bag

Actividades fresquiñas para este verán!

#ABiblioPréstame,Actividades,Blog

Chega o verán e con el o sol e as terraciñas, a praia e as lecturas sobre a area… Pero tamén chegan os festivais, os campamentos, as feiras medievais, os eventos ao aire libre… e na Biblioteca Rego da Balsa centos de ocasións para refrescarvos mañás e tardes deste trimestre caloroso (e se chove que chova)! Seguide lendo:

biblioOK

O verán comeza forte. Nas nosas instalacións continuamos cos contacontos para @s máis pequerrech@s da casa e para as súas familias, con historias para bebés de 0 a 3 anos, seredes quen de imaxinar un mundo diferente, cheo de cores e texturas… que máis se pode pedir que voltar á infancia con contos e cancións tan amenos coma os dos nosos contacontos #ABiblioConta? Atoparédelos o primeirosábado de xullo e agosto ás 11:30 h, e lembrade reservar praza chamando á biblioteca ou enviando un e-mail a biblioteca@carballo.org, pois esgótanse con facilidade!

13533240_864637887003295_8660142919695487495_n

O público adulto poderá gozar con actividades tan variadas como a proxección da curtametraxe “El último aliento”, que terá lugar o mércores 6 de xullo ás 19:00 h, onde se nos presentará a problemática na que pode derivar a contaminación e as dificultades económicas cun protagonista que vive illado na súa casa; pero tamén coa presentación literaria da obra de Geli Romero: “Otra oportunidad”, unha historia de amor e novos sendeiros que xorden durante o camiño de Santiago. Esta última cita terá lugar o venres 8, ás 20:00 h no noso auditorio.

Pero se o voso amor reside na literatura, a seguinte cita é imprescindible. Dende o 21 ao 24 de xullo (inclusives), na praza do Concello, estarán varios postos celebrando a “Praza dos Libros”, e a nosa Biblioteca Rego da Balsa non pode faltar! Poderedes atoparnos no noso posto e teremosvos preparadas varias sorpresas: préstamos e altas de usuari@s alí mesmo, e ata unha actividade-concurso para público infantil, para a que será preciso inscribirse dende o día anterior, dispoñible para nen@s a partir de 4 anos. Achegádevos, pois haberá moito que ver 🙂

IMG_20150822_113050

Moit@s de vós fostes @s que nos pediron obradoiros de diversas materias, por iso temos preparados dous moi distintos pero súper creativos!

Despois da gran acollida que presentou a reserva de prazas para o “Obradoiro de iniciación á ilustración”, organizado pola Asociación Artística Creaformas e impartido por Mon Lendoiro, optouse por ampliar o espazo a dous grupos diferentes. Un deles é o dos venres 15, 22 e 29 de xullo, de 10:30 a 13:30 h; outro os sábados 16, 23 e 30 do mesmo mes, de 10:00 a 13:00 h. Comprácenos dicir que case están todos os ocos cubertos, pero aínda queda algún dispoñible. Apurade a anotarvos chamando ou enviando un e-mail á Biblioteca Rego da Balsa.

Por outra banda, en todos os martes e xoves de agosto (excepto o 16) e o 1 e 6 de setembro de 11:00 a 13:00 h, @s usuari@s que reserven praza chamando ou enviando un e-mail á Biblioteca Rego da Balsa, poderán gozar con “Hibridar o imaxinario”, un obradoiro de creación literaria impartido pola escritora local Rosalía Fernández Rial, contando ademáis cunha sesión maxistral levada a cabo polo poeta coruñés Paco Souto. Que máis se pode pedir? Todo isto é posible grazas á Asociación Escritoras-es Lingua Galega, co patrocinio da Deputación Provincial da Coruña e a Consellería de Cultura, e coa colaboración do Concello de Carballo. Correde a anotarvos, pois nunha actividade tan interesante as prazas non duran moito tempo baldeiras!

Se o voso é a séptima arte, en agosto traemosvos un filme ben interesante, “O club da calceta”, baseado na novela homónima de María Reimóndez. Unha historia onde seis mulleres comparten experiencias e frustracións das súas vidas e toman conciencia das súas situacións para superalas. Un filme que non podedes deixar de ver. Tremendamente recomendado, proxectarémolo o vindeiro 25 de agosto, ás 19:00 h! Para tódolos públicos e con entrada libre, non faltedes!

el-club-de-la-calceta

Con setembro chega o inicio do curso, e con el un faladoiro da Cruz Vermella o xoves 22 ás 20:00 h, no que @s voluntari@s desta asociación solidaria nos falarán de todo o traballo que realizan e nos informarán sobre aquelas dúbidas que teñamos sobre a mesma asociación. Coñecede os proxectos que a Cruz Vermella ten preparados para Carballo e animádevos a compartir solidariedade!

Neste mes tamén contaremos con outra presentación literaria, esta vez cun toque musical, pois Carlos Rego falaranos dun libro que recolle a historia dunha das bandas musicais máis innovadoras dos anos oitenta: “Derribos Arias. Licencia para aberrar”. Para moit@s seguramente será unha volta aos tempos mozos e para outr@s será todo un descubrimento. Venres 23 ás 19:30 h no noso auditorio!

E como non, este mes tamén contará coa súa proxección. O xoves 29 ás 19:00 h proxectaremos unha curtametraxe chamada “Boteime a andar”, de Pablo Lomba, a cal recibiu o premio á mellor realización na II Edición do Concurso de Curtametraxes Sociolóxicas, vide a descubrir o porqué deste galardón!

Por último, restanos comunicarvos que, coma en meses anteriores, @s amig@s da Asociación de Irmanamento de Carballo con L’Isle Jourdain continuarán levando a cabo o seu ciclo de “Sábados de literatura francófona”, uns clubs de lectura en francés para público adulto e os cales recomendamos enormemente!

fondopantalla3

Xa sabedes a que citas ides asistir? Costa decidirse… Por qué non a todas! Agardámosvos!

CABECEIRA WORDPRESS

Semana do Libro: 2º Concurso #ABiblioPréstame

#ABiblioPréstame,Blog

Comezamos a Semana do Libro convocando a 2ª edición do Concurso #ABiblioPréstame!

Como o ano pasado, queremos celebrar a Semana do Libro dun xeito especial, polo que vos propoñemos que participedes no noso concurso #ABibliopréstame. En que consiste? Moi sinxelo!

