prazadoslibros2016-675x289

Praza dos libros 2016

Blog

Os días 21, 22, 23 e 24 de xullo celebramos a festa dos libros, da cultura, das letras, da creatividade, da música e do pan, todo nun!

Un novo ano, e desta vez xa van once, celebrouse a Praza dos Libros, unha feira na que librarías, autor@s, escritor@s, músic@s, biblioteca e visitantes puideron desfrutar de catro xornadas ateigadas de actividades creativas, presentacións literarias, concertos, sorteos e moito máis en convivencia coa habitual feira carballesa nun enclave tan significativo como o xardín municipal de Carballo.

0praza_libros

Por suposto, a Biblioteca de Carballo non podía faltar! Estivemos con vós todos estes días, ofrecendo servizos como información, consulta de fondos e catálogo, préstamo, alta de socios… e organizando actividades, como obradoiros artísticos e concursos.

Queredes facer unha retrospectiva de todo o que nos ofreceu a Praza dos Libros? Perfecto, comezamos!

O xoves 21 arrancou a aventura. Xa ás 11 da mañá estabamos preparados para abrir as portas da nosa caseta.

O público infantil desfrutou  da animación a cargo de Anxo Moure na feira coa súa Burroteca e os contos de animais que lles contou a@s nen@s que por alí pasaron.

Ás 12:30 celebrouse o acto de inauguración, no que tomaron a palabra  o alcalde Evencio Ferrero e o concelleiro de Cultura e Deportes Marcos Trigo, para dar paso ao convidado e pregoeiro Xosé Lois “O Carrabouxo”, quen dedicou unhas verbas do máis emotivo a esta feira e á nosa vila, sempre coa retranca que caracteriza a este viñetista que leva máis de 30 anos sacándonos un sorriso. Ademais, dedicou o seu último libro de viñetas “Veña Carrabouxo!” a@s usuari@s da biblioteca, xa que poderedes desfrutar del e levalo en préstamo.

Para pechar tan bonito acto, a Banda de Gaitas de Carballo puxo a guinda do pastel coa súa música tradicional.

A tarde do xoves trouxo de novo a Anxo Moure, pero desta quenda veu co seu “Teatro na mochila”, unha función de contacontos para público infantil moi emocionante e tamén divertida que xiraba entorno ao amor pola natureza e os libros.

A continuación chegou o momento das presentacións literarias, nas que se presentaron a biografía do exfutbolista do R. C. Deportivo da Coruña Donato escrita por Héctor Pose, e na que participaron o autor e o propio Donato. Por suposto, Donato tivo o detalle de dedicarnos un dos exemplares.

Agora mesmo na #prazadoslibros, Héctor Pose e Donato presentando a biografía do ex futbolista do Deportivo da Coruña. Imperdible!

A post shared by Biblioteca Rego da Balsa (@bibliocarballo) on

Mentres María Canosa presenta DisParo na carpa da #prazadoslibros , Donato firma copias da súa biografía.

A post shared by Biblioteca Rego da Balsa (@bibliocarballo) on

A última cita da xornada veu da man da televisiva María Canosa, a escritora que veu presentar a súa última novela, “DisParo”, publicada pola editorial Embora. A verdade é que ten unha pinta estupenda!

13775596_879475828852834_422038907259867414_n

A segunda xornada da feira comezou coa celebración do obradoiro creativo “Todos con Sanxo!”, no que participaron nenos e nenas de máis de 4 anos realizando un retrato feito con plastilina da mascota da Biblioteca Rego da Balsa, o esquío Sanxo. Ademais, Sabela, a nena que fixo o retrato mellor elaborado foi gañadora dun premio sorpresa. A verdade é que o veredicto non foi cousa sinxela, xa que tod@s o fixeron estupendamente, e Sanxo quedou fantásticamente retratado por tod@s e cada un d@s nen@s participantes!

Xa á tarde tivemos unha nova cita coas actividades para nen@s, desta vez con Vaioviravai, un concerto infantil a partir do libro-disco “As andanzas de Paio”. Foi divertidísimo, e aprendemos un lote de cousas sobre animais, as cores ou as estacións do ano. Ademais tivemos a visita do teixugo Paio, que estivo sacando fotos con tod@s @os nen@s que quixeron saudalo!

Na quenda de presentacións literarias, tivemos con nós ao fisterrán Modesto Fraga, co seu libro “Adagio por outono”, unha homenaxe a aqueles poetas italianos que, no século XIII, foron quen de rachar coa tradición e situar á muller no centro da súa lírica, e ao sentimento amoroso no cerne da súa revolución estética e da súa esperanza.

