NOVIDADES NA LUDOTECA!

Blog,Cousas da Ludo,Infantil,Ludoteca

En setembro mudamos o funcionamento da Ludoteca Municipal co fin de poder ofertar un servizo de máis calidade para as familias que acoden a ela.

Deste xeito, comezarán a realizarse actividades programadas para goce d@s máis pequen@s da casa, nas que se fomentarán valores como a tolerancia e o respecto á diversidade, o compañeirismo, o coidado do medio, etc. e tamén se traballarán destrezas nalgunhas propostas, como a motricidade fina, para ofrecer un soporte de aprendizaxe dinámico fóra da educación formal.

Para conseguir un óptimo funcionamento e realización destas propostas é preciso realizar unha preinscrición d@s nen@s que asistirán a cada unha das actividades programadas da Ludoteca, xa que existe un número de prazas limitado. A forma de realizar esta inscrición será presencialmente no mostrador da Biblioteca Rego da Balsa ou enviando un e-mail a biblioteca@carballo.gal.

Deste xeito, a actividade semanal da ludoteca será a seguinte:

· Luns, mércores e venres: a ludoteca abrirá no horario habitual, sen límite de idade e cun aforo limitado de 15 nen@s coas súas familias.

· Martes e xoves: a ludoteca abrirá as súas portas para realizar as actividades guiadas programadas cos cativos de 3 a 8 anos preinscritos no horario establecido para as mesmas.

Puntualmente, tamén ofertaremos actividades con inscrición para nen@s menores de 3 anos, recollidas dentro do programa Apego, das que vos iremos informando proximamente.

Pouco a pouco irémosvos contando todas as propostas lúdicas que vos ofreceremos nos vindeiros meses, pero queremos sorprendervos, así que non deixedes de informarvos a través das nosas redes (facebook, twitter, instagram…) para coñecelas e solicitar a praza a tempo! Agardámosvos!

Advertisements

#Novidades de setembro

Blog,Novidades

Comeza setembro e con el chega o cheiro a libros e material escolar, o novo curso para nen@s e moz@s e a volta das vacacións de moit@s adult@s. Por iso, na biblioteca Rego da Balsa tamén recargamos pilas e traemos novidades para tod@s os públicos, para renovar o voso ocio literario e sorprendervos coas adquisicións que nos pedistes e que pensamos que tamén vos poderían gustar. Seguide lendo!

Renovamos a zona infantil con libros duros e de texturas, para que soporten o ritmo d@s pequen@s da casa. Así, algunhas das novidades que atoparedes nesta sección poden ser “La granja al dedillo”, para cativ@s de 0-3 anos e con texturas; “Wonder”, un libro de valores de 4-7 anos, ou “Manual para soñar”, para @s máis maiores de 7-12 anos, que invita a conseguir as metas e soños que nos propoñamos!

Na zona xuvenil continuamos a completar sagas, como a de “As Crónicas de Landereina” ou o manga “Evangelion”. Pero non nos olvidamos de traer novos títulos, como pode ser a novela apocalíptica “La quinta ola”, que manterá á nosa mocidade moi entretida desde a primeira páxina!

O público adulto poderá sorprenderse con novos títulos coma “Ser feliz en Alaska”, para traballar en nós mesmos cos consellos de Rafael Santandreu, ou “El azul es un color cálido” e “Normal”, libros que afondan nos valores de igualdade e tolerancia. Tamén recibimos novelas de diferentes autorías, algúnhas máis coñecidas que outras, como o caso da escritora de intriga Mary Higgins Clark ou a famosa Isabel Allende.

Lembrade que todo isto é soamente un bocadiño de todo o que podedes atopar na nosa biblioteca, entre novidades e materiais xa existentes desde que abrimos… Por iso non deixedes de visitarnos, seguro que atoparedes algo co que sorprendervos en cada visita! Agardámosvos 😀

#Novidades de #Verán

Blog,Novidades

Nestes derradeiros días de xuño, e antes de dar comezo ás festas de San Xoán dámoslle a benvida á nova estación estival con novidades literarias fresquiñas para todos os públicos.