É un concurso fotográfico a través das redes sociais Twitter, Instagram e Pinterest, no que só tedes que sacarvos unha foto co voso libro preferido, o que mellor vos representa, ou o que polo seu título ou portada reflicte o voso estado de ánimo e personalidade… Pode ser un selfie ou autorretrato, ou pode ser unha foto normal, pero sempre ten que ir acompañada do cancelo ou hashtag #ABiblioPréstame.

Deberedes subir as vosas fotos á vosa conta de Twitter, Instagram ou Pinterest, anque se non tedes, non vos preocupedes, podédesnolo dicir e subirémolo ao voso nome ás contas da biblioteca 🙂 Poderedes participar tantas veces como desexedes!

untitled-infographic

Á hora de outorgar o premio valoraranse positivamente a orixinalidade das publicacións, que sexan autorretratos fotográficos e o número de publicacións (a máis número máis posibilidades).

O prazo límite para presentar as vosas candidaturas é ata o día 24 deste mes.

A persoa gañadora recibirá un premio sorpresa!

Consultade as bases completas:

Lembramos a anterior edición do concurso coa gañadora, Zaira, que participou na nosa conta de Twitter cunha fotografía, que, a pesar de non ser un selfie, gañou pola súa orixinalidade e polo entrañable da mesma. Zaira recibiu o seu regalo (un paquete de libros de diferente xénero e temática) e posou ben contenta con el.

Sin título20150428_112243

Esperamos que vos animedes a participar e honrar ao Libro, que tantas alegrías nos da diariamente e sen o que non poderiamos vivir. Lembrade que ademais o sábado 23 será o Día do Libro e na biblioteca celebrarémolo cun obradoiro de Bookfolding. Non sabedes o que é o bookfolding? Pois non perdades o noso post dedicado a esta actividade que fixemos hai uns meses no blogue. Anotádevos, xa que as prazas son limitadas!

bookfolding.png

Celebremos xunt@s a Semana do Libro!

PicsArt_1458380502155

Camiñando pola arte e a vida : faladoiro e guía de recursos creativos

#ABiblioPréstame,Actividades,Blog,Recomendamos

Onte tivo lugar na Biblioteca Rego da Balsa o faladoiro “Camiñando polas estrelas” da man de María Lema. Onte aprendemos que a arte non ten límites. A creativa María Lema emprendeu o seu proxecto “Caminando por las estrellas” de esculturas baseadas no Camiño de Santiago a partir dunha ilusión, dunha idea e dun sentimento.

Desa motivación provén a súa idea de esculturas en ferro como unha forma de levar consigo para sempre un recordo desa experiencia que a todos nos cambia. As súas esculturas recrean dun xeito único e orixinal diferentes conceptos e temas relacionados co Camiño, dándolles a cada unha das pezas un sentido e un motivo diferente.

Ademáis María convidounos a realizar con ela un “experimento” creativo. Realizamos un pequeno obradoiro de escultura e de Design Thinking, para mostrarnos que entre todos podemos crear unha gran obra de arte e tamén para demostrarnos que todos somos capaces de crear.

PicsArt_1458380266489

“A arte non é elitista e non entende de fronteiras nin barreiras, nin físicas, nin mentais, nin psicolóxicas”. Comentaba onte María Lema no Faladoiro.

Para que atopedes esa motivación que vos faltou sempre para emprender ou desenvolver unha idea creativa, un proxecto artístico ou facer daquela afección que tanto vos gustaba, unha profesión ou unha forma de vida.

O equipo da Biblioteca Rego da Balsa ademáis elaborou unha guía de recursos de información sobre artes plásticas que tedes dispoñibles para descargar na nosa conta de Issuu. Todas aquelas persoas interesadas pola arte e o proceso creativo, que queirades atopar axudas para desenvolver proxectos, obradoiros onde aprender ou lugares onde disfrutar da arte, podédesvos descargar esta guía de recursos artísticos locais con tan só un clic.

ano novo,libros novos

Ano novo, libros novos!

Blog,Novidades,Recomendamos

Benvid@s a 2016, querid@s usuari@s!

Como foron as festas de Noiteboa, Nadal e Noitevella? E sobre todo, tivestes moitos agasallos do Apalpador e dos Reis Magos?

Seguro que si, porque este ano fostes ben boíños, xa o sabemos nós… por iso, decidimos falar cos Reis Magos e co Apalpador para pedirlles que vos trouxesen algún detalliño tamén pola biblioteca! E sabedes que? Pois que as nosas peticións foron oídas, e neste novo ano poderedes desfrutar das mellores novidades editoriais grazas aos poderes máxicos do Nadal!

Recibimos de todo: libros, pelis, música e ata audiocontos, para @s máis pequen@s e para adultos. Aventuras, aprendizaxes básicas, ciencia-ficción, clásicos, animación, cociña, poesía, psicoloxía, música do máis variado, películas de estrea… todos os estilos, temáticas e xéneros imaxinables!

A que esperades para abrir os vosos agasallos e abraiarvos con todas as novidades que vos ofrece a biblioteca este novo ano? Para facervos a tarefa máis doada, elaboramos para vós unhas fantásticas guías por idades para que poidades consultar todos os títulos novos dos que dispoñemos. Podédelas descargar ou coller na propia biblioteca, xa que están á vosa disposición. E non esquezades que se buscades algunha obra en concreto podedes consultar no noso catálogo a súa dispoñibilidade!

Catálogo de novidades infantís para nen@s de 0 a 3 anos:

Para os bebés presentamos a colección Bebé Inteligente, da editorial Susaeta, unha colección de libros clasificada por idades, dende 0 a 24 meses, na que atoparedes a mellor selección de libros que estimularán a linguaxe, emocións e imaxinación d@s máis pequen@s da casa. Ademáis desta colección poderedes atopar outro tipo de títulos igualmente interesantes, e novas series de deuvedés que lles encantarán, como Dinotren, Unizoomi, Dora la Exploradora ou Babyskool.

Catálogo de novidades infantís para nen@s de 4 a 7 anos:

Para @s cativ@s de 4 a 7 anos temos un lote de cousiñas novas tamén, como os últimos libros de Os Bolechas, ou as series de debuxos de Bob Esponja ou Geronimo Stilton. Si, si, o mesmo Geronimo dos libros está en formato deuvedé, para que vivades todas as súas aventuras en movemento!