Modesto Fraga

CL23C10F1

Fonte: La Voz de Galicia

A segunda e última presentación do venres foi a de Rosalía Fernández Rial. A poeta carballesa agasallou a tod@s @s presentes cun recital-concerto coa música de Serxio Moreira para presentarnos Contra-acción, o seu último traballo.

Seguimos na #PrazadosLibros con Contra-Acción da #poeta carballesa Rosalía Fernández Rial e coa música de Serxio Moreira… Pasádevos!

A post shared by Biblioteca Rego da Balsa (@bibliocarballo) on

Chegando ao ecuador da Praza dos libros, a xornada do sábado 23 comezou con toda a forza, xa que se celebrou unha das sesións do Obradoiro de ilustración a cargo de Mon Lendoiro, da Asociación artística Crea Formas, e organizado pola Biblioteca Rego da Balsa.

A mañá continuou con outro convidado de honra: O físico, profesor e presentador de televisión Jorge Mira, que veu presentarnos “A que altura está o ceo?”, un libro de divulgación científica que comeza na época da Grecia clásica e chega ata os descubrimentos máis recentes sobre o universo. Ademais, este libro está escrito en colaboración con María Canosa, que nos visitou dous días antes.

Agora mesmo, na #PrazadosLibros, estamos na presentación literaria de ¿A que altura está o ceo?, de Jorge Mira

A post shared by Biblioteca Rego da Balsa (@bibliocarballo) on

Xa á tarde, a rapazada puido gozar de “A música das árbores”, un concerto e animación con Servando Barreiro a partir do libro-disco que leva o mesmo nome. Lembrade que o temos na biblioteca para levar en préstamo!

Desfrutamos co #concerto #infantil "A música das árbores" na #PrazadosLibros, vide que aínda estades a tempo!

A post shared by Biblioteca Rego da Balsa (@bibliocarballo) on

Presentando libros tivemos dobre ración: por unha banda, María Lado veu presentar o poemario “oso, mamá,si?”, da editorial Xerais, o carballés Xurxo Chapela falounos do seu último traballo e álbum de recordos “Lémbrome”.

Xurxo Chapela

Para pechar a tardiña do sábado, tivemos a Lucía Aldao e María Lado co seu espectáculo musical, poético e humorístico AldaoLado. Unhas verdadeiras artistas están feitas estas dúas mulleres!

AldaoLado

E no último día non pensedes que houbo pouca cousa… todo o contrario! Foi un día ben especial, xa que durante o domingo, todas as persoas que mercaron un libro foron agasalladas cun pan de Carballo.

E que mellor maneira de acompañar un bo pan de Carballo que cun bo peixe ou marisco? O televisivo cociñeiro Benigno Campos presentou tamén con nós o seu último libro, “Peixes e mariscos. As novas receitas de Benigno Campos”.

00106510903997____1__640x640

E antes de xantar tamén vai de marabilla un vermú, non si? Pois na Praza dos libros tivemos sesión vermú a cargo de Sofía Espiñeira e a súa banda a partir do seu disco “Alá onde agroman as herbas”. Música fresca, con contido e ritmos variados.

A actuación de animación para público infantil veu o domingo da man de Olga Brañas e a súa banda, co concerto a partir do libro-disco Pitusa Semifusa. Encantounos! Como mostra, deixámosvos cun dos videoclips das cancións contidas neste éxito de Sonárbore.

Seguimos cara á tardiña coa presentación dos libros da colección Costa da Morte, de Edicións Embora, formado por: “Reválida de sexto”, de José Antonio Andrade Figueiras; “Coristanco. As súas parroquias”, de Evaristo Domínguez Rial; e “Lembranzas de Malpica”, de Xosé González Reyes. Moi boas lesturas para coñecer mellor a nosa zona xeográfica.

CL25C2F1

Fonte: La Voz de Galicia

 

A última cita do domingo, e para rematar a edición da Praza dos Libros 2016 foi a conversa arredor dos libros “A música dos seres vivos”, “Dende o conflito” e “En vías de extinción”, de María Reimóndez, onde a autora lucense asinou as súas obras. O acto de clausura correu a cargo de Canalé Cafuné, co seu inolvidable concerto.

E como o centro desta marbillosa feira foron os libros, as librarías locais e da zona estiveron presentes nas súas casetas para facer venta de todos estes títulos presentados e moitos máis. E por iso podemos estar tranquil@s, xa que a Praza dos Libros ten máis que asegurada a súa continuidade en edicións vindeiras porque, según os comerciantes, «as vendas mantéñense, o cal non está nada mal para ser uns días de sol, calor e praia» (Fonte: A Voz de Galicia). Querendo incentivar a compra de libros durante a feira, ademais do 10% de desconto en cada produto comprado, cada persoa recibiu un boleto de participación no sorteo dun lote de libros. Ao final de cada xornada facíase o sorteo, e estes foron os números premiados:

Para rematar, agradecervos a todas as persoas que vos achegastes a esta festa da cultura e a tod@s os que participastes  e colaborastes dalgún xeito na mesma.