Este mes incorporamos aos nosos fondos múltiples opcións que farán que as vindeiras xornadas de praia, festas e descanso adquiran un valor engadido grazas á lecturas que vos acompañarán.

Entre os novos títulos podemos contar con libros de temática feminista, que engrosan o noso recuncho “Debuxando a Igualdade”, o punto máis reivindicativo de guerrilleiro da biblioteca, no que atoparedes historias de grandes mulleres que loitaron e continúan loitando por acadar a igualdade de dereitos para todos e todas e adaptacións de contos clásicos nas que por vez primeira veremos ás princesas máis independientes, aos príncipes máis libres para expresar os seus sentimentos e ás madrastras máis humanas e boas que nunca.

Teremos tamén adaptacións de grandes obras de literatura universal para público infantil traducidas ao galego, da man da colección Mini Clásicos, publicada por Embora. O Quixote, O Chepudo de Notre Dame, ata A Odisea de Homero son algún dos títulos que @s máis pequen@s poderán coñecer de primeira man!

NOVIDADES VERÁN INFANTIL

A rapazada adolescente verá reflectido o seu espírito rebelde en novelas como “”Marxinados” ou “Nunca seré tu héroe”, e poderán comprobar que a historia está chea de inconformistas como el@s que chegaron ben lonxe e cambiaron o mundo para mellor na “Enciclopedia de rebeldes, insumisos e demás revolucionarios” ou “Enciclopedia de malos alumnos y rebeldes que llegaron a genios”.

NOVIDADES VERÁN XUVENIL

Os adultos poderán atopar nas baldas de “Novidades” as novelas de Elena Ferrante, a enigmática autora de identidade descoñecida tan alabada pola crítica como polo público, cuxa saga “La amiga estupenda” (tamén dispoñible na biblioteca) será levada á pantalla pola prestixiosa canle HBO. Non podemos agardar! O título recentemente  incorporado á nosa colección é “Crónicas del desamor”, unha recopilación das tres primeiras novelas da autora.

NOVIDADES VERÁN ADULTOS

Temos tamén para vós o fantástico “El libro de Gloria fuertes”, de Blackie Books, que conta a vida e a obra dunha poeta xenial que viu a súa literatura ensombrecida primeiro por ser muller, despois pola súa clase social e finalmente pola súa fama, e á que lembramos no ano do centenario do seu nacemento.

Como podedes ver, a temos moitas cousas interesantes que ofrecervos, pero lembrade sempre que na biblioteca tedes moito máis, e que descubriredes máis sorpresas botándolle un ollo ás nosas baldas de novidades.

Porque non é o mesmo que cho conten que velo por ti mesm@!

Libros en versión orixinal: Idioma Inglés.

#ABiblioPréstame,Blog,Recomendamos

Estas aprendendo algún idioma? Gustaríache ver películas en versión orixinal? Na biblioteca dispoñemos dunha sección, chamada Idiomas, na cal podedes atopar libros en inglés, francés, italiano e portugués, cos cais desfrutarás leendo e ao mesmo tempo che axudarán a mellorar o idioma.

A continuación recomendámosvos algúns libros moi interesantes en idioma inglés e que podedes levar en préstamo na biblio.

Romeo And Juliet, William Shakespeare.

“The Most Excellent and Lamentable Tragedie of Romeo and Juliet” é o título orixinal desta obra que sen dúbida é un clásico da literatura universal e a obra de teatro máis representada na historia. Se por algo se distinguiu Shakespeare no seu momento, foi pola elegancia da súa pluma, non había poeta que puidese compararse con él. Esta obra pode motivarche a perfeccionar o teu inglés e así recitar os diálogos dunhas das mellores historias de amor de todos os tempos. Con esta obra podedes lograr unha maior aprendizaxe e unha mellor comprensión en inglés. Na biblio podedes levar en préstamo o filme Romeo&Julieta na versión máis moderna,  do director Baz Luhrmann.


Alicia in wonderland, Lewis Carrol.

