Actividades – Páxina 3 – BIBLIOCARBALLO

#ABiblioPréstame máis que nunca!

En maio e abril actividades mil e… de balde! Ofrecémosvos nestes meses outra tanda de opcións para o voso tempo de lecer: proxeccións cinematográficas con fondo (do Fondo Galego de Solidariedade); manualidades e exercicios creativos para liberar a vosa imaxinación; contacontos de Pais e Nais e da Biblioteca… e algunha cousiña máis que podedes ver no cartel primaveral que vos deixamos a continuación.

Lembrade que existen actividades que precisan de inscrición previa; polo que para poder participar nelas teredes que poñervos en contacto co persoal da Biblioteca Rego da Balsa a través do teléfono: 981 758 580; ou ben no correo electrónico: biblioteca@carballo.org

Ven e participa! #ABiblioPréstame!

DESCUBRINDO O ENIGMA

Este pasado mércores 18 de marzo, comezou na #biblioteca unha #actividade nova destinada a nen@s de entre 6 e 12 anos aproximadamente na que foron @s encargad@s de resolver varios misterios para poder achar unha solución final que lles proporcionaría a vitoria deste #xogo e, con ela, unha actividade final para o recordo do mesmo.

O enigma desta semana relacionámolo co #DíadaPoesía, xa que o 21 de marzo estaba moi preto, e decidimos facer as #pistas desta actividade con #rimas e #poemas, para que @s máis pequen@s fosen máis creativ@s á hora de resolver as devanditas probas. Deste xeito, a primeira cuestión que se lles presentou foi colocar en orde unhas pinguiñas para saber que se lles pedía neste xogo.

Despois de descubrir entre tod@s que tiñan que encargarse de atopar o resto de #pistas agochadas pola #biblioteca, puxéronse mans á obra e lograron reunilas todas axudándose entre sí. O premio final da proba consistiu en elaborar cada un a súa propia nube de palabras usando, para elo, os seus nomes. Nas fotos seguintes podemos ver algúns dos fantásticos resultados:

Despois de ver as obras de arte que fixeron, a nosa #biblioteca tampouco podía quedar sen a súa propia nube! Gústavos?

A Biblio Conta … moitos contos!

O pasado día 7 de marzo na biblioteca contamos o conto de Carapuchiña Vermella dun xeito moi especial. Como todos sabedes a partir de agora todos os meses, o primeiro sábado de cada mes, as bibliotecarias contaremosvos un conto. Bueno, moitos contos!

Para realizar o conto utilizamos diferentes ferramentas, pero o ingrediente fundamental foi engadir moito, moito cariño, polos libros e polo público.

Contamos o conto de Carapuchiña Vermella acompañadas duns queridos compañeiros e un teatrillo de contos feito por nós:

Encontraredes máis información sobre como fixemos este teatrillo a través da carpeta que encontraredes no Pinterest dedicada ao contacontos:

Sigue o tablero #ABiblioConta de Bibliotecas de Carballo en Pinterest.

Tamén confeccionamos unha capa e unha máscara do lobo. Brrrrr…, que medo!

Tamén utilizamos dúas versión do conto:

“A verdadeira historia de Carapuchiña Vermella” de Antonio Rodríguez Almodóvar.

O conto tradicional con pinceladas de humor que gustarán a toda familia. Carapuchiña máis lista e máis divertida que nunca.

“Confundindo historias” de Gianni Rodari.

Un avó lle conta a súa neta o conto de Carapuchiña Vermella, ou bueno Carapuchiña Verde como diría él ou Carapuchiña amarela… O avó no se sabe o conto! Pero a nena atopa esto moi divertido porque o final gaña unha moeda para comprar lambetadas.

😉

“Xiqui Xoque, Fiú Fiú” de María Fumaça.

Non podemos olvidar a música que utilizamos para ambientar o conto. E coa canción de “Lúa” deste disco encontramos a banda sonoro perfecta para o conto de Carapuchiña!