O ano que vén voltaremos con máis azos!

Os nosos futuros #lectores tamén se pasan polo posto da #biblioteca na #PrazadosLibros!

A post shared by Biblioteca Rego da Balsa (@bibliocarballo) on

CABECEIRA WORDPRESS

Semana do Libro: 2º Concurso #ABiblioPréstame

#ABiblioPréstame,Blog

Comezamos a Semana do Libro convocando a 2ª edición do Concurso #ABiblioPréstame!

Como o ano pasado, queremos celebrar a Semana do Libro dun xeito especial, polo que vos propoñemos que participedes no noso concurso #ABibliopréstame. En que consiste? Moi sinxelo!

É un concurso fotográfico a través das redes sociais Twitter, Instagram e Pinterest, no que só tedes que sacarvos unha foto co voso libro preferido, o que mellor vos representa, ou o que polo seu título ou portada reflicte o voso estado de ánimo e personalidade… Pode ser un selfie ou autorretrato, ou pode ser unha foto normal, pero sempre ten que ir acompañada do cancelo ou hashtag #ABiblioPréstame.

Deberedes subir as vosas fotos á vosa conta de Twitter, Instagram ou Pinterest, anque se non tedes, non vos preocupedes, podédesnolo dicir e subirémolo ao voso nome ás contas da biblioteca 🙂 Poderedes participar tantas veces como desexedes!

untitled-infographic

Á hora de outorgar o premio valoraranse positivamente a orixinalidade das publicacións, que sexan autorretratos fotográficos e o número de publicacións (a máis número máis posibilidades).

O prazo límite para presentar as vosas candidaturas é ata o día 24 deste mes.

A persoa gañadora recibirá un premio sorpresa!

Consultade as bases completas:

Lembramos a anterior edición do concurso coa gañadora, Zaira, que participou na nosa conta de Twitter cunha fotografía, que, a pesar de non ser un selfie, gañou pola súa orixinalidade e polo entrañable da mesma. Zaira recibiu o seu regalo (un paquete de libros de diferente xénero e temática) e posou ben contenta con el.

Sin título20150428_112243

Esperamos que vos animedes a participar e honrar ao Libro, que tantas alegrías nos da diariamente e sen o que non poderiamos vivir. Lembrade que ademais o sábado 23 será o Día do Libro e na biblioteca celebrarémolo cun obradoiro de Bookfolding. Non sabedes o que é o bookfolding? Pois non perdades o noso post dedicado a esta actividade que fixemos hai uns meses no blogue. Anotádevos, xa que as prazas son limitadas!

bookfolding.png

Celebremos xunt@s a Semana do Libro!

CABECEIRA WORDPRESS

En primavera brotan… as actividades!

Actividades,Blog

Comezamos semana e trimestre con forza e moitas ganas de contarvos todo o que nos agardará estes vindeiros meses na biblioteca Rego da Balsa, porque esta primavera non só florece a natureza, senón tamén as actividades!

Pois ben, teremos as actividades que ata agora viñamos celebrando: faladoiros, presentacións literarias, contacontos, concursos… pero tamén haberá novidades: obradoiros, proxeccións cinematográficas ou concertos, que farán que vos namoredes cada día máis da vosa biblioteca.

Ademais, abril e maio non son uns meses calquera, xa que son os meses do Libro e as Letras Galegas, e teremos mostras bibliográficas, obradoiros e moitas máis actividades relacionadas coa figura do homenaxeado este ano polo Día das Letras Galegas, Manuel María.

En canto a temáticas, falaremos de literatura, cociña, ilustración, cultura urbana, banda deseñada, e mesmo tatuaxes! Unha inmensa variedade de temas, que interesará a todo tipo de idades e perfís. De seguro que atoparás algo deseñado para ti!

Descargade o cartaz para este trimestre, seguídenos en Facebook, Twitter, Instagram, Pinterest e Youtube e non perdades nin unha das nosas actividades!

htfhjthrt

2ª edición do concurso #biblionamorame

#biblionamórame,Blog

Ola, amig@s!

Comezamos a semana e o mes de febreiro ofrecéndovos unha nova edición do Concurso #biblionamorame!