Lewis Carrol, cuxo nome verdadeiro era Charles Lutwidge Dodgson, escribiu esta obra pensando principalmente en pequenos lectores, pero o certo é que desde un obxectivo punto de vista literario, a historia é complexa e sofisticada. A linguaxe fantástica e os xogos de palabra que inventou Carrol son díficiles de traducir, así que o mellor é lela no seu idioma orixinal para que teñas unha nova perspectiva sobre os escenarios e personaxes. Na biblio tamén podedes levar en préstamo a película Alicia en el país de las maravillas,  a cal podedes ver en version orixinal.

 

The Secret Garden, Frances Hogdson Burnett.

O xardín secreto é un deses libros clásicos que sempre apetece ler. Como podería ser doutra forma? A pesar de ser un libro infantil a literatura de Hogdson Burnett non ten idade. Case todos coñecemos esta obra. Lémolo ou vimos as adaptacións para o cinema. Atopamos neste libro un amor infinito á natureza, esa capacidade innata en cada un de nós para superar os malos momentos e atopar unha paixón coa que crecer. Porque diso trata este libro, do amor, da amizade, da superación persoal, de reencontrarnos. The secret garden


The boy in the streped pyjamas, John Boyle. 

Un libro con grandes valores, non só por contar o que conta senón, por como o conta. Berlín. 1942. Bruno ten oito anos e descoñece o significado da Solución Final e do Holocausto. Non é consciente das crueldades que o seu país, en plena guerra mundial, está a facer aos pobos de Europa. Todo o que sabe é que o seu pai -recentemente nomeado comandante dun campo de concentración- ascendeu no escalafón, e que pasou de vivir nunha confortable casa de Berlín a unha zona illada. Todo cambia cando coñece a Shmuel, un neno xudeu que vive nunha estraña existencia paralela alén da alambrada. Na biblio podedes levar en préstamo a película, a cal podedes desfrutar en versión orixinal subtitulada ou noutros idiomas, selecionando previamente o idioma antes de reproducila. Aquí vos deixamos un adelanto para aqueles que aínda non tivestes a oportunidade de ver esta gran película! The boy in a streped pyjamas

 

Colección Inglés: Cambridge Reading Club

Historias orixinais clasificadas en cinco niveis, de Satarted a Advanced. Con tramas interesantes e unha variedade de xéneros que satisfará todos os gustos, os Cambridge English Club ofrecen ficción orixinal moi ben escrita. Inclúen audio CD, de modo que gozaredes dunha proveitosa experiencia didáctica, e estaredes desexosos de acabar un libro para empezar co seguinte.

Colección versión galego e inglés, Enric Lluch.

Fantástica coleción para que os máis pequenos da casa vaian familiarizándose co idioma inglés.

Parécenvos interesantes os libros que vos recomendamos? Cales son os vosos favoritos para ler en inglés? Non vos perdades ésta sección da biblio!


“Cuanto más leas, más cosas sabrás. Cuanto más aprendas, a más lugares irás.” – doctor Seuss.

Concurso Conéctat-e!

Blog

Hoxe en día, as tecnoloxías permítennos comunicarnos a tempo real con persoas da outra punta do mundo, coñecer en todo momento o que están a facer os nosos ídolos a través das redes sociais, descargar música e levar con nós centos de cancións nun dispositivo de pequenas dimensións e tamén acceder a información e tutoriais sobre calquera tema, en calquera idioma e en calquera formato, gracias ás telecomunicacións e a conexión a Internet, tanto desde teléfonos móbiles como desde ordenadores, tablets e demais instrumentos deseñados para manternos ao día na nos vida cotiá.

Tamén os hábitos de lectura experimentaron un cambio sustancial, xa que, anque aínda moitos prefiren o cheiro da follas de papel, cada vez son máis os que caemos rendidos ante as vantaxes dos ebooks, xa que nos proporcionan comodidade, espazo de almacenaxe case ilimitado e utilidades engadidas á experiencia da lectura. Ademais, unha cousa non exclúe á outra, e segundo as circunstancias podemos alternar entre formato tradicional e electrónico!

Cada vez máis, as tecnoloxías vanse abrindo oco nas nosas vidas, e desde a Biblioteca Rego da Balsa queremos aproveitar este tipo de recursos ao noso alcance para o desenvolvemento persoal e profesional das persoas que gozan dos servizos que lles ofertamos.