Tamén presentamos novos títulos da editorial La Fragatina, como Kiwi, O rei dos animais ou Só un reloxo, verdadeiras xoias pola súa coidada presentación e emocionantes historias, que desfrutaredes a tope tanto nen@s como maiores.

Para @s que busquedes que @s vos@s nen@s convivan nun ambiente plurilingüe e se afagan a idiomas como o inglés, temos para vós unha colección de contos infantís nesta lingua da editorial Sieteleguas.

Todo isto, as novidades en audiocontos e moito máis lles espera ao público de 4 a 7 aniños!

Catálogo de novidades infantís para nen@s de 7 a 12 anos:

Para @s nen@s xa máis grandiñ@s temos moitísimas novidades interesantes tamén!

Coleccións que rachan de éxito, como El Diario de Greg, El Diario de Nikki, Geronimo Stilton, Los Futbolísimos, Junie B. Jones, Las Crónicas de Narnia, Agus y los Monstruos ou a saga de cómic manga Keroro incorporan novos títulos ao noso catálogo.

Temos tamén novidades do máis intrigante, como Carmilla, ou coas que escacharás de risa, como El libro sin dibujos, xunto con libros informativos de calquera tema imaxinable. Ata poderás coñecer as aventuras do mediático chef Chicote e aprender algunha das súas receitas en Las suculentas aventuras de Chicote!

E na sección de audiovisuais non perdades a selección dos mellores filmes de animación, porque é un imprescindible. Tamén poderedes desfrutar en familia do xa clásico de manga de animación Dragon Ball, do que temos todas as temporadas!

Catálogo de novidades xuvenís para rapazada de 13 a 17 anos:

Para o público xuvenil temos tamén novas incorporacións en sagas como Divergente, Los juegos del hambre, El juego infinito, La caída de los reinos, Cazadores de sombras, Legend, Silber ou After, ademais de títulos tan especiais como Verdad o mentira, de Jimmy Liao, un artista cuxos libros son obras de arte cheas de sensibilidade e poesía, ou o novo título de Blue Jeans, Algo tan sencillo como tuitear te quiero, unha historia de amor irrepetible. Botádelle un ollo ao catálogo e alucinade con todas as novidades en galego e castelán que temos para vós!

Catálogo de novidades para adultos:

E non pensedes que soamente temos novidades para nen@s e moz@s. Para adultos hai títulos a esgalla para encher de lectura e lecer os primeiros meses do ano! As últimas triloxías de Dolores Redondo ou Ken Follett, o novo éxito editorial de Maxim Huerta, No me dejes, A saga Juego de Tronos, os interesantísimos libros que nos deixou Oliver Sacks antes de falecer o pasado agosto ou o máis novo de Diego Ameixeiras son só uns dos moitísimos títulos literarios que vos ofrecemos este xaneiro.

E non todo é literatura, xa que tamén tedes música, cine e banda deseñada, como os exitazos do momento Croqueta e Empanadilla ou Diario de una volátil, ademais de libros de información sobre cociña, saúde, festas tradicionais e mesmo exiptoloxía!

Por último, pero non por iso menos importante, temos que lembrarvos que 2016 será o ano no que se dedicará o Día das Letras Galegas a Manuel María, e por iso conseguimos para vós unha completísima colección de material deste ilustre autor da nosa terra. Son títulos do máis variado, para todos os públicos, e que farán que coñezades a perfección a súa vida e obra, que honramos este ano especialmente todos os galegos.

Queremos agradecer especialmente á Biblioteca da Deputación da Coruña e á Fundación Manuel María, por falar co Apalpador e os Reis Magos e facer posible que moitos destes materiais formen agora parte do noso fondo 😉

A que todas estas novidades son fantásticas? Pois non agardedes máis e consultádeas na biblioteca, levádeas para casa e desfrutade delas ao máximo! Toda a biblioteca está engalanada con estes marabillosos títulos por todas as súas estanterías. Non as perdas!

Xa sabedes: Ano novo, libros novos!

IMG_5797

¿Queredes diversión?

#Blog,Infantil,Ludoteca,Recomendamos

Ola a tod@s!!!

Esta semana queremos contarvos o ben que o pasan @s nen@s  na Ludoteca: Obradoiros, contacontos, xogos, manualidades e unha chea de actividades didácticas coas que @s máis pequen@s o pasan en grande.

Na Ludoteca dispoñemos de material imprimible para que @s nen@s poidan realizar actividades didácticas todos os días, como por exemplo, colorear con lápices, ceras, rotuladores ou pinceis, diferentes debuxos: de animais, de bichiños, de paisaxes, transportes, flores e árbores, persoas, debuxos animados, para @s mais pequeniñ@s, creativ@s etc…  A pintura como forma de expresión é unha das ocupacións infantís máis fascinantes. Axuda a desenvolver a imaxinación e a perfeccionar a coordinación, ademais de exercitar a capacidade de concentración.

 IMG_4806IMG_4405

Queremos que os nen@s xoguen e se divirtan moito, e para iso son moi importantes os xogos. O xogo desperta reflexos, desenvolve múltiples  actividades, incentiva a intelixencia e fai que a nosa infancia sexa máis divertida e agradable, deixando fermosos recordos que nos acompañarán durante toda a vida. Aquí vos deixamos un vídeo dun dos obradoiros lúdicos que fixemos na Ludoteca este ano, “Xilófono de Cristal”.

IMG_4086IMG_6310

Os primeiros anos de vida son fundamentais para o noso crecemento: obtemos os primeiros saberes, aprendemos a través dos nosos sentidos, coñecemos o mundo que nos rodea e desenvolvemos as nosas capacidades. Por iso, é moi importante que @s nen@s estimulen a súa capacidade cognitiva, así como tamén a súa imaxinación e creatividade. Na Ludoteca compartimos c@s nen@s ideas para elaborar obxectos que poidan realizarse con materiais de reciclaxe ( cartóns e plásticos) e todo tipo de manualidades, deste xeito @ nen@ ademais de aprender, sinte un gran gozo e satisfacción realizando o seu propio xoguete.

 IMG_6307IMG_6238

 IMG_4660IMG_4715

  IMG_6319

A literatura infantil é tamén una ferramenta para transmitir saberes, valores e arte. A través dos contos, como a través do xogo, @ nen@ medra. E por iso que se producen cambios nas ideas e se adquire un maior vocabulario, o que permite comunicar cada vez de mellor xeito sentimentos e pensamentos.