Igual que o ano pasado, queremos saber que é o que máis vos namora da biblioteca: esa novela preferida, unha película, o voso recuncho favorito para relaxarvos e desfrutar da lectura, ou ese cedé que contén a canción máis romántica… Calquera cousa que se vos ocorra!

Para participar só tedes que seguirnos en Twitter ou Instagram e amosarnos iso que tanto vos biblionamora, sempre utilizando o cancelo ou hashtag #biblionamorame. Podedes sacarvos un selfie, amosarnos a portada do voso libro,  ou acompañarvos cos nosos peluches, o que queirades. Valoraremos as participacións máis orixinais!

O prazo para participar comeza o día 1 de febreiro e remata o día 13. O día de San Valentín anunciaremos o nome da persoa gañadora.

Podedes consultar as bases completas na nosa conta de Issuu

Que teñades moita sorte, e seguídevos biblionamorando!

IMG_20150820_112208

Estrea na Praza dos Libros!

#ABiblioPréstame,Blog

Esta vez a #prazadoslibros contou cunha nova caseta, a da nosa Biblioteca Rego da Balsa, que se encheu de cores, xogos e libros para animar a tod@s @s nen@s que pasaban por onde a mesma.

Foi unha edición cargada de contacontos, concertos, animación infantil, presentacións de obras literarias e arte en tódolos sentidos, dende a venta e creación de fanzines, ata obradoiros levados a cabo na ludoteca, sen esquecer a venta de camisolas canto menos curiosas a cargo de OZOCO.gz

Praza-dos-libros

Programa-Praza-dos-Libros-Carballo-2015

Para aquel@s que non puidestes asistir a algún evento ou durante toda a xornada, farémosvos un pequeno resumo a continuación do que vivimos!

O xoves 20 de agosto, Milagros Cotelo foi a encargada de presentar a #prazadoslibros, acompañada da Banda de Gaitas de Carballo, que puxo o broche musical ao evento dando unha pequena pista de todo o que nos quedaba por ver neses vindeiros días.

IMG_20150820_130808

Dende o primeiro día, o equipo da Biblioteca Rego da Balsa estivemos á vosa disposición na caseta de turismo, para informarvos de calquera dúbida que podiades ter referente á biblioteca ou ludoteca. Tamén decidimos @s gañadores do noso I Concurso Literario Infantil e Xuvenil, o cal estivo moi disputado, pero finalmente decantámonos polo relato “Pulpo á Feira” de “Sioux”; e “De maxia e recordos” de “Páprika”. El@s mesm@s pasaron a recoller o seu agasallo, un vale de 30 € para mercar libros ou material nas casetas da praza! Deixámosvos aquí as súas obras para que poidades gozar delas coma nós.


v3
pulpo

v1maxia

Pola tarde, Raquel Galavís sorprendeu @s máis pequen@s cun cantacontos e, máis tarde, os fans do fútbol puideron gozar cunha peza na que se recolleron os casos máis anecdóticos e interesantes dos 50 anos anteriores do fútbol na Costa da Morte. Finalmente, Suso Lista presentounos a súa obra Xeixos, a cal asinou para a Biblioteca Rego da Balsa, e tamén se portou moi ben cos seus lectores e lectoras, @s que lle dedicou un autógrafo orixinal.

O venres 21, o equipo do grilo Míllelo fixo cantar @s máis pequen@s cunha chea de animais imaxinarios, como podedes ver na pequena mostra a continuación:

Pero este non foi o único que fixo bailar @s cativ@s, pois Paco Nogueiras chegou co seu Brinca Vai! para facelos gozar coma nunca! Os dous concertos encheron a carpa da praza para disfrute de grandes e maiores!

Por outro lado, durante toda a tarde, estivo presente a mostra de fanzines, grazas á que ilustradores dos arredores se deron a coñecer coas súas creacións e puideron vendernos xoias coma as seguintes, de Rubén Rial ou de Paula Esteban, por poñer algún exemplo.

tumblr_ntotoac5J51r3ypouo1_1280    11902555_440577312791039_8239603045169133320_n

 Miguel Mato foi o primeiro en marcar o ton literario do serán, co recital do seu poemario Terra Fría, e, posteriormente, o equipo de Rosalía Fernández Rial, Mon Lendoiro, Paco Souto e Chiña, sorprendéronnos coa presentación da súa obra Catálago, posto que fundiron pintura, poesía e música para dar lugar a unha obra conxunta que finalmente acabaron sorteando entre tod@s aquel@s que mercaron o seu libro.

v

O sábado 22 xa puidestes atoparnos na caseta dispoñible para a biblioteca e ludoteca, a cal nos permitiu prestarvos na praza xogos, libros, debuxos… para o voso entretemento.

v2

v5 v4

Pero non era esa a nosa única función, a parte de informarvos no que precisastes, inscribimos nov@s usuari@s e proporcionamos préstamos sorpresa @s pequen@s da casa!

s4 s3 s1

Mentras tanto, na carpa da praza, o equipo de Seisdedos mostrounos un espectáculo infantil con marionetas. Pola tarde, @s nen@s puideron seguir gozando con máis obradoiros organizados por Creaformas na ludoteca, e, ás 18:30 h comezou o concerto infantil de rock que nos trouxo a Gramola Gominola.