Por este motivo, e para que vos vaiades familiarizando con todas as oportunidades que vos ofrecemos, queremos poñer en marcha o concurso Conéctat-e, un concurso no que, ademais de participar e poder levar agasallos ben interesantes, coñeceredes outra forma de utilizar a información e novas plataformas onde abastecervos de lecer ou coñecemento.

Concurso.png

Así, desde o 24 de abril ata o 3 de xuño, todas as persoas que sexades socias da nosa biblioteca (ou vos deades de alta durante este período de tempo) e solicitedes a alta nas plataformas de préstamo de libros electrónicos GaliciaLe e en eBook DiCoruña nas nosas instalacións, entraredes no sorteo de diversos premios relacionados coa lectura dixital e dispositivos electrónicos.

Por outra banda, se compartides nas redes sociais (Facebook, Twitter, Instagram…) as vosas recomendacións de ebooks citando algunha das súas pasaxes , se nos contades cales son os dispositivos electrónicos que máis utilizades para ler, escoitar música…  ou mesmo nos dicides que é o que máis vos gusta do uso da tecnoloxía para consumir contidos informacionais e culturais (música, materiais con fins académicos, cine…), tamén participaredes no concurso, xa que as aportacións máis orixinais terán premio. Para iso, soamente tedes que subir o contido que queirades ás vosas redes sociais, etiquetarnos (en Facebook @Bibliotecas de Carballo, e nas demais rr.ss. @bibliocarballo), e utilizar o cancelo ou hashtag #ABiblioConéctate. Lembrade poñer en aberto a configuración de privacidade das vosas publicacións para que as poidamos ver!

Atrévete a Conectart-e coa Biblioteca Rego da Balsa, coñece novas formas de autoabastecerte de novos coñecementos e sorpréndenos cos teus aportes online! Participar pode ter premio!

ACTUALIZACIÓN: O prazo para participar no concurso será prorrogado ata o día 20 de xuño. Non perdas a oportunidade!

Conéctat -e coa biblioteca

Actividades,Blog

Contacontos, concertos, obradoiros, presentacións literarias, exposicións, faladoiros e actividades de carácter social agárdanvos na biblioteca estes vindeiros meses.

PRESENTACIÓNS LITERARIAS

O martes 18 de abril comeza o ciclo de presentacións literarias da Semana do Libro e a Lectura coa última obra do autor malpicán Xelucho Abella “Fuxiron por mar. O autor recupera neste libro as historias de “Ciudad de Montevideo” , “San Adrián” e “Rocío”, tres motoras que fuxiron para Francia durante a Guerra Civil.

O mércores 19 de abril terá lugar a presentación da obra de Manuel Núñez Singala “Sacar a lingua é de mala educación”, libro no cal se expoñen dunha forma sinxela ideas e argumentos para transmitir e aprender o galego, de xeito que, tanto nen@s como adultos sexamos competentes nas dúas linguas oficiais.

O venres 21 de abril o carballés Fernando Cabeza presentarános o seu libro “Proyecto Exitium Z”. O autor cóntanos neste libro a historia de Juan, un mozo que descubre como a liberación dun virus desencadea unha pandemia mundial e supón unha seria ameaza para o planeta. Ademais, falarános do proceso que seguiu para autoeditar a súa obra e nos dará consellos e trucos para tomar nós esa iniciativa. É máis sinxelo do que semella!

Pecharemos a Semana do Libro con outra autora carballesa, Rosalía Fernández Rial, que nos visitará o sábado 22 de abril para presentar “Aulas sen paredes”, un estudio teórico-práctico derivado da súa tese doutoral sobre o uso da expresión dramática e teatral como ferramentas pedagóxicas para as aulas de linguas.

O mércores 10 de maio, Xose Henrique Monteagudo visitáranos para falarnos da súa experiencia como biógrafo e autor da obra “Carlos Casares. Un contador de historias”,  un percorrido biográfico dese gran xenio da palabra como foi Carlos Casares e que presta especial atención entre as vivencias e a creación literaria do autor ao que homenaxeamos este ano coas Letras Galegas.

