Praza dos libros 2016

Blog

Os días 21, 22, 23 e 24 de xullo celebramos a festa dos libros, da cultura, das letras, da creatividade, da música e do pan, todo nun!

Un novo ano, e desta vez xa van once, celebrouse a Praza dos Libros, unha feira na que librarías, autor@s, escritor@s, músic@s, biblioteca e visitantes puideron desfrutar de catro xornadas ateigadas de actividades creativas, presentacións literarias, concertos, sorteos e moito máis en convivencia coa habitual feira carballesa nun enclave tan significativo como o xardín municipal de Carballo.

0praza_libros

Por suposto, a Biblioteca de Carballo non podía faltar! Estivemos con vós todos estes días, ofrecendo servizos como información, consulta de fondos e catálogo, préstamo, alta de socios… e organizando actividades, como obradoiros artísticos e concursos.

Queredes facer unha retrospectiva de todo o que nos ofreceu a Praza dos Libros? Perfecto, comezamos!

O xoves 21 arrancou a aventura. Xa ás 11 da mañá estabamos preparados para abrir as portas da nosa caseta.

O público infantil desfrutou  da animación a cargo de Anxo Moure na feira coa súa Burroteca e os contos de animais que lles contou a@s nen@s que por alí pasaron.

Ás 12:30 celebrouse o acto de inauguración, no que tomaron a palabra  o alcalde Evencio Ferrero e o concelleiro de Cultura e Deportes Marcos Trigo, para dar paso ao convidado e pregoeiro Xosé Lois “O Carrabouxo”, quen dedicou unhas verbas do máis emotivo a esta feira e á nosa vila, sempre coa retranca que caracteriza a este viñetista que leva máis de 30 anos sacándonos un sorriso. Ademais, dedicou o seu último libro de viñetas “Veña Carrabouxo!” a@s usuari@s da biblioteca, xa que poderedes desfrutar del e levalo en préstamo.

Para pechar tan bonito acto, a Banda de Gaitas de Carballo puxo a guinda do pastel coa súa música tradicional.

A tarde do xoves trouxo de novo a Anxo Moure, pero desta quenda veu co seu “Teatro na mochila”, unha función de contacontos para público infantil moi emocionante e tamén divertida que xiraba entorno ao amor pola natureza e os libros.

A continuación chegou o momento das presentacións literarias, nas que se presentaron a biografía do exfutbolista do R. C. Deportivo da Coruña Donato escrita por Héctor Pose, e na que participaron o autor e o propio Donato. Por suposto, Donato tivo o detalle de dedicarnos un dos exemplares.

Agora mesmo na #prazadoslibros, Héctor Pose e Donato presentando a biografía do ex futbolista do Deportivo da Coruña. Imperdible!

A post shared by Biblioteca Rego da Balsa (@bibliocarballo) on

Mentres María Canosa presenta DisParo na carpa da #prazadoslibros , Donato firma copias da súa biografía.

A post shared by Biblioteca Rego da Balsa (@bibliocarballo) on

A última cita da xornada veu da man da televisiva María Canosa, a escritora que veu presentar a súa última novela, “DisParo”, publicada pola editorial Embora. A verdade é que ten unha pinta estupenda!

13775596_879475828852834_422038907259867414_n

A segunda xornada da feira comezou coa celebración do obradoiro creativo “Todos con Sanxo!”, no que participaron nenos e nenas de máis de 4 anos realizando un retrato feito con plastilina da mascota da Biblioteca Rego da Balsa, o esquío Sanxo. Ademais, Sabela, a nena que fixo o retrato mellor elaborado foi gañadora dun premio sorpresa. A verdade é que o veredicto non foi cousa sinxela, xa que tod@s o fixeron estupendamente, e Sanxo quedou fantásticamente retratado por tod@s e cada un d@s nen@s participantes!

Xa á tarde tivemos unha nova cita coas actividades para nen@s, desta vez con Vaioviravai, un concerto infantil a partir do libro-disco “As andanzas de Paio”. Foi divertidísimo, e aprendemos un lote de cousas sobre animais, as cores ou as estacións do ano. Ademais tivemos a visita do teixugo Paio, que estivo sacando fotos con tod@s @os nen@s que quixeron saudalo!

Na quenda de presentacións literarias, tivemos con nós ao fisterrán Modesto Fraga, co seu libro “Adagio por outono”, unha homenaxe a aqueles poetas italianos que, no século XIII, foron quen de rachar coa tradición e situar á muller no centro da súa lírica, e ao sentimento amoroso no cerne da súa revolución estética e da súa esperanza.

Modesto Fraga

CL23C10F1

Fonte: La Voz de Galicia

A segunda e última presentación do venres foi a de Rosalía Fernández Rial. A poeta carballesa agasallou a tod@s @s presentes cun recital-concerto coa música de Serxio Moreira para presentarnos Contra-acción, o seu último traballo.

Seguimos na #PrazadosLibros con Contra-Acción da #poeta carballesa Rosalía Fernández Rial e coa música de Serxio Moreira… Pasádevos!

