Concurso Conéctat-e!

Blog

Hoxe en día, as tecnoloxías permítennos comunicarnos a tempo real con persoas da outra punta do mundo, coñecer en todo momento o que están a facer os nosos ídolos a través das redes sociais, descargar música e levar con nós centos de cancións nun dispositivo de pequenas dimensións e tamén acceder a información e tutoriais sobre calquera tema, en calquera idioma e en calquera formato, gracias ás telecomunicacións e a conexión a Internet, tanto desde teléfonos móbiles como desde ordenadores, tablets e demais instrumentos deseñados para manternos ao día na nos vida cotiá.

Tamén os hábitos de lectura experimentaron un cambio sustancial, xa que, anque aínda moitos prefiren o cheiro da follas de papel, cada vez son máis os que caemos rendidos ante as vantaxes dos ebooks, xa que nos proporcionan comodidade, espazo de almacenaxe case ilimitado e utilidades engadidas á experiencia da lectura. Ademais, unha cousa non exclúe á outra, e segundo as circunstancias podemos alternar entre formato tradicional e electrónico!

Cada vez máis, as tecnoloxías vanse abrindo oco nas nosas vidas, e desde a Biblioteca Rego da Balsa queremos aproveitar este tipo de recursos ao noso alcance para o desenvolvemento persoal e profesional das persoas que gozan dos servizos que lles ofertamos.

Por este motivo, e para que vos vaiades familiarizando con todas as oportunidades que vos ofrecemos, queremos poñer en marcha o concurso Conéctat-e, un concurso no que, ademais de participar e poder levar agasallos ben interesantes, coñeceredes outra forma de utilizar a información e novas plataformas onde abastecervos de lecer ou coñecemento.

Concurso.png

Así, desde o 24 de abril ata o 3 de xuño, todas as persoas que sexades socias da nosa biblioteca (ou vos deades de alta durante este período de tempo) e solicitedes a alta nas plataformas de préstamo de libros electrónicos GaliciaLe e en eBook DiCoruña nas nosas instalacións, entraredes no sorteo de diversos premios relacionados coa lectura dixital e dispositivos electrónicos.

Por outra banda, se compartides nas redes sociais (Facebook, Twitter, Instagram…) as vosas recomendacións de ebooks citando algunha das súas pasaxes , se nos contades cales son os dispositivos electrónicos que máis utilizades para ler, escoitar música…  ou mesmo nos dicides que é o que máis vos gusta do uso da tecnoloxía para consumir contidos informacionais e culturais (música, materiais con fins académicos, cine…), tamén participaredes no concurso, xa que as aportacións máis orixinais terán premio. Para iso, soamente tedes que subir o contido que queirades ás vosas redes sociais, etiquetarnos (en Facebook @Bibliotecas de Carballo, e nas demais rr.ss. @bibliocarballo), e utilizar o cancelo ou hashtag #ABiblioConéctate. Lembrade poñer en aberto a configuración de privacidade das vosas publicacións para que as poidamos ver!

Atrévete a Conectart-e coa Biblioteca Rego da Balsa, coñece novas formas de autoabastecerte de novos coñecementos e sorpréndenos cos teus aportes online! Participar pode ter premio!

ACTUALIZACIÓN: O prazo para participar no concurso será prorrogado ata o día 20 de xuño. Non perdas a oportunidade!

Concurso #ABiblioPréstame

#ABiblioPréstame,Blog

Estades listos para participar neste novo concurso?

 Untitled Infographic (2)

Entre o día 20 e o 26 de abril poderedes participar no novo concurso fotográfico da biblioteca chamado #ABiblioPréstame. Queredes saber como podedes participar? Pois lede ben que é moi sinxelo:

Pensade na portada, no libro ou no título que máis vos guste, co que máis vos identifiquedes ou ben o que describa mellor o voso día!

De todos é sabido que ás veces as portadas dos libros son o que máis nos inspira á hora de escollelos:

Outras, os títulos son do máis conmovedor ou atraente:

Pero as máis das veces nós xa sabemos cales son os nosos libros favoritos:

Existen dúas formas de participar no concurso, que o usuario suba as fotografías ou os autorretratos fotográficos a través de calquera das súas contas de Twitter, Instagram ou Pinterest, ou que o usuario sexa fotografíado polo persoal da biblioteca e este último sexa quen suba o material ás contas das redes da biblioteca. Neste último caso o usuario debería dar os seus datos persoais e de contacto básicos para que o persoal rexistre as participacións de cada persoa.

En caso de que teñas conta de Twitter, Instagram ou Pinterest este é o teu concurso. Deberás facer o seguinte:

  1. Seguirnos na nosa conta de Twitter (@bibliocarballo), de Instagram (@bibliocarballo) ou/e de Pinterest (Bibliotecas de Carballo).
  2. Usar o cancelo #ABiblioPréstame acompañado da fotografía ou autorretrato fotográfico da portada, do libro ou do título que máis nos guste.

Por exemplo: No Twitter, con 140 caracteres: Un mundo feliz” (de Aldous Huxley). Ou aparentemente feliz! 😉 #ABiblioPréstame

 Os participantes poden descargar as bases do concurso na nosa conta de Issu Biblio Carballo. Os usuarios poderán ver en todo momento as participacións dos outros concursantes nas nosas redes.

Os usuarios poden participar as veces que queiran en calquera das redes propostas (Twitter, Instagram e Pinterest).

Entre tódolos participantes do concurso sortearase un premio sorpresa que consistirá nun paquete de materiais bibliográficos, libros e outros materiais, cuxo contido se axustará á idade do gañador.

 A idade mínima para participar son os 6 anos. Está permitido que participen persoas de todas as idades.