Xa á tardiña, chegou o turno de disfrutar @s adult@s e o público xuvenil, pois Farruco Graña presentounos a súa novela “O soño de Xoán” e Manuel Rivas a súa obra poética “A boca da terra”; as cales asinaron posteriormente a tod@s @s seguidor@s!

O domingo foi o broche da nosa praza, posto que tod@s aquel@s que optaron por mercar un libro ese día, levaron como agasallo un pan de Carballo! Tamén é importante lembrar que por cada compra, se regalaban rifas para os sorteos diarios de lotes de libros, que algúns/as afortunad@s puideron levar para a casa.

pan

Durante todo o día, Anxo Moure estivo animando @s nen@s co seu nubinete e ciclobicicleta, e os pequerrech@s encantados! Pasárono pipa dando paseos no carro da bicicleta, cantando, abrazando árbores…

20150823_174939

Pero @s maiores tamén puideron gozar pola mañá dun concerto en galego, a cago do grupo Chicharrón, e, posteriormente dunha rica sesión vermú de albariño Petroni!

Para a tarde, programouse unha saída polos murais de Carballo, pero tivo que cancelarse pola choiva e o mal tempo. Pero xa sabedes, a mal tempo… boa cara! E iso fixemos con axuda do grupo Chuches Amil, que nos brindou o concerto do seu audiolibro “Un conto ao revés”, na carpa da praza e fixo brincar @s nen@s que se achegaron! Mirade!!


Posteriormente, entrou Modesto Fraga, para gozo do público adulto, coa presentación da súa peza poética Atlántica Luz.

d1

Para finalizar esta edición da #prazadoslibros, o grupo Poetarras levou a cabo unha actuación de peche moi participativa, repartindo pans ao público máis valente que se lanzou a denunciar coa música problemas actuais da nosa sociedade.

Qué máis se pode pedir? Agardamos que vos gustase a #prazadoslibros deste ano e que o noso equipo resolvese todas as vosas dúbidas e necesidades! Vémonos na próxima!

s2 IMG_20150823_113832

20150821_203100

Untitled Infographic

Comezamos agosto… concursando!

#ABiblioPréstame,13 a 17 anos,7 a 12 anos,Blog

Benvido agosto, benvido o mes do sol, da calor, dos libros e dos concursos!!

Que porque dicimos isto? Pois porque na biblioteca comezamos agosto con moita forza, propoñendo @s máis pequen@s un concurso literario que lles encantará e que terá uns premios moi especiais.

En que consiste este concurso? Pois moi sinxelo!

Untitled Infographic

Haberá dúas categorías: Infantil (nen@s de 7 a 12 anos) e Xuvenil (rapazas e rapaces de 13 a 17 anos)

Os participantes elaborarán un microrrelato, conto ou poesía das seguintes características:

  • Extensión de 150 a 200 palabras, máis título.
  • Formato a dobre espazo e letra Times New Roman 12.
  • Non irá asinado, nin levará o nome do autor, senón que levará o pseudónimo que o autor elixa.

Os participantes terán do 1 de agosto ao 19 de prazo para enviar as súas creacións. Pódense enviar por correo electrónico a biblioteca@carballo.org ou achegándoas directamente á biblio.

O gañador ou gañadora de cada categoría será anunciad@ o día 20 de agosto, na Praza dos Libros, e o seu premio será…

Un vale de 30€ para gastar nas librarías de Carballo que teñan stand na Praza dos Libros!!

Pensade as marabillas que podedes mercar con ese agasallo: contos clásicos, libros pop-up, as historias máis tolas de Geronimo Stilton, libros sobre dinosaurios, historias de fantasía e amoríos… incluso audiocontos!!!

Este ano a Praza dos Libros celebrarase do 20 ao 23 de agosto e estará chea de sorpresas! Iremos informando, porque por suposto, a Bibliocarballo estará alí con vós!!

Ollade as bases completas:

Veña, rapazada, botade a voar o voso maxín e participade!