 IMG_6330IMG_6320

Por todo isto, cremos que a literatura infantil ten múltiples funcións, polo que a consideramos de fundamental importancia para a educación d@s cativ@s. Na Ludoteca @s pequen@s dispoñen dunha grande variedade de libros para ler e mergullarse nun mundo incrible. Aquí, tod@s @s nen@s nos len contos e os máis valentes anímanse a participar en moitas das actividades que se organizan na biblioteca, entre elas “Pais e Nais contan”…. Cremos que en cada avó e avoa, pai, tí@, nai e nen@ existe un creador de relatos infantís. Para nós, é un honor invitalos a compartir aquelas historias inéditas e permitir que esa obra, tan querida, sexa coñecida e amada por moit@s máis pequen@s.

Contacontos, obradoiros, manualidades, xogos… como vedes na Ludoteca pasámolo en grande!! Aquí a diversión está asegurada!!

sparkler-677774_1280

#ABiblionundía: 24 de outubro, unha data para celebrar

#ABiblioPréstame,Actividades,Blog

Comparte con nós o teu “Spain in a day” no primeiro aniversario da Biblioteca Rego da Balsa

Sábado 24-10 de 10.00 a 13.00 Celebremos xuntos o primeiro aniversario da Biblioteca Rego da Balsa e o Día das Bibliotecas!

O día 24 de outubro tedes moito que celebrar.  Xa todos saben que o día 24 de outubro é o Día das Bibliotecas, pero ademais este ano para todos pode ser un día moi especial. Este próximo 24 de outubro a vosa biblioteca fai un ano. Un ano cheo de emocións e vivencias únicas no que compartimos moito máis ca libros, música e cine, compartimos historias, sentimentos e ilusións!

cupcakes-690040_640

Queremos poñerlle cara a toda esa xente que fixo que este ano fose para nós un ano único e irrepetible e por iso queremos convidarvos a festexar con nós o noso primeiro aniversario!

bubble-83758_640

Queremos dicirlle ao mundo a sorte que temos de tervos como usuari@s, de poder compartir tantas experiencias e aprender a aprender todos xuntos en convivencia. Traballar nunha biblioteca é un festexo diario para nós…, pero que é para vós? Que vos fai sentir esta biblioteca? Como é un día para vós na biblioteca?

photo-1444005233317-7fb24f0da789

Para @s que non coñezades a iniciativa, a directora e produtora de cine Isabel Coixet, organizou un proxecto colaborativo que ten como fin retratar nun filme o día a día de xente anónima, chamado “Spain in a Day”. O proxecto pretende retratar as alegrías e as tristezas, os seus gustos e afeccións, as súas emocións e as súas vivencias… E nós queremos que a vosa filmación sexa aquí mesmo, na biblioteca no seu primeiro aniversario! A rodaxe podédela realizar co propio teléfono móbil, ou coa tablet, pero se non tedes con que, nin tedes ideas de como facelo, non vos preocupedes! Podedes saír no noso vídeo, si, porque nós tamén faremos o noso Biblio nun día! Gravaremos o noso especial “Spain in a day”, para amosarvos como o equipo da Biblioteca Rego da Balsa vos ve, como nos sentimos nós no noso día a día de traballo e como é a nosa xornada. Así vós tamén poderedes coñecer un pouco mellor o noso traballo e ver como transcorre un día na vida dun bibliotecario, ou neste caso das vosas bibliotecarias!

film-38241_640

Esta iniciativa xa  parte da idea orixinal da película “Life in a day” (a historia dun día na Terra), producida por Ridley Scott e dirixida por Kevin MacDonalds, que retrataba o día a día de centos de  persoas en todo o mundo.  Desta idea inicial fixéronse noutros países novas versións deste proxecto mundial, como en Xapón, Italia ou Reino Unido.

photographer-301533_1920

Se queredes participar no proxecto de Isabel Coixet, podedes enviar a vosa gravación a través da web de RTVE do proxecto www.rtve.es/spaininaday. Tedes tempo para participar ata o 15 de novembro! Os vídeos teñen que ser en formato horizontal e cunha duración máxima de 15 minutos. E recorda:

Que amas? En que crees? Que temes? Cal é o teu soño?

photo-1419090960390-4969330366ab  photo-1431037242647-4c2c27cb5bb1 (2)

photo-1418832178871-693e3ab5cdaf

Con todo o material recibido, Isabel Coixet e o seu equipo montarán unha película que se estreará no Festival de San Sebastián 2016.

photo-1422558044352-896cd9799885

Compartide con nós esa experiencia, vide a biblioteca o 24 de outubro e gravade o voso día a día, pero na biblioteca! Que mellor maneira de celebrar o noso primeiro aniversario!

birthday-cake-843921_1920

Deixámosvos co resultado final da película que se realizou coas gravacións enviadas por centos de miles de persoas  anónimas:

En outono e navidades, mil actividades!

#ABiblioPréstame,Actividades,Blog

Despois da volta ao cole, na biblioteca Rego da Balsa tamén nos puxemos as pilas! Por iso preparamos para vós un plan cargado de novas actividades interesantes para todos os públicos: presentacións de libros, contacontos familiares, faladoiros moi diversos… Seguide lendo e descubride o que ven…

Cartel-BiblioCarballo-outubro-novembro-decembro-2015

Fuco e Lilí Gruyére, un rato e unha ratiña, chegarán dende moi lonxe, concretamente dende Lonxedetodo, ás nosas instalacións durante a primeira quincena de outubro, para dinamizar as visitas escolares que se achegarán dos diferentes CEIP do noso concello.

fucolili

Pero iso non é todo, pois @s amig@s de Trinke Trinke farán posible que estes roedores nos sorprendan e fagan voar a imaxinación e fantasía d@s máis cativ@s con contos moi interesantes unha vez ao mes. Dende outubro ata abril poderedes recoller as invitacións por nen@ para estas historias con aforo limitado, que empezaremos a repartir cada mércores anterior a cada contacontos.

content actividades fucolili

programa Apego tamén nos deixa actividades para @s meniñ@s, como por exemplo a do contacontos “Palma repalma”, levado a cabo polo equipo de Pavís Pavós o pasado mércores 7 ás 18:00 h.

Foto de La Voz de Galicia

Foto de La Voz de Galicia

Por outra banda, non esquecemos o xa famoso “Pais e Nais Contan”, no que @s voluntari@s que o desexen (pais, nais, avos e avoas, nen@s, educador@s, persoas con afán de contar historias en xeral…), nos traerán aventuras moi diversas para facer gozar @s nen@s que se atopen na biblioteca un mércores de cada mes (21 de outubro; 18 de novembro e 23 de decembro, respectivamente). Queredes animarvos a ser voluntari@s desta actividade? Andamos en busca e captura!