Na biblioteca ademáis podemos encontrar diversos recursos moi útiles como os audiolibros da zona de “Libros+Audio” da zona de 7 a 12 anos. A colección Audiocontos da Editorial Galaxia é unha fantástica idea para comezar. Querdes aprender a contar contos? Votade unha ollada.

Pais e nais contan

A hora do conto é para moit@s cativ@s o seu momento preferido do día. Tras unha dura xornada de escola e actividade constante tolean por pasar un anaquiño de tempo relaxados escoitando e soñando coas maravillosas historias que lles len seus pais.

Para as mamás e papás tamén é un momento de satisfacción, xa que poden pasar un tempo de calidade e gozo cos seus fillos.

Pero a hora do conto non só ten que ter lugar na casa antes de ir durmir, senón que tamén pode haber momentos de desfrute ao longo de todo o día, e non soamente son os papás e as mamás os que necesariamente participan como narradores, senón que poden ser avós, avoas, amig@s, tí@s ou incluso @s propi@s nen@s.

Por ese motivo, ofrecémosvos a oportunidade de botar a voar a vosa imaxinación e creatividade, invitándovos a participar nun fermoso proxecto que iniciamos a semana pasada, chamado “Pais e nais contan”.

En que consiste? É moi sinxelo. Podedes compartir as historias preferidas d@s vos@s fill@s e contárllelas ao resto de nenos e nenas que acoden á Biblioteca, converténdovos en contacontos non só nas vosas casas, senón ante un público agradecido e ávido como o que máis na vosa biblioteca.

Podedes elixir contos populares, dos que figuran no noso fondo bibliográfico, ou dos que teñades vós na casa, e se preferides incluso podedes contar esa historia inventada por vós que fai que os vosos nenos escachen coa risa.

Non vos asustedes, non tedes que ser profesionais. Sacudide a vergoña e atrevédevos, xa veredes como resulta ser unha experiencia preciosa e divertidísima!

O pasado xoves unha mamá e un papá xa se atreveron e o resultado foi todo un éxito, nin un só neno pestanexou! Un dez a Yolanda e Ramón, os aventureiros que leron “Nouky descubre los sabores”, “El Pollo Pepe” e “Cocorico”.

O único que tiveron que facer estes dous valentes foi achegarse á biblioteca e anotarse como voluntarios para o último xoves de mes ás 18:00 h., que é cando se celebrarán as sesións.

Precisamos da vosa axuda!

Pais e Nais Contan, anótate!

Na #biblioteca de Carballo temos unha nova #actividade mensual feita por e para vós. É a chamada “Pais e Nais contan”, na que moit@s voluntari@s da zona (nais, pais, avos, avoas, tí@s, educadores…) se atreven a contarnos unha historia para o desfrute d@s máis pequen@s da casa. Así, os nenos e nenas que se acheguen nesas datas sinaladas á Biblioteca Rego da Balsa poderán desfrutar con tódolos sensos os contos máis orixinais e con máis sentimento da comarca, posto que poden ser #contos que xa coñecemos, pero tamén poden ser inventados pol@ voluntari@.

Se coñecedes algunha cativa ou cativo ó que lle guste escoitar e ver as #historias, sentilas en primeira persoa… Non vos perdades estas oportunidades que nos ofrecen cada mes moit@s afeccionad@s e/ou profesionais dos contacontos. A maxia é para nen@s, pero tamén para maiores, vide e desfrutádea.

Por outra banda, se queredes facer vós os #contacontos, animádevos e poñédevos en contacto co persoal da Biblioteca Rego da Balsa. Asesorarémosvos para saber como comezar, se é que o precisades! Ademáis, non tedes por qué seguir un libro concreto, podedes deixar voar a vosa imaxinación a canda a dos nenos. Se vos sentides máis seguros seguindo a pauta das follas é outra opción confiarvos a un libro da nosa biblioteca ou traer algún que queirades da vosa casa. Pero o máis importante é que vós mesmos desfrutedes da experiencia e tamén a vivades, que vos confiedes e expresedes o que vos din as palabras, que vos axudedes do potencial da vosa voz ou incluso, se queredes, de elementos externos (teas, marionetas, disfraces…). O esencial é que sexa unha experiencia de enriquecemento para tod@s.