11110538_574801275993650_4825314490125686620_n

En #bibliocarballo… Un mar de libros!

Blog,Recomendamos

Nestes días estámonos xa preparando para a chegada do verán… o San Xoán, as cachelas, as sardiñas, a calor, a praia, a roupa lixeira… que ganas temos, verdade?

Pois para ir quentando motores, na #biblioteca pensamos en algo refrescante, liberador e típicamente estival, algo co que todos devecemos por desfrutar. Seguro que sabedes que é… claro que sí, é o Mar!

O mar é fonte de vida, de lecer, de liberdade e de ledicia. Pero o mar tamén ten perigos cando está bravo, e alberga criaturas verdadeiramente misteriosas. Por todo iso, mares e océanos levan sendo personaxes protagonistas e escenario de numerosos libros, películas e incluso pezas musicais ao longo da historia das Artes.

Por suposto, o #ConcellodeCarballo ten unha costa rica e fermosa, con praias paradisíacas e portos pesqueiros cheos do saboroso e variado peixe autóctono. Como homenaxe ao mar carballés, convocouse o mes pasado o Premio Fotopoético Carballo mirando ao mar, de fotografía, textos poéticos, fotopoema e videopoema, que ten por obxectivo a posta en valor do Lugar de Importancia Comunitaria Razo-Baldaio. Dito Premio foi concedido polo xurado, presidido polo alcalde, o día 3 de xuño e otorgouse  a “A miña avoa el”, de María Rita Más Ybáñez na categoría de Videopoema, a “Baldaio, Paraiso baixo as estrelas”, de Marcos Regueira Ramos na categoría de Fotografía, e a “Serea Silente” de Daniel Ernesto Loncan Araujo e Raquel Santos Álvarez na categoría de Fotopoema. O Premio de Textos Poéticos quedou deserto. Todas as obras formarán parte dunha exposición que será presentada en vindeiras datas, pero polo momento deixámosvos co Videopoema gañador, “A miña avoa el”

Sabedes que Carballo mirando ao mar non só organiza un concurso, senón que é unha iniciativa completísima que inclúe xornadas, encontros, actividades e incluso excursións ao litoral? E que ademais se sumou á nova moda carballesa da arte urbana? Si, amig@s, “Carballo mirando ao mar” ofrécevos as obras de divers@s artistas locais que están a plasmar en diferentes muros e paredes da vila a súa visión do mar. Non os perdades! Carballo estase a converter nunha galería de arte urbana e nós estamos encantad@s!

 1619222_355778467925876_1309431460003934758_n 11425078_574116222728822_9045954162608039681_n 11412442_574116242728820_1795762517692342531_n 11406460_574801319326979_1821975025991534911_n 11401041_574116389395472_3453166316924697979_n 11226910_457209867782425_7702911285146973286_n 11110538_574801275993650_4825314490125686620_n  1908193_574801262660318_2437635928164980242_n10422160_574487926024985_2244250840084086614_n

Pois ben, con tanta celebración e exaltación da nosa costa, a #biblioteca non podía facer outra cousa que aportar o seu gran de area ofrecéndovos unha mostra dos títulos máis senlleiros e chamativos que contén sobre mares e océanos.

É unha selección de novelas, banda deseñada, poesía, libros informativos, documentais, películas… mesmo audiocontos!! Hai para todos os gustos e para todas as idades, porque a quen non lle gusta Moby Dick? Ou 20.000 leguas de viaxe submariña? A quen non lle gustan os libros ilustrados ou de fotografías con todo tipo de criaturas mariñas, como quenllas ou mesmo polbos xigantes? Quen de vós non queda pampo mirando documentais sobre os cabaliños de mar ou baleas?

collage

IMG_20150617_121710IMG_20150617_121737_20150617124544494 IMG_20150617_121823 IMG_20150617_121753 IMG_20150617_121801IMG_20150617_121813IMG_20150617_121836_20150617124132722

Pois non esperedes máis e vide mergullarvos neste refrescante Mar de Libros!!

abril e maio

Abril e Maio: Libros, Letras e ACTIVIDADES!

#ABiblioPréstame,Actividades,Blog

Como ben sabedes, estamos chegando ao fin do mes de maio, e queremos mirar atrás e recordar todas as actividades que tiveron lugar na #biblioteca nestes dous meses tan especiais. Por que tan especiais?

Pois para comezar, abril foi o #MesdoLibro, e veu cargadiño de cousas que ofrecer na biblioteca!

Tivemos espectáculos e contacontos para @s máis pequen@s, como a nova entrega no noso programa mensual “Pais e nais… Contan!”, que veu da man de Raquel Varela, ou “Comechíns”, o contacontos más divertido contado por Alba Bermúdez, da compañía Triatreros.