VISITAS ESCOLARES
Do 19 ao 21 de abril faremos visitas aos institutos de Carballo para falarlle a nosa mocidade de todos os recursos existentes na rede para os seus traballos e dos servizos que nos proporciona Internet á hora de traballar con diversa información, facilitando así a lectura e interactividade a través da rede.

CONTACONTOS
O mércores 19 de abril a compañía de teatro Trinke Trinke preséntanos o espectáculo “Os ratiños da caixa”, última sesión da temporada cos ratiños bibliotecarios máis listos do mundo. A actividade vai dirixida a nen@s de 3 a 8 anos. Imprescincible recoller convite, de balde, na biblioteca dende unha semana antes.

O vindeiro venres 21 de abril, o mago Antón visitarános na biblioteca para ofrecernos diferentes historias coas que desfrutar no seu autobús máxico! Espectáculo do programa Apego, para nen@s de 3 a 8 anos. É necesario recoller convite, de balde, na biblioteca.

O Xoves 11 de maio a compañía Bandullo Azul composta por Fran Ameixeiras e Fran Campos e dirixida por Evaristo Calvo presentarános o espectáculo “Filipa cos contos”, unha viaxe polos contos tradicionais e o repertorio infantil de Carlos Casares, amenizados con música e canción en directo.

O Martes 16 de maio, Luis Vallecillo presentarános “O mundo de Carliños”, contacontos musical para contarnos as historias e máxicos personaxes cos que soñaba Carlos Casares cando era neno e que facían voar a súa imaxinación: unha galiña azul, as laranxas máis laranxas de todas as laranxas ou un can chamado Rin…

OBRADOIROS
O vindeiro sábado 22 de abril, terá lugar o obradoiro creativo “Caderno de lectura con Zentangle” impartido por Elisabet Hillerud. Neste obradoiro utilizarase o método Zentangle para decorar un caderno de lectura. Unha técnica sinxela que consiste en trazar patróns repetitivos creando velas imaxes e fomentando a tranquilidade, creatividade e a concentración. Será necesario inscripción previa na biblioteca.

O sábado 6 de maio, comeza a primeira sesión do obradoiro “Cómics, teoría e práctica”. Se es fan da banda deseñada, agora tes a oportunidade de aprender a realizala ti mesm@ coa axuda de Mon Lendoiro. A partir de 8 anos. Será necesario inscripción previa na biblioteca.

O Luns 22 de maio, Giovanna Pose, guía Montessori en Aura Carballo impartirá o “Obradoiro de Método educativo Montessori“. Obradoiro teórico -práctico dirixido a nais e pais no que se explicará o método educativo Montessori, os períodos sensibles e a mente absorbente, o adulto como guía e a preparación do ambiente na casa para a crianza.

EXPOSICIÓNS
Dende o 17 de abril ata o 4 de maio contaremos coa exposición “En familia, por dereito”, unha iniciativa da Cruz Vermella e Servicios Sociais de Carballo que amosa, a través de 8 paneis informativos, as experiencias de familias acolledoras. O obxectivo é sensibilizar á poboación sobre a importancia de preservar os dereitos dos nen@s, en especial o dereito a vivir nunha familia e todo o que iso leva aparellado, como o dereito a medrar nun ambiente de afecto e seguridade moral e material.

O xoves 1 de xuño, teremos unha cita co alumnado do IES Parga Pondal que realizará unha pequena exposición así como un concerto en colaboración cunha ONG.

FALADOIROS
O sábado 29 de abril, terá lugar o faladoiro “Familias acolledoras”. O acollemento familiar é un programa da Xunta de Galicia que desenvolve Cruz Vermella, e representa unha forma de coidado alternativo que prevé o Sistema de Protección á Infancia, baseado na solidariedade da cidadanía, e que permite que os nenos e as nenas que están separados dos seus proxenitores poidan medrar nun ambiente familiar estable durante un tempo determinado.

O xoves 8 de xuño teremos unha cita coa youtubeira e blogueira, Iria González Cabaleiro, artista local.