BÚSCANSE

Pero non soamente @s rapaciñ@s desfrutarán estes meses, pois para @s maiores, moz@s, familias e demais tamén temos preparadas unhas cantas novidades 🙂

O sábado 10 de outubro inaugurarase a exposición dos traballos do obradoiro impartido por Laura Tova, Sentidos e Simplicidades, unha oportunidade para visualizar a arte plástica e inspirarnos coas obras saídas dos proxectos do colectivo CreaFormas.

tova

Pero se credes que a vosa verdadeira afección pode estar relacionada cos medios de comunicación, non vos perdades o obradoiro de Locutores/as de Radio que se organiza dende o FIOT e terá lugar nas nosas instalacións. Para poder participar nel é preciso que vos inscribades na páxina web http://www.fiot.org. Este taller terá lugar os sábados 17, 24 e 31 de 11:00 á 13:00 h.

microphone-626032_640

E se outubro se vos queda curto, aínda lle queda moito máis. O martes 20 ás 19:00 h teremos ao polifacético Suso Lista con nós, nun faladoiro a mar de interesante, e nunca mellor dito, pois falaranos da súa época como percebeiro, das aventuras que viviu ao longo da súa vida cos perigos da mar, da súa carreira como actor e escritor, dos seus libros… vamos, que hora e media de faladoiro seguramente nos quedará pequena… Pero sairemos, iso si, cun bo sabor de boca 🙂

Foto de La Voz de Galicia

Foto de La Voz de Galicia

E seguindo con máis escritores, outra nova artista, Ángela Triana, despedirá o mes presentando a súa obra poética “Celebra la Tormenta, a cal podedes levar xa en préstamo na nosa biblioteca. Animámosvos a que descubrades o mundo dos microrrelatos feitos poesía e asistades a esta peculiar presentación, pois agardaravos algunha que outra sorpresa… ídesvos resistir? O xoves 22 ás 18:00 h!

tumblr_nmk0ybppXd1sme9p3o1_1280 1560391_1523231354615796_3120806933039079709_n

Se nestes meses o que queredes é deixar fluír o voso lado máis natural, os nos@s amig@s do Horto Ecolóxico ofrecerannos un Faladoiro o 17 de novembro ás 18:00 h para aprender, sexa cal sexa a nosa idade. Darannos consellos para levar a cabo as nosas plantacións, comentarán cousiñas que viven coa súa actividade, e ata nos axudarán a levarnos para a casa unha pequena mostriña plantada para recordar o momento vivido na biblioteca e facelo medrar, para que nos inspire día a día a crear un mundo máis san e sostible, dende as raíces 🙂

collage

E seguindo a esencia da nosa terriña, Miriam Beizana tamén presentará o seu libro “Marafariña”, unha novela autobiográfica e fantástica á vez, ambientada nunha aldea imaxinaria de Galicia, sobre un amor imposible que rompe todo tipo de barreiras, como a relixión ou a familia, con tal de lograr a felicidade das súas protagonistas, xerando ao mesmo tempo controversia polos temas que recolle. Unha obra moi recomendada para todo tipo de público, unha novela que fai referencia ao colectivo LGTB. Ídesvos perder esta presentación? Espéravos o xoves 19 de novembro ás 19:30 h.

11694152_582599471880815_2730737244969539075_n

Para o mes de decembro, tamén reservamos actividades orientadoras e motivadoras á vez. Por unha banda, o martes 15 ás 19:00h, @s compañeir@s da “Asociación Amigos de los Perros de Carballo” falarannos sobre a súa labor na protectora, darannos consellos para manter ben coidadas as nosas mascotas e informarannos sobre a adopción dun novo amigo. Neste Faladoiro “Un amigo, un fogar”, farán fincapé nas historias que viven día a día e na responsabilidade que conleva adoptar un animal, máis aínda nestas datas tan sinaladas. Dirixido a todos os públicos, animámosvos a participar e informarvos de todos estes aspectos, aínda que soamente sexa por coñecer a labor social que desenvolve este colectivo sen ánimo de lucro. 

 10628579_946129718747214_2131939565109217359_nprotectoracarballo

E por último, Mario López Guerrero inspiraranos o xoves 17 ás 19:00h coa charla “Mamá, quiero ser escritor”, na que vos orientará a todos aqueles que teñades dúbidas á hora de lanzarvos ao mundo da literatura ou simplemente queirades saber un pouco máis do tema. Finalizará o coloquio cunha sorprendente presentación da súa obra “El increíble caso de por qué los demás no me entienden si yo lo tengo claro”. Un libro que nos guía á hora de cambiar ou establecer hábitos de comunicación para entendernos mellor coas persoas que nos rodean. List@s para cambiar as malas prácticas? Deixade atrás a vosa zona de confort e achegádevos! Paga a pena 😉

image

Como vedes, queremos finalizar este 2015 cunha chea de actividades diversas e para tod@s! Lembrade que todas son de balde e que existen algunhas con aforo limitado (contacontos, obradoiros…), polo que é preciso que permanezades atent@s aos prazos de inscrición! Pero sexan cales sexan as que elixades, aquí vos estaremos agardando! Non faltedes!!

12031363_10153951980497289_1364742436883035865_o

Carballo “Ábrenos o Telón” para gozar de 37 días de teatro para tod@s!

#ABiblioPréstame,Blog,Recomendamos

O Outono xa está aquí, e con el chega a vixésimo cuarta edición do Festival Internacional de Outono de Teatro que converterá Carballo nun lugar de referencia para todos os afeccionados ás artes escénicas de Galiza e tamén do resto de España. 37 días de actividades que permitirán que todos gocemos dun total de 34 espectáculos teatrais de compañías  de Galicia, Portugal, Arxentina e diversos puntos da xeografía española.

0banner_fiot15_cas

A xornada Inaugural do Festival Internacional de Outono arrancou o pasado venres 25 de Setembro, coas actuacións da compañía Vaivén Circo y Danza, un espectáculo, que coverteu a rúa Colón nun circo plagado de acrobacias, piruetas, carreiras e divertidas coreografías. Tamén, Mariñán Bañobre, da compañía Ibuprofeno, demostrounos que o deporte é san pero que tamén pode ser cousa de risa.