20150430_180701 2

Pero para a rapazada houbo aínda máis cousas: O “cadáver exquisito” foi un dos obradoiros máis interesantes dos que puideron desfrutar. Como? Que non sabedes que é iso do cadáver exquisito? Pois aquí tedes explicada toda a dinámica da actividade. Tomade nota e facédeo tamén en casa!

Untitled InfographicCollage

Ademais, o #DíadoLibro sacaron tódalas súas habilidades e creatividade para crear verdadeiras obras de arte en forma de marcapáxinas! Non o credes? Pois si, amig@s, @s nos@s artistas particulares eleboraron os seus propios marcapáxinas mediante a técnica de scrapbooking. Deixámosvos só unha mostra das súas creacións

Marca o teu libro 11189722_1606614682958695_509648687_n

Nesa mesma semana, a biblioteca organizou un concurso fotográfico, no que os participantes debían compartir nas redes sociais unha foto cun material da biblioteca que exemplificara o seu estado de ánimo, o seu libro favorito, ou incluso co que máis identificad@s se sentiran.

A gañadora dun fantástico lote de libros foi Zaira, unha usuaria da biblioteca que participou con dúas fotos inspiradoras e orixinais que a fixeron merecedora do premio.

concurso_biblionamorame#ABiblioPréstame

Para os adultos tivemos unha mesa redonda na que se facía un balance e retrospectiva dos 35 anos de autonomía en termos de Lingua e Cultura.

11156201_893993940639761_7706980093183130765_n

Tamén houbo un lugar preferente para o Deporte, xa que o día 30 presentouse o III Día do Pequebasket Galego, onde tamén se lles ofreceu a@s cativ@s un espectáculo de música e contos.

Xa no mes de maio tivemos actividades para o público infantil, con outra cita de “Pais e Nais… Contan!”, da man de Noelia Pérez e Ainhoa García, cun novo contacontos do programa “A Biblio Conta” onde tivemos a visitia de Don Ramón o bibliotecario e Frederick, e tamén co espectáculo da compañía TrinkeTrinke “Aventuras na cociña”, que foi un absoluto éxito. Pasárono en grande @s nos@s cativ@s!

featuringSin títulocollage

Xa estamos no mes das #LetrasGalegas, así que por suposto tiñamos que ofrecervos unha programación especial, non si?

No blog tedes un post que preparamos para o gran día, no que rendemos homenaxe a Xosé Fernando Filgueira Valverde e aos ilustres escritores en galego que levan engrandecendo a nosa lingua mediante os seus escritos.

Para falar de lingua tivemos como convidado especial ao científico máis televisivo da nosa terra, Jorge Mira, que reflexionou sobre o futuro da mesma. Tamén proxectamos o documental “Carballo opina sobre a Lingua” e presentamos unha nova canle, Irmandade TV, que comezou as súas emisións cun maratón televisivo e radiofónico de 12 horas onde a única protagonista foi a lingua galega.

Cartel_Faladoiro_Carballo_Jorge-Mira_7-5-15 55558a0c90299-ce5tv1mw0aaywe6

Os días do 11 ao 15 de maio celebramos a Semana do Libro e a Lectura, e na súa X edición escolleuse como lema “Da Ciencia á Ficción”, por elo na niblioteca fixemos un recuncho dedicado ás temáticas científica e literaria traballando en común ao longo da historia.

CARTAZbaixa collage_semana_ciencia_libro

E se pensabades que xa non podía haber máis cousas que facer en dous meses… estabades moi equivocados!

Porque a maiores da programación inicial, engadimos a presentación do documental reivindicativo OlygopolyOFF, que pretende acadar unha revolución cidadá que se enfronte ás grandes compañías enerxéticas.

proxecto_cartaz_galiza-carballo_media

E por último, pero non menos importante, tivemos a actuación estelar de Pablo Díaz na ludoteca!. Un #cantacontos para bebés que forma parte do movemento “Apego”, un programa colectivo creado para fomentar e mellorar a transmisión do galego como lingua inicial. Este programa foi tamén presentado na biblioteca Rego da Balsa e vai ser un exitazo!

Cartel_Cantacontos-Pablo-Diaz-Ludo-21-5-1511325178_899388173451648_557920421_n

Buff…!!! Pero que cantidade de actividades tivemos estes dous meses na biblioteca! De tódolos tipos e para tódolos públicos!

Queredes saber cales son as próximas? Pois seguídenos en tódalas redes sociais e non perderedes nin a primeira!

