosa película para a fin de semana ou para un serán de relaxación estival. Vaivos ser difícil escoller entre tantas marabillas!

Seguide atentos ao blog, porque en breves teremos preparada unha visita virtual á zona audiovisual infantil, e veredes cantas películas temos para @s máis pequenos 😉

Porque o cine é o soño dunha noite de verán!

Vacacións en primeira clase!

Xa sabedes que o #verán é tempo de #vacacións, de tempo libre para desfrutar, e que mellor que pasalo viaxando e coñecendo lugares e #culturas arredor do mundo? vw-camper-336606_1280

Por desgraza, algúns orzamentos non son suficientes para poder desplazarse terrenalmente a lugares exóticos, por iso vos queremos deixar unha listaxe de obras que vos transportarán a onde queirades deixar voar a vosa mente, que vos levarán a zonas descoñecidas, a climas tropicais ou á máis dura sabana, que vos mergullarán en espazos diferentes e vos farán compartir os sentimentos e tradicións doutras culturas. Atrevédesvos a #viaxar connosco? Pois apretade os cinturóns que aló imos con billete de primeira clase!

Para o gozo d@s máis pequen@s presentámosvos #libros como, por exemplo, “Nilo y Zanzíbar”, no que a amizade destes dous compañeiros os levará a embarcarse nunha viaxe para poder reencontrarse, rompendo as barreiras e enfrontándose a perigos de cando en vez. Non esquecemos outros como o clásico e estimado Rato Pérez, que chega con novas aventuras percorrendo o mundo para deixar os seus agasallos a tod@s @s nenos d@ planeta… Pero non só estes amigos percorren o mundo, outr@s moit@s coma @s que aparecen na foto tamén o fan, queredes descubrir as súas historias?

infantil

Para o público adulto e xuvenil temos interesantes historias que nos achegan a Oriente, como “La Sombra de la Ruta de la Seda”, ou que nos transporten a lugares fríos, tropicais e exóticos e a outras épocas como “Palmeras en la Nieve”, libro do que se está a elaborar a película, e que incluso nos pode chegar a recordar a “Memorias de África” (que tamén atoparedes na biblioteca en formato DVD, BSO e libro).

adulto

Se sodes d@s afortunad@s que podedes saír de vacacións pero aínda non tedes moi claro a onde, queremos suxerirvos libros coma os seguintes, posto que as súas ilustracións e información axudaranvos a elixir un destino. Cal vos gustaría: Estambul, Londres, algunha rexión recóndita de África…? Contádenos cal escolleriades e se podedes ir compartide con nós os vosos recordos!

mundo

E recordade que na propia terra temos sitios espectaculares para visitar, se non se vos ocorre ningún (cousa rara) ou o voso orzamento é máis limitado, nestas guías atoparedes mil e un lugares para sorprendervos con Galicia, para visitar as súas #festas gastronómicas ou outras temáticas que vos transportarán a un mundo máxico!

galiza

Animádevos e deixade aquí algunhas fotos das vosas #escapadas, as anécdotas máis inesperadas ou as suxerencias para outros viaxeiros intrépidos coma vós 🙂

girl-584388_1280

Carballo está de festa… e nós tamén!

Xa comezaron as actividades e actos que dan paso á festa da nosa vila, á festa de #SanXoán, unha celebración chea de #oportunidades lúdicas para fundirnos coa nosa #tradición, rodeados dun ambiente de #maxia e #misticismo.

 diante
San-Xoan-de-Carballo-2015

Nós tamén o celebraremos eses días, polo que é preciso avisarvos que o 24 e 25 deste mes permaneceremos pechados por ser festivos locais, pero voltaremos o 26 en horario habitual. Recordámosvos tamén que se necesitades facer algunha devolución podedes deixalas no noso buzón de entrada ou ben esperar ao día seguinte para taernos os materiais.

Por outra banda, para aquel@s que nos visitan na #ludoteca tamén vos avisamos que esta semana do 23 ao 26 se xuño, a mesma permanecerá pechada, pero verémosnos de novo nela o 29 co horario de sempre.

midsummer-142494_1280

Por todo isto, quixemos facervos unha selección de materiais especiais para estes días máxicos e recomendarvos libros que vos inspiren no mundo do sobrenatural, que vos axuden a levar a cabo os ritos para o amor, a saúde ou a abundancia en xeral, pero, sobre todo, que vos gusten e vos poidan resultar de interese.