Este evento terá lugar en diferentes espazos da vila, como o auditorio, o mercado municipal, rúas, prazas e locais hostaleiros de Carballo e reunirá a artistas da talla de Branca Portillo, que interpretará “ El Testamento de María”, ou Charo López, que levará a escena  a obra “Ojos de agua”, e compañías de teatro como DRAFT.INN, Producciones Meridional, Teatro do Morcego, entre outras.

Entre os moitos actos paralelos do festival que terán ao teatro como protagonista indiscutible, destaca o CICLO OTNI, destinado ás novas propostas escénicas; unha nova edición da Rúa dos Contos; o Teatro de Rúa, que encherá as rúas e prazas da localidade de espectáculos para público de todas as idades; o concurso Escola de Teatro Lido ” Xosé Manuel Eirís”, concurso no cal pequenos grupos de escolares enchen as ondas de Radio Voz Bergantiños con teatro, realizando unha interpretación lida dun fragmento dun texto teatral; a iniciativa noctámbula infantil “O Fiotiño”; as charlas e coloquios cos elencos das compañías no espazo denominado “Café con…” ; a “Escola do Espectador” e o encontro con fotógrafos no espazo Zoom FIOT. Estes próximos meses agárdavos o FIOT en Carballo.IMG_5337

O teatro tal e como o entendemos hoxe en día foi unha ocurrencia dos antigos gregos e ten a súa orixe nas festas que estes adicaban aos seus deuses. Este leva séculos abraiando e entretendo a multitude de espectador@s. Capaz de producir bágoas e risas por igual, as obras de teatro foron un dos entretementos máis populares da Antigüidade dos que desfrutaban tanto ricos coma pobres.

O teatro adoptou xa dende as súas orixes dúas formas diferenciadas: a Traxedia e a Comedia. Na traxedia, os personaxes soen ser reis, heroes, semideuses que se ven enfrontados a un destino adverso contra o que se revelan, ás veces con orgullo e desmesura e outras de forma heroica e exemplar, mentres que nas comedias os protagonistas soen ser homes e mulleres comúns, a miúdo ridiculizados ou caricaturizados, que son postos en situacións absurdas ou irrisorias para divertimento d@s espectador@s.

A estes dous xéneros teatrais maiores chegaría no seculo XIX o Drama.  No Drama os personaxes son un reflexo da vida, de situacións e conflictos vividos pol@s protagonistas. Como xéneros teatrais menores destacamos o Paso, Entremés, Sainete, Farsa, Monólogo, vodevil…E como xéneros teatrais músicais a Ópera, Zarzuela, Opereta, Músical, etc.

Hai grandes mestres do teatro como Lope de Vega, Moliére, Gaston Leroux, Cervantes…., homes que crearon escola e sentaron as bases do que é o teatro actual. Na Biblioteca atoparedes moitas das magníficas obras teatrais de todos os tempos:

“Romeo y Julieta”, Shakespeare, 1595.

Dramática historia de amor prohibido entre dous mozos de familias rivais, Romeo Montesco e Julieta Capuleto. Julieta é unha moza de catorce anos, a nena da casa, educada para converterse nunha dama da época. Sen embargo, Romeo crúzase na súa vida e Julieta transfórmase completamente cando se enamora del. Desafortunadamente, o idealismo xuvenil enfrontase ao mundo real, e o plan trazado acaba en traxedia: Romeo cree que a súa amada está realmente morta, e quítase a vida xusto antes de que desperte Xulieta, a cal prefire morrer antes que vivir sen Romeo.

 IMG_5351

“La Celestina”, Fernando  de Rojas, 1499.

Unha das obras máis recoñecidas do teatro, donde se retrata un violento amor entre Calisto e Melibea. Amor ofuscado polas sinistras tramas da Celestina, personaxe oposto aos personaxes idealizados da época medieval frente a muller anxelical e pasiva. Celestina é unha sabia e avariciosa muller, con iniciativa e simboloxías demoníacas (como a barba e a cicatriz que cubre o seu rostro). Capaz de manipular a cantos a rodean, Celestina é coñecida e necesitada na cidade, xa que representa o pracer que todos queren, pero que non sempre poden conseguir abertamente. Este clásico sentou as bases da novela e o teatro que hoxe coñecemos.

IMG_5469[1]

“Don Juan Tenorio, Jose Zorilla, 1844.

Un drama romántico onde o potagonista logra o perdón divino e se salva do inferno grazas ao amor que profesa por Doña Inés. É unha obra especialmente popular durante a primeira noite do mes de Novembro.

IMG_5531[1]

“La Vida Es Sueño”, Calderón de la Barca.

A obra xira entorno a liberdade e as decisións que cada un toma. Incorpóranse conceptos relixiosos de diferentes credos e a influencia da lenxendaria Alegoria de la Caverna de Platón é bastante amplia e explícita. O Protagonista Segismundo, vive en completa escuridade no cárcere da súa mente e descoñecemento persoal e alcanza a iluminación solo ao descubrirse a si mesmo.

IMG_5357

“El Sueño de una noche de Verano”, Shakespeare, 1595.

Ninguén executaba os enredos amorosos e xogaba co real e o onírico de forma tan admirable como Shakespeare. “El Sueño de una noche de verano””, comedia romántica e clásica da literatura teatral mundial que narra a historia de dúas parellas de amantes sumidos nun mundo de fantasía, maxia, soños e comicidade.

IMG_5533[1]

“ Hamlet”, Shakepeare, 1599-1601.

Outra brillante obra do dramaturgo Inglés. Hamlet retrata a tolemia que devén da venganza, con unha pouca de dor, ira, traizón, incesto e corrupción moral. Unha das obras que máis críticas xerou desde que foi creada.

IMG_5352

“Fuente Ovejuna”, Lope de Vega, 1612-1614.

Lope de Vega é un dos autores máis exitosos do mundo e poida que esta sexa quizais a súa obra máis recoñecida e influinte. Esta obra é un canto a vinganza pura contra a inxustiza dos gobernantes malvados.

IMG_5467

“La Casa de Bernarda Alba, de Ferderico García Lorca, 1936.