CONCERTOS
Aínda nos agardan dúas novas citas nesta segunda edicción do Curruncho pop. Para maio reservamos a Os amigos dos músicos, unha banda de Ourense formada por experimentados músicos que proveñen de grupos e tradicións diversas, de grupos como Niño y Pistola, Blood Filloas ou O Sonoro Maxín. E, como peche do Curruncho Pop, o 10 de xuño visitaranos Joserra Rodríguez, unha das persoas que máis sabe de Bob Dylan en Galicia, contarános todo sobre o universal músico, e por suposto cancións en directo.
As entradas son de balde, pero por limitacións de espazo requírese a reserva previa a través de biblioteca@carballo.gal ou no número de teléfono 981 758 580 (máximo catro entradas por persoa).

Conéctat -e coa biblioteca!

Xornadas Guerrilleiras! 

Actividades,Blog

Chega á Biblioteca Rego da Balsa o mes máis guerrilleiro, e con el presentámosvos un programa completo de actividades moi interesantes para todos os públicos. Este mes queremos conmemorar o Día Internacional da Muller dun xeito significativo. Faladoiros, obradoiros e exposicións son algunhas das actividades que vos ofreceremos este mes.

Faladoiro: o día 8 de marzo, celebrarase o Faladoiro coas Guerrilleiras, un encontro de intercambio de ideas e experiencias, que terá como convidadas a Tenente de Alcalde Milagres Lantes, a poeta Rosalía Fernandez Rial, a escritora Mercedes Queixas, a deportista Merce Barrientos, a psicóloga Belén Álvarez Sande, a crítica literaria Chus Nogueira e a cantautora MJ Pérez. Falaremos de temas como a loita pola igualdade social de homes e mulleres, a reivindicación da figura da muller traballadora en todos os ámbitos e décadas e a loita contra a violencia de xénero. Afondaremos na importancia do feminismo, da igualdade, así como a temática da muller na literatura e na actualidade.

Exposicións: durante todo o mes de marzo poderedes visitar unha exposición colectiva de obras artísticas das artistas Laura Tova, Alexandra Martínez, Lara Pintos e Julia Aguiar, chamada “A muller a través da arte”.

En relación con esta iniciativa, queremos destacar 365 mujeres ilustradas, un proxecto no que ilustradoras de todo o mundo colaboran retratando os 365 días do ano a mulleres que deixaron aportes destacados na humanidade. Agora, anque todas as referentes xa están seleccionadas, as 365 para todo o ano, séguense sumando ilustradoras de todo o mundo para realizar os seus retratos. Se queres participar nesta iniciativa infórmate aquí: https://unpastiche.org/…/365-mujeres-ilustradas-proyecto-v…/

Obradoiros: @s pequen@s da casa poderán participar nun obradoiro no que se inspirarán nas figuras femininas máis destacadas para realizar debuxos, aprendendo ao mesmo tempo a importancia de mulleres coma Rosalía de Castro. Tamén contaremos cun obradoiro, impartido por Alexandra Martínez, no cal se realizará un mural sobre a muller. Unha oportunidade para descubrir a vosa faceta artística coa axuda dunha profesional, e deixarnos a vosa pegada guerrilleira! Lembrade que ambas actividades teñen límite de prazas e que é necesario estar inscrito para poder participar. Ademais, os alumnos dos institutos participarán  no obradoiro “Sen Diferenzas”, no que poderán reflexionar sobre a influencia dos estereotipos á hora de decantarse por unha profesión ou outra. O alumnado dos colexios é o destinatario dos talleres “Igualando Carballo” e do concurso “A historia das mulleres de Carballo”, no que se lle convidará a investigar sobre a traxectoria de destacadas carballesas.

Información: a Cruz Vermella tamén se sumará a este programa co estand informativo que colocará na biblioteca o vindeiro martes.

Contacontos: as ratiñas de lonxedetodo, Carolina e Lilí Gruyére visitaránnos na biblioteca para contar aos mais pequen@s contos moi interesantes e divertidos.