Folleto, Libro, Digitales, Niña, Mujer, Catálogo

Á hora de otorgar o premio valorarase positivamente: a orixinalidade das publicacións, que sexan autorretratos fotográficos e o número de publicación (a máis número de publicacións máis posibilidades).

O nome do gañador publicarase no blog da biblioteca o día 27 de abril http:/biblioteca/carballo.gal e na conta oficial de @bibliocarballo en Twitter, en @bibliocarballo en Instagram e no Pinterest, Bibliotecas de Carballo. Ao gañador se lle enviará unha mensaxe directa ou se lle contactará a través dos datos facilitados segundo o caso.

A que esperades para participar?

Finaliza o concurso #biblionamórame!

#biblionamórame,Blog

Queremos agradecer a todas as persoas que participaron no concurso #biblionamórame e aproveitar para animarvos a que participedes en próximas edicións!

Gustáronnos moitísimo os vosos comentarios e sobretodo as vosas instantáneas na biblioteca!

Ademáis grazas a este concurso moitos de vós coñecéchedes as diferentes redes sociais onde a biblioteca está presente: Instagram (@bibliocarballo), Twitter (@bibliocarballo), pero tamén Facebook (Bibliotecas de Carballo), Youtube (Biblio Carballo) ou Pinterest (bibliocarballo).

Aquí está o comentario co cancelo #biblionamórame e a fotografía que fixo gañadora a esta concursante:

gañadora

Carballo gústame, o Entroido encántame e os libros da #biblionamórame @bibliocarballo

Encantounos a fotografía, a gañadora, disfrazada de Charles Chaplin, cun libro de temática romántico “Valeria en blanco y negro” de Elísabet Benavent (nos encanta!) e ademáis cun corazón de aderezo… que máis se lle pode pedir! Un supercomentario! Gústalle Carballo, o Entroido e os libros da biblioteca! Non nos podemos sentir máis identificad@s. Pola súa orixinalidade e sentimento otorgámoslle a esta participante, que concursou a través do noso Instagram, o premio do concurso: un paquete de namorados, consistente nun libro, nunha película e un cedé de música.

Estade atentos a todas as nosas redes sociais, ao longo do ano ofertaremos sorteos e publicaremos todas as actividades e xogos nas que todos poderedes participar.

Concurso #biblionamórame

#biblionamórame,Blog

#biblionamórame

Soamente falta unha semana para que sexa o día dos namorados e a Biblioteca Rego da Balsa quérevos dar a oportunidade de participar nun concurso para gañar un paquete para namorados…, para namorados da biblioteca! Eres un deles?

avatar

Propoñemosvos participar no concurso #biblionamórame para que poidades compartir con nós os materiais ou recunchos vos enamoran máis da biblioteca. Pode ser un libro, unha canción, unha película…, ou podedes estar “biblionamorados” dalgún recuncho da biblioteca, como a zona de lectura dos xornais, con esos sofás tan cómodos, ou da zona dos ordenadores ou da nosa mascota Sanxo…, do que queirades!

20150127_171820

A forma de participar é moi sinxela:

Para poder participar os usuarios interesados deberán acceder a nosa conta de Twitter ou de Instagram.

Despois, os participantes deben realizar os seguintes pasos:

  1. Seguirnos ou na nosa conta de Twitter (@bibliocarballo) ou na de Instagram (@bibliocarballo).
  2. Usar o cancelo #biblionamórame na nosa conta de Twitter ou de Instagram para describir o material ou canto que máis lles gusta da biblioteca!

Exemplo:

No Twitter, con 140 caracteres:

#biblionamórame o “O anteollo de ámbar ” de Philip Pullman @bibliocarballo

No Instagram, sería o mesmo sólo que cunha fotografía (ben da cuberta do material ou dun autorretrato fotográfico co material ou recuncho favorito) acompañando dunha frase e o cancelo #biblionamórame.

20141024_110013

Os participantes poden ler as bases do concurso na nosa conta de Issu Biblio Carballo. Os usuarios poderán ver en todo momento as participacións doutros concursantes.

Soamente se seleccionará unha participación por persoa, é dicir, unha publicación co cancelo #biblionamórame nunha das contas.

Unha persoa debe de participar nunha soa conta (ou en Instagram ou en Twitter).

Valoraráse, a orixinalidade da publicación e carácter do comentario.

corazon

O gañador publicarase no blog da biblioteca http:/biblioteca/carballo.gal e na conta oficial de @bibliocarballo en Twitter e en @bibliocarballo na nosa conta de Instagram. Ao gañador se lle enviará unha mensaxe directa, adxuntando a información necesaria para disfrutar do galardón.

O presente concurso só terá validez no territorio de España desde o 7 de febrero ao hasta 15 de febreiro, inclusive.

O 16 de febreiro se seleccionará ao gañador do premio.

candado

O premio consistirá  nun paquete romántico: nun libro de temática tomántica, un cedé de música de música e unha película do mesmo xénero.

Biblioteca Rego da Balsa,  organizador deste concurso  porase en contacto co gañador, por mensaxe privada pola conta na que o usuario participou co fin de comunicarlle que obtivo a recocompensa e indicarlle como canxeala.

No prazo de (7) días naturais a contar a partir do día seguinte ao da comunicación da Biblioteca Rego da Balsa, o gañador deberá responder por alguna das contas mencionadas a través dunha mensaxe directa privada á Biblioteca Rego da Balsa,  confirmando o seu premio.

Nun prazo de (15) días naturais a partir do día seguinte ao da comunicación da Biblioteca Rego da Balsa o gañador deberá recoller o seu galardón.

Participa e biblionamórate!

love

 Bases legais completas do concurso.