Esta obra de teatro é unha das creacións máis famosas de Lorca.  Esta traxedia retrata a vida da viúva sexaxenaria Bernarda Alba que decide permanecer de loito, obrigando as súas fillas a permanecelo con ela e asfixiándoas  nun espazo hermético e claustrofóbico rexido polo silencio (palabra coa que comeza e acaba esta obra). Bernarda considera que a sua verdade é a única e trata de impoñer orden as súas cinco fillas. Por debaixo da súa preocupación polo que dirán os demáis está latente un instinto de poder que pretende ser absoluto. De feito, Bernarda Alba identifícase comúnmente cos movementos fascistas que estaban ocorrendo en Europa cando García Lorca escribiu a obra. O seu autoritarismo acabará volvéndoa cega ante a realidade. Ainda que se dea conta do erro que cometeu cando Adela, a súa filla menor, se suicida, non é capaz de admitilo e volve a ordenar silencio. Unha obra colmada de fanatismo relixioso, conservadurismo, castidade e o temor a intimidade.

IMG_5358

“La Divina Comedia”, Dante Alighieri.

Trátase de unha das obras literarias máis significativas e ilustrativas da historia da humanidade, e a súa prosa é unha das máis lidas do mundo. Dante retrata nesta obra o seu paso polo purgatorio, o inferno e o paraíso para  atoparse co amor da súa vida, Beatriz. Pese as miles de adversidades e traxedias que experimenta, Dante denomina a esta historia comedia porque o seu final é feliz.

 IMG_5353

Estas son algunhas das máis grandes obras de teatro da historia da humanidade. Son os clásicos que inspiraron a miles e forman parte da cultura popular, moitas delas son as máis representadas do mundo.

Na biblioteca poderedes vir desfrutar desta arte non só @s maiores senón tamén, os máis pequen@s da casa, que teñen o seu espazo de obras teatrais infantís e xuvenis eperando a que a vosa imaxinación comeze a voar e vos transformedes en actores e expresedes os vosos sentimentos.

IMG_5529[1]

En Carballo agárdanvos historias incribles e moitas risas. Vide a Carballo a contemplar esta gran ARTE. I Love FIOT.

IMG_5350

20150910_162806

Volta ao cole!

#ABiblioPréstame,Blog,Recomendamos

Coa chegada de setembro chegan tamén as clases, @s amig@s que non viamos dende que empezou o verán, @s profesor@s antig@s e nov@s, as saídas escolares, o cheiro ao plástico do forro dos libros… Volve a escola, en definitiva, e as ganas de aprender máis cousas e chegar a conseguir novos obxectivos. Algúns/as de vós estaredes a piques de rematar unha carreira; outr@s comezaredes un novo ciclo escolar, máis duro pero interesante á vez… e outr@s simplemente compartiredes bos momentos c@s compañeir@s de turno, inventando, por que non, algunha que outra falcatruada 😀

Como xa sabemos, para moitas familias estes son tempos de dificultades económicas, por iso queremos facer unha selección que poida axudarvos na vosa rutina estudantil, para que poidades orientarvos con materiais e recursos que vos sirvan para facer traballos, ou, en xeral, para saber máis. Dende o público infantil ata o adulto, na biblioteca Rego da Balsa aportámosvos contidos de toda clase, para tod@s, porque ainda que ocupe cantos do noso edificio preferido, o saber non ocupa lugar!

Comezamos suxeríndovos libros que axudarán @s pequen@s da casa a comprender mellor o mundo que nos rodea e entender por que as cousas son como son. Este tipo de lecturas atoparédelas na sección Coñecer do corraliño ou ben do espazo de “4 a 7” anos, e van sinalizadas con pegatinas que levan un número 1 debuxado. Algúns exemplos son “O tempo” cos Bolechas; os libros que nos ensinan cores coma “Blanco, Negro, Amarillo, Azul, Rojo”; “Á escola con Iria”… só por mencionar uns poucos. Para os nen@s que xa non son tan pequenos, atopamos outra selección dos Bolechas, diccionarios visuais, o “Abezoo”, e un largo etc, que poderedes descubrir vindo á nosa biblioteca!

20150910_163838 20150910_163617 20150910_163511

Pero non soamente atoparedes libros educativos, tamén temos coleccións de dvd e xogos para PC cos que aprender unha chea de cousas! Un exemplo son os xogos de “aprender con Pipo”; outro son as coleccións de “Érase una vez…”; e outro son os “Hello Hoobs”, que ademáis de ensinarnos cousas en castelán nos permiten aprendelas en inglés! Por suposto, existen outras coleccións máis adaptadas a nen@s máis pequen@s ou máis grandes, coma “Crecer con los Lunnis” ou “Viaje a los Mundos Perdidos”…

20150910_163353 20150910_163342


Por outra banda, na zona de Saberes Infantil, atoparedes todas as enciclopedias e diccionarios que precisedes para elaborar con éxito as tarefas que vos manden no colexio. Sorprenderedes @s maiores e @s vos@s amig@s cunha chea de datos interesantes que antes non sabiades! Queredes botarlle un ollo aos pasatempos do saber? Apetécevos unha partida á mariola do coñecemento?

20150910_163313 20150910_163148 20150910_163024

Nas baldas desta sección seguramente atoparedes máis dun libro interesante que levar para descubrir o mundo no voso tempo de ocio, pois hai unha chea deles ben divertidos! Sodes máis de manualidades ou preferides a intriga das curiosidades matemáticas? Preferides os bichos ou gústavos máis aprender a decorar un cadro? Iso sen contar a aprendizaxe dos trucos de maxia que deixarán a tod@s coa boca aberta! Hai para tod@s!

20150910_162719 20150910_162705

Pero non soamente o público infantil pode desfrutar da aprendizaxe na nosa biblioteca, @s moz@s e maiores tamén atoparan información para elaborar teses doctorais, documentarse á hora de escribir un artigo, ou simplemente gozar do entendemento da arte a través da simboloxía que se nos mostra nalgúns ensaios artísticos…

20150910_162844 20150910_162828

E non podemos esquecer os recursos tecnolóxicos que vos prestamos na propia biblioteca para poder mergullarvos sen límite na ampla rede da Internet! Soamente con darnos o voso nome poderedes acceder a un dos nosos equipos informáticos para o que precisedes! Xa non hai escusa para vivir desconectado!

20150910_162806

E para os que non sabedes que disciplinas manexamos… soamente dicirvos que nos gusta a diversidade e que por iso tentamos ter un pouco de todo para tod@s!

collage

Preparade a mochila e abride a vosa mente a todo o que podedes coñecer… hai moito por descubrir! #ABiblioPréstame

20150910_164929

IMG_20150820_112208

Estrea na Praza dos Libros!