Continuará… 😉

Concurso #ABiblioPréstame

#ABiblioPréstame,Blog

Estades listos para participar neste novo concurso?

 Untitled Infographic (2)

Entre o día 20 e o 26 de abril poderedes participar no novo concurso fotográfico da biblioteca chamado #ABiblioPréstame. Queredes saber como podedes participar? Pois lede ben que é moi sinxelo:

Pensade na portada, no libro ou no título que máis vos guste, co que máis vos identifiquedes ou ben o que describa mellor o voso día!

De todos é sabido que ás veces as portadas dos libros son o que máis nos inspira á hora de escollelos:

Outras, os títulos son do máis conmovedor ou atraente:

Pero as máis das veces nós xa sabemos cales son os nosos libros favoritos:

Existen dúas formas de participar no concurso, que o usuario suba as fotografías ou os autorretratos fotográficos a través de calquera das súas contas de Twitter, Instagram ou Pinterest, ou que o usuario sexa fotografíado polo persoal da biblioteca e este último sexa quen suba o material ás contas das redes da biblioteca. Neste último caso o usuario debería dar os seus datos persoais e de contacto básicos para que o persoal rexistre as participacións de cada persoa.

En caso de que teñas conta de Twitter, Instagram ou Pinterest este é o teu concurso. Deberás facer o seguinte:

  1. Seguirnos na nosa conta de Twitter (@bibliocarballo), de Instagram (@bibliocarballo) ou/e de Pinterest (Bibliotecas de Carballo).
  2. Usar o cancelo #ABiblioPréstame acompañado da fotografía ou autorretrato fotográfico da portada, do libro ou do título que máis nos guste.

Por exemplo: No Twitter, con 140 caracteres: Un mundo feliz” (de Aldous Huxley). Ou aparentemente feliz! 😉 #ABiblioPréstame

 Os participantes poden descargar as bases do concurso na nosa conta de Issu Biblio Carballo. Os usuarios poderán ver en todo momento as participacións dos outros concursantes nas nosas redes.

Os usuarios poden participar as veces que queiran en calquera das redes propostas (Twitter, Instagram e Pinterest).

Entre tódolos participantes do concurso sortearase un premio sorpresa que consistirá nun paquete de materiais bibliográficos, libros e outros materiais, cuxo contido se axustará á idade do gañador.

 A idade mínima para participar son os 6 anos. Está permitido que participen persoas de todas as idades.

Folleto, Libro, Digitales, Niña, Mujer, Catálogo

Á hora de otorgar o premio valorarase positivamente: a orixinalidade das publicacións, que sexan autorretratos fotográficos e o número de publicación (a máis número de publicacións máis posibilidades).

O nome do gañador publicarase no blog da biblioteca o día 27 de abril http:/biblioteca/carballo.gal e na conta oficial de @bibliocarballo en Twitter, en @bibliocarballo en Instagram e no Pinterest, Bibliotecas de Carballo. Ao gañador se lle enviará unha mensaxe directa ou se lle contactará a través dos datos facilitados segundo o caso.

A que esperades para participar?

Instagram

Finaliza o concurso #biblionamórame!

#biblionamórame,Blog

Queremos agradecer a todas as persoas que participaron no concurso #biblionamórame e aproveitar para animarvos a que participedes en próximas edicións!

Gustáronnos moitísimo os vosos comentarios e sobretodo as vosas instantáneas na biblioteca!

Ademáis grazas a este concurso moitos de vós coñecéchedes as diferentes redes sociais onde a biblioteca está presente: Instagram (@bibliocarballo), Twitter (@bibliocarballo), pero tamén Facebook (Bibliotecas de Carballo), Youtube (Biblio Carballo) ou Pinterest (bibliocarballo).

Aquí está o comentario co cancelo #biblionamórame e a fotografía que fixo gañadora a esta concursante:

gañadora

Carballo gústame, o Entroido encántame e os libros da #biblionamórame @bibliocarballo

Encantounos a fotografía, a gañadora, disfrazada de Charles Chaplin, cun libro de temática romántico “Valeria en blanco y negro” de Elísabet Benavent (nos encanta!) e ademáis cun corazón de aderezo… que máis se lle pode pedir! Un supercomentario! Gústalle Carballo, o Entroido e os libros da biblioteca! Non nos podemos sentir máis identificad@s. Pola súa orixinalidade e sentimento otorgámoslle a esta participante, que concursou a través do noso Instagram, o premio do concurso: un paquete de namorados, consistente nun libro, nunha película e un cedé de música.

Estade atentos a todas as nosas redes sociais, ao longo do ano ofertaremos sorteos e publicaremos todas as actividades e xogos nas que todos poderedes participar.