Comezamos marzo con moita forza e queremos que nos acompañedes nas nosas xornadas guerrilleiras ! Agardámosvos!

guerrilleiras

 

En inverno descubrimos a CARA B

Actividades,Blog

Comezamos a semana presentando as actividades que vos imos presentar nos meses de febreiro e marzo na Biboioteca Rego da Balsa.

Este inverno queremos descubrir a cara B da cultura con actividades que destacan e difunden a labor de xéneros, artistas, creador@s, e ademais incentivar o debate sobre certos temas de gran interese e importancia, como o da muller e o concepto de igualdade de xénero en todos os ámbitos da sociedade

cartaz-puntob

Por iso, ata finais de marzo prestaremos unha atención especial á figura da muller e a resaltar o seu papel nos ámbitos da cultura a ciencia e no progreso da sociedade en xeral. A muller será a protagonista das Xornadas Guerrilleiras, que se desenvolverán do 6 ao 11 de marzo, e que converterán a Biblio Rego da Balsa nun laboratorio de ideas, propostas e actividades feitas por mulleres pero que queren converterse nun reclamo tanto para mulleres coma para homes. A exposición colectiva “A muller a través da arte”, con obras de Alejandra Matínez, Laura Tova, Lara Pintos e Julia Aguiar; o obradoiro “Debuxando en igualdade”, o Faladoiro coas Guerrilleiras e un obradoiro de mural feminino son algunhas das propostas que desenvolveremos arredor do 8 de marzo, Día da Muller.

Ademais, como buscamos coñecer a cara B en todos os aspectos, non podía faltar a da música, a aposta alternativa, que volverá a encher o noso auditorio cunha nova edición do Curruncho Pop, que arranca no inverno pero se prolongará durante a primavera. Nesta segunda edición contaremos con artistas coma Javier Colis e Psychofonía, o sábado 4 de marzo, e Víctor Coyote, o 18. Os convites estarán dispoñibles ao longo de toda a semana anterior e as reservas poden facerse, de balde, na biblioteca.

Contacontos, obradoiros, presentacións literarias, faladoiros, proxeccións e recitais completan a programación de inverno, na que continúan tamén o club de lectura, o club de lectura en francés en colaboración coa Asociación de Irmandamento con L’Isle Jourdain e a campaña #puntoB, a través das redes sociais, que xa vos presentamos na anterior entrada de blogue, e na que vos continuamos animando a participar.

ÚNETE Á CAMPAÑA #PUNTOB

Blog

Este mes de febreiro queremos difundir unha mensaxe importantísima e desexamos que colaboredes con nós na iniciativa para que todo o mundo vexa que desde Carballo reivindicamos a cultura, a  autenticidade e a loita contra as inxustizas.

Por iso, queremos que nos amosedes o voso Punto B. Non, non dicimos o G, dicimos o B!

Non sabedes o que é o #puntob? Pois o punto b non é senón esa cousa que te fai únic@ e especial, ese gusto, afección, libro, canción, frase ou pensamento… que outorga un matiz diferente á túa personalidade.

Co #puntob tamén queremos facer ver que o coñecemento nos fai sexys, deixando atrás a obxetivización coa que nos bombardean os medios de comunicación e as campañas de publicidade, e aproveitar incluso para denunciar aquilo da sociedade que non nos gusta ou vemos inxusto.

Así, a idea crave ou a mensaxe que queremos transmitir é que ler, pensar, cultivarnos é sexy. Outro dos obxectivos é fomentar o desenvolvemento da mente e o saber en contra do fomento do trivial, mundano e aparente, como podemos ver de forma cotiá nas redes sociais, internet e medios de comunicación.

16388049_1067034486763633_9043725325484535982_n

Nós pola nosa parte xa temos  o noso #puntob, e queremos compartilo con vós:

16387225_1065792090221206_607569693881006570_n

Lucía ten o seu #puntob en Bergantiños, a terra de Brañas, porque enriquece a súa vida e faina suspirar e soñar. Que che produce esa sensación? Comparte con nós o teu #puntob!