#ABiblioPréstame,Blog

Esta vez a #prazadoslibros contou cunha nova caseta, a da nosa Biblioteca Rego da Balsa, que se encheu de cores, xogos e libros para animar a tod@s @s nen@s que pasaban por onde a mesma.

Foi unha edición cargada de contacontos, concertos, animación infantil, presentacións de obras literarias e arte en tódolos sentidos, dende a venta e creación de fanzines, ata obradoiros levados a cabo na ludoteca, sen esquecer a venta de camisolas canto menos curiosas a cargo de OZOCO.gz

Praza-dos-libros

Programa-Praza-dos-Libros-Carballo-2015

Para aquel@s que non puidestes asistir a algún evento ou durante toda a xornada, farémosvos un pequeno resumo a continuación do que vivimos!

O xoves 20 de agosto, Milagros Cotelo foi a encargada de presentar a #prazadoslibros, acompañada da Banda de Gaitas de Carballo, que puxo o broche musical ao evento dando unha pequena pista de todo o que nos quedaba por ver neses vindeiros días.

IMG_20150820_130808

Dende o primeiro día, o equipo da Biblioteca Rego da Balsa estivemos á vosa disposición na caseta de turismo, para informarvos de calquera dúbida que podiades ter referente á biblioteca ou ludoteca. Tamén decidimos @s gañadores do noso I Concurso Literario Infantil e Xuvenil, o cal estivo moi disputado, pero finalmente decantámonos polo relato “Pulpo á Feira” de “Sioux”; e “De maxia e recordos” de “Páprika”. El@s mesm@s pasaron a recoller o seu agasallo, un vale de 30 € para mercar libros ou material nas casetas da praza! Deixámosvos aquí as súas obras para que poidades gozar delas coma nós.


v3
pulpo

v1maxia

Pola tarde, Raquel Galavís sorprendeu @s máis pequen@s cun cantacontos e, máis tarde, os fans do fútbol puideron gozar cunha peza na que se recolleron os casos máis anecdóticos e interesantes dos 50 anos anteriores do fútbol na Costa da Morte. Finalmente, Suso Lista presentounos a súa obra Xeixos, a cal asinou para a Biblioteca Rego da Balsa, e tamén se portou moi ben cos seus lectores e lectoras, @s que lle dedicou un autógrafo orixinal.

O venres 21, o equipo do grilo Míllelo fixo cantar @s máis pequen@s cunha chea de animais imaxinarios, como podedes ver na pequena mostra a continuación:

Pero este non foi o único que fixo bailar @s cativ@s, pois Paco Nogueiras chegou co seu Brinca Vai! para facelos gozar coma nunca! Os dous concertos encheron a carpa da praza para disfrute de grandes e maiores!

Por outro lado, durante toda a tarde, estivo presente a mostra de fanzines, grazas á que ilustradores dos arredores se deron a coñecer coas súas creacións e puideron vendernos xoias coma as seguintes, de Rubén Rial ou de Paula Esteban, por poñer algún exemplo.

tumblr_ntotoac5J51r3ypouo1_1280    11902555_440577312791039_8239603045169133320_n

 Miguel Mato foi o primeiro en marcar o ton literario do serán, co recital do seu poemario Terra Fría, e, posteriormente, o equipo de Rosalía Fernández Rial, Mon Lendoiro, Paco Souto e Chiña, sorprendéronnos coa presentación da súa obra Catálago, posto que fundiron pintura, poesía e música para dar lugar a unha obra conxunta que finalmente acabaron sorteando entre tod@s aquel@s que mercaron o seu libro.

v

O sábado 22 xa puidestes atoparnos na caseta dispoñible para a biblioteca e ludoteca, a cal nos permitiu prestarvos na praza xogos, libros, debuxos… para o voso entretemento.

v2

v5 v4

Pero non era esa a nosa única función, a parte de informarvos no que precisastes, inscribimos nov@s usuari@s e proporcionamos préstamos sorpresa @s pequen@s da casa!

s4 s3 s1

Mentras tanto, na carpa da praza, o equipo de Seisdedos mostrounos un espectáculo infantil con marionetas. Pola tarde, @s nen@s puideron seguir gozando con máis obradoiros organizados por Creaformas na ludoteca, e, ás 18:30 h comezou o concerto infantil de rock que nos trouxo a Gramola Gominola.

Xa á tardiña, chegou o turno de disfrutar @s adult@s e o público xuvenil, pois Farruco Graña presentounos a súa novela “O soño de Xoán” e Manuel Rivas a súa obra poética “A boca da terra”; as cales asinaron posteriormente a tod@s @s seguidor@s!

O domingo foi o broche da nosa praza, posto que tod@s aquel@s que optaron por mercar un libro ese día, levaron como agasallo un pan de Carballo! Tamén é importante lembrar que por cada compra, se regalaban rifas para os sorteos diarios de lotes de libros, que algúns/as afortunad@s puideron levar para a casa.

pan

Durante todo o día, Anxo Moure estivo animando @s nen@s co seu nubinete e ciclobicicleta, e os pequerrech@s encantados! Pasárono pipa dando paseos no carro da bicicleta, cantando, abrazando árbores…

20150823_174939

Pero @s maiores tamén puideron gozar pola mañá dun concerto en galego, a cago do grupo Chicharrón, e, posteriormente dunha rica sesión vermú de albariño Petroni!

Para a tarde, programouse unha saída polos murais de Carballo, pero tivo que cancelarse pola choiva e o mal tempo. Pero xa sabedes, a mal tempo… boa cara! E iso fixemos con axuda do grupo Chuches Amil, que nos brindou o concerto do seu audiolibro “Un conto ao revés”, na carpa da praza e fixo brincar @s nen@s que se achegaron! Mirade!!


Posteriormente, entrou Modesto Fraga, para gozo do público adulto, coa presentación da súa peza poética Atlántica Luz.

d1

Para finalizar esta edición da #prazadoslibros, o grupo Poetarras levou a cabo unha actuación de peche moi participativa, repartindo pans ao público máis valente que se lanzou a denunciar coa música problemas actuais da nosa sociedade.

Qué máis se pode pedir? Agardamos que vos gustase a #prazadoslibros deste ano e que o noso equipo resolvese todas as vosas dúbidas e necesidades! Vémonos na próxima!

s2 IMG_20150823_113832

20150821_203100