Despois de ler isto seguramente teñades ganas de vivilo, ben como espectadores ou como protagonistas. Anotádesvos á experiencia? Que non vola conten!

ACTIVIDADES PARA FEBREIRO E MARZO

Moit@s de vós pasastes a preguntarnos e suxerirnos actividades para este mes e o vindeiro, e dende a Biblioteca Rego da Balsa comprácenos moito poder facer oficial o programa que imos levar a cabo. Nel atoparedes obradoiros, presentacións, contacontos, proxeccións… para todos os gustos e… son de balde! A que esperades para botarlle un ollo?

Recordade tamén que hai actividades que precisan de inscripción previa, polo que é interesante que se tedes dúbidas en asistir vos anotedes xa, porque que as prazas voan!

Animádevos a participar e contádenos a experiencia, non vos arrepentiredes!

Febreiro Emocional

Este mes vos ofrecemos o mes máis tenro de todo o ano…, é o febreiro emocional! Os talleres estarán dedicados a mellorar a expresión corporal e emocional dos nen@s a través de música, a danza…, e os masaxes maternais!

Impartidos por Raquel Bello (psicología familiar) e Mª Luz Amigo (psicóloga gestática) de Oikos (Espacio de sensaciones, desarrollo y salud) as actividades se divíden en tres talleres: taller de masaxe maternal para bebés de 0 a 3 anos, taller de mímica de un conto de fantasía e taller de danza emocional e expresión corporal.

Os obradoiros teñen un aforo limitado, polo que será necesaria a inscripción previa na biblioteca ou chamando por teléfono ao número 981758580.

FEBREIRO EMOCIONAL

TALLER DE MASAXE MATERNAL. Raquel Bello e Mª Luz Amigo. con inscripción previa. Bebés de 0 a 3 anos | Venres 6 | 17:30h-18:30h. Aforo: 12 bebés (cada bebé pode vir caompañado de dúas persoas).

Máis información neste enlace en Issu.

TALLER DE MÍMICA DE UN CONTO DE FANTASÍA. Raquel Bello e Mª Luz Amigo. Con inscripción previa. Nen@s de 3 a 6 anos. | Martes 10 | 18:00h-19:00h. Aforo: 12 nen@s (cada neno pode vir caompañado de dúas persoas).

Máis información neste enlace en Issu.

TALLER DE DANZA EMOCIONAL E EXPRESIÓN CORPORAL. Raquel Bello e Mª Luz Amigo. Con inscripción previa. Nen@s de 3 a 12 anos. | Martes 17 | 18:00h-19:00h. Aforo: 12 nen@s (cada neno pode vir caompañado de dúas persoas).

Máis información neste enlace en Issu.

XA SABEDES…, NON ESPEREDES MÁIS INSCRIBÍDEVOS!

Dous meses da nova Biblioteca de Carballo: resumo fotográfico das actividades

Dentro duns días a nova Biblioteca de Carballo; a Biblioteca Rego da Balsa de Carballo fará dous meses aberta a todos os carballes@s.

Dous meses de moitas actividades, visitas, usuarios, préstamos, de unha actividade frenética para que todos vós disfrutedes deste novo espazo de cultura e lecer. Deixámosvos nesta entrada un resumo fotográfico, dende a súa apertura, de algunhas das actividades que se levaron a cabo na #ABiblioPréstame e recordámosvos que esta semana podedes disfrutar do CONCERTO INFANTIL BRINCA VAI! Paco Nogueiras . + 3 anos | Mércores17 | 18:00 e a MASTERCLASS: COMUNICACIÓN sXXI: BLOGS, PRENSA DIXITAL E YOUTUBE” Con inscrición previa.+14 anos | Venres19 | 19:00 h