16387016_1068051786661903_7507490932489084492_n

Aprender a desfrutar de cada momento é o #puntob de Cristina. Tratar de vivir dunha forma sinxela, gozando coa brisa e o cheiro do mar, ou deleitarse co recendo da herba, escoitar como os ballóns das treboadas rompen no cristal nada máis deitarse a durmir… Cal é o teu #puntob? Compárteo con nós!

16425815_1066958846771197_6044984469758888084_n

O #puntob de Paula é a música, e síntese inspirada polas grandes figuras femininas da Historia que loitaron e seguen a loitar polos dereitos da muller e polas que poñen voz a aquelas que non a poden alzar. Cal é o teu #puntob? Compárteo con nós!

Como vedes, as nosas fotos están inspiradas na filosofía dos “Tres monos sabios” de «Non ver o Mal, non escoitar o Mal e non dicir o Mal». Con ela, renegamos da ignorancia, da censura. da superficialidade, do odio, das palabras ferintes, e apostamos polo respecto, a liberdade de expresión, a igualdade, as orixes, a vida sinxela, a fortaleza e a loita polas causas xustas. Estades dacordo cos nosos puntos B?

three-monkeys-1212621_1920

Queremos que vos sintades inspirad@s polas nosas aportacións e colaboredes compartindo o voso #puntob. Como facelo? Pois moi sinxelo:

Subide unha foto en branco e negro cunha frase que a acompañe ás vosas redes sociais (Facebook, Twitter, Instagram, Pinterest), etiquetádenos e non esquezades poñer o hashtag #puntob.

**Lembrade que para que todo o mundo a poida ver deberedes facela pública na configuración de privacidade da rede social que empreguedes.

Ademais, para as mellores fotos temos preparados agasallos sorpresa. Non dubidedes e participade!

Porque o lado B das cousas non é sempre o raro, o negativo, o ilegal, o oculto, senón que pode ser o xusto, o especial, o que nos dá ledicia… Amosádenos o teu #puntob!

 

 

As bibliotecas de Carballo en 2016

#ABiblioPréstame,#Blog,Blog

Xa hai case 2 anos da posta en marcha desta biblioteca, que xunto coa oferta que o Concello de Carballo xa viña ofrecendo coa Biblioteca Municipal e a Ludoteca,  supuxo un importante cambio que segue a manterse no tempo. Así o demostran os datos correspondentes ao ano pasado, que reflexan como continuamos gañando usuarios e cada vez nos aproximamos máis en número total á Biblioteca Municipal. Esta última conta con 4.294 visitantes rexistrados, cifra moi similar á de finais do 2015, mentres que os 3.616 cos que pechou o 2016 a biblioteca Rego da Balsa supoñen un incremento do 25 % con respecto aos 2.877 do ano anterior. O número total de usuarios entre os dous centros ronda os 8.000, unha cifra máis que destacada para unha poboación de pouco máis de 30.000 habitantes.

grafico_datos_bibliotecas_2016_800x460Un total de 1.350 persoas utilizan cada semana as tres bibliotecas municipais

Trátase, ademais, de usuarios activos posto que ao redor de mil persoas pasan cada semana pola biblioteca Rego da Balsa, mentres que outras 250 fano pola municipal, e 100 máis pola ludoteca. A esta elevada afluencia de persoas contribúe o programa de actividades que desenvolvemos principalmente nas instalacións de Rego da Balsa, que foron escenario o ano pasado dun total de 129 citas e que se beneficiaron tamén dun importante incremento do espazo útil. A apertura, meses atrás, da planta superior permitiunos duplicar o número de postos de lectura (de 58 a 128) e dotar de novas salas para a realización de actividades moi diversas.

O Concello tamén reforzou as instalacións aumentando os fondos dispoñibles. Á fronte deste ranking segue a Biblioteca Municipal, cun total de 32.588 exemplares, mentres que Rego da Balsa suma 15.422 (1.500 máis que hai un ano) e a Ludoteca, 1.862. Un fondo suficientemente amplo para que calquera carballés atope un bo motivo para deixarse conquistar polo san pracer da lectura.

Moitas grazas por acompañarnos neste último ano! Seguide visitándonos, nós seguiremos traballando arreo para que teñades nas Bibliotecas de Carballo os mellores servizos para todos os carballeses e carballesas.