Como seguro que xa sabedes, a noite do 23 ao 24 de xuño é máxica, durante a mesma, as portas do mundo dos vivos e dos mortos ábrense para que os espíritos poidan volver durante uns intres a ver aos vivos que deixaron atrás, por iso, como manda a tradición, é preciso deixar nas portas das nosas vivendas plantas que nos protexan do mal de ollo e dos espíritos, bruxas e demos que buscan facer o mal. Algunha desas plantas seguramente a coñeceredes, pois son o fiuncho, chuchamel (bilitroques ou alcroques), herba de San Xoán, romeu… Pero non todo son brux@s malvad@s, na nosa #biblioteca temos uns cantos bos que sabemos que vos poden arrincar máis ca un sorriso, por iso nos gusta recomendárvolos, animádevos a levar en #préstamo meig@s coma @s seguintes:20150622_115019

Pero as plantas galegas tamén teñen máis poder que o de evitar encontros indeseados, ademais tamén poden axudar a curar, sentirse mellor e ofrecernos enerxía e benestar. Así se demostra co rito que se fai nesta mesma noite, na que despois de recoller follas que vos indicamos a continuación, se deben meter en auga e deixalas toda a madrugada ao rocío desta noite. Despois de amencer, será preciso realizar o primeiro lavado de cara con esta auga, pois será a que nos outorgue a maxia para rexuvenecer e conseguir máis enerxía positiva.

11427711_880847172002972_8701203264008360969_n 4729987922_a49eff7c00_b

20150622_114410

Por último, tamén vos lembramos que Sanxo, o esquío máis molón de Carballo e a mascota da #biblioteca está de santo, posto que o seu nome deriva desta festa tan importante para o noso pobo. Él mesmo avisounos de que vos lembremos que esa noite tan especial tedes que ter moita ilusión e concentrarvos durante as #cachelas, pois é un momento ideal e máxico para pedir os desexos que vos rondan na cabeza durante todo o ano, é o momento no que o lume e as cinzas mesturan a fantasía coa realidade e a transforman deixándonos a esperanza de velos cumpridos. Xa pensastes o voso? Dende aquí desexámosvos un ano cheo de lecturas, películas e música apaixoantes 🙂

sanxo
flying-sparks-142486_640 20150622_115317

CREA O TEU BUCKETLIST PARA ESTE VERAN: EU VOU A BIBLIOCARBALLO E TI?

Xuño é o mes de transición entre a primavera e o verán. Finalizan as clases para moitos nenos e nenas, adolescentes, pais e nais e comeza unha das estacións maís desexadas, o #verán. No verán pódese pasear moito ao aire libre, visitar a praia c@s amig@s, onde poder facer castelos de area, bañarse e xogar nas fermosísimas augas da costa galega, ir á piscina do teu pobo ou cidade, comer xeados, ir a festivais e incluso crear un #Bucketlist: colle lápiz e papel e séntate c@s fill@s, amig@s ou familiares a falar sobre as #actividades que se farán este verán. Podedes facer unha lista de 10, 20 ou hasta 50 actividades entretidas para levar a cabo. Incluíde tarefas simples e complexas e nas que todos os membros da familia participen. Entre as actividades do voso Bucketlist podedes engadir propoñervos ler algunha das novas coleccións que nos chegaron á Biblioteca.

Para @s máis pequen@s da casa atoparedes a colección “Crecer con los Lunnis”, libros con audiovisuais para PC CD-ROM e DVD. Entretida, divertida e didáctica. Os Lunnis guían @s nen@s polo mundo das emocións e os valores e propoñen xogos para potenciar as súas capacidades.

IMG_3311

Outra colección de audiovisuais para PC-CD ROM ou DVD que vos suxerimos é a de “Planeta Hello Hoobs”, obra infantil pensada para o aprendizaxe do inglés para nenos de 4 a 9 anos. Os Hobbs, populares personaxes televisivos creados por Jim Henson (Barrio Sésamo), acompañan @s nen@s na aprendizaxe de maneira natural a través duns contidos imaxinativos e divertidos.

IMG_3310

Para o público adolescente e xuvenil tamén dispoñemos dun espazo dedicado ás coleccións, aquí poderedes atopar algunhas xoias literarias máis lidas por nenos e nenas de 8 a 12 anos como a de Gerónimo Stilton, serie de libros creada pola escritora Italiana Elisabetta Dami onde vos podedes mergullar nas misteriosas, fantásticas, e incríbles aventuras deste famosísimo rato. Tamén para o público xuvenil atoparedes coleccións moi interesantes que vos poden acompañar nas #vacacións de verán.

IMG_3322

IMG_3328

IMG_3329

Non só coleccións atoparedes na #biblioteca, tamén, dispoñemos de espazos máis completos dedicados aos clásicos. Quen non leu “Alicia no País das Maravillas“? ou ” Romeo e Xulieta“? Na Biblioteca agárdanvos moitas aventuras este verán. Vide e somerxédevos nas fantásticas aventuras de Alicia; a namorarvos con Romeo e Xulieta, a seguir aprendendo, a coñecer novos amigos, vide a pasalo incríble! porque só un libro é a extensión da #imaxinación e da #memoria, porque un libro danos forza, valor, alimento e #amor!

book-759873_1280