A post shared by Biblioteca Rego da Balsa (@bibliocarballo) on

Chegando ao ecuador da Praza dos libros, a xornada do sábado 23 comezou con toda a forza, xa que se celebrou unha das sesións do Obradoiro de ilustración a cargo de Mon Lendoiro, da Asociación artística Crea Formas, e organizado pola Biblioteca Rego da Balsa.

A mañá continuou con outro convidado de honra: O físico, profesor e presentador de televisión Jorge Mira, que veu presentarnos “A que altura está o ceo?”, un libro de divulgación científica que comeza na época da Grecia clásica e chega ata os descubrimentos máis recentes sobre o universo. Ademais, este libro está escrito en colaboración con María Canosa, que nos visitou dous días antes.

Agora mesmo, na #PrazadosLibros, estamos na presentación literaria de ¿A que altura está o ceo?, de Jorge Mira

A post shared by Biblioteca Rego da Balsa (@bibliocarballo) on

Xa á tarde, a rapazada puido gozar de “A música das árbores”, un concerto e animación con Servando Barreiro a partir do libro-disco que leva o mesmo nome. Lembrade que o temos na biblioteca para levar en préstamo!

Desfrutamos co #concerto #infantil "A música das árbores" na #PrazadosLibros, vide que aínda estades a tempo!

A post shared by Biblioteca Rego da Balsa (@bibliocarballo) on

Presentando libros tivemos dobre ración: por unha banda, María Lado veu presentar o poemario “oso, mamá,si?”, da editorial Xerais, o carballés Xurxo Chapela falounos do seu último traballo e álbum de recordos “Lémbrome”.

Xurxo Chapela

Para pechar a tardiña do sábado, tivemos a Lucía Aldao e María Lado co seu espectáculo musical, poético e humorístico AldaoLado. Unhas verdadeiras artistas están feitas estas dúas mulleres!

AldaoLado

E no último día non pensedes que houbo pouca cousa… todo o contrario! Foi un día ben especial, xa que durante o domingo, todas as persoas que mercaron un libro foron agasalladas cun pan de Carballo.

E que mellor maneira de acompañar un bo pan de Carballo que cun bo peixe ou marisco? O televisivo cociñeiro Benigno Campos presentou tamén con nós o seu último libro, “Peixes e mariscos. As novas receitas de Benigno Campos”.

00106510903997____1__640x640

E antes de xantar tamén vai de marabilla un vermú, non si? Pois na Praza dos libros tivemos sesión vermú a cargo de Sofía Espiñeira e a súa banda a partir do seu disco “Alá onde agroman as herbas”. Música fresca, con contido e ritmos variados.

A actuación de animación para público infantil veu o domingo da man de Olga Brañas e a súa banda, co concerto a partir do libro-disco Pitusa Semifusa. Encantounos! Como mostra, deixámosvos cun dos videoclips das cancións contidas neste éxito de Sonárbore.

Seguimos cara á tardiña coa presentación dos libros da colección Costa da Morte, de Edicións Embora, formado por: “Reválida de sexto”, de José Antonio Andrade Figueiras; “Coristanco. As súas parroquias”, de Evaristo Domínguez Rial; e “Lembranzas de Malpica”, de Xosé González Reyes. Moi boas lesturas para coñecer mellor a nosa zona xeográfica.

CL25C2F1

Fonte: La Voz de Galicia

 

A última cita do domingo, e para rematar a edición da Praza dos Libros 2016 foi a conversa arredor dos libros “A música dos seres vivos”, “Dende o conflito” e “En vías de extinción”, de María Reimóndez, onde a autora lucense asinou as súas obras. O acto de clausura correu a cargo de Canalé Cafuné, co seu inolvidable concerto.

E como o centro desta marbillosa feira foron os libros, as librarías locais e da zona estiveron presentes nas súas casetas para facer venta de todos estes títulos presentados e moitos máis. E por iso podemos estar tranquil@s, xa que a Praza dos Libros ten máis que asegurada a súa continuidade en edicións vindeiras porque, según os comerciantes, «as vendas mantéñense, o cal non está nada mal para ser uns días de sol, calor e praia» (Fonte: A Voz de Galicia). Querendo incentivar a compra de libros durante a feira, ademais do 10% de desconto en cada produto comprado, cada persoa recibiu un boleto de participación no sorteo dun lote de libros. Ao final de cada xornada facíase o sorteo, e estes foron os números premiados:

Para rematar, agradecervos a todas as persoas que vos achegastes a esta festa da cultura e a tod@s os que participastes  e colaborastes dalgún xeito na mesma.

O ano que vén voltaremos con máis azos!

Os nosos futuros #lectores tamén se pasan polo posto da #biblioteca na #PrazadosLibros!

A post shared by Biblioteca Rego da Balsa (@bibliocarballo) on

Visita “O meu mundo”

4 a 7 anos,Blog,de-0-a-3-de-4-a-7-anos,Infantil,Recomendamos

Cantas veces @s nen@s se enfrontan a problemas da vida cotiá que nin sequera os papás e as mamás son quen de solucionar con pacencia e comprensión? A chegada dun novo irmaciño, quitar os cueiros, contar mentiras ou a morte dun familiar ou amig@ son exemplos de momentos cruciais na vida d@s nen@s, e non hai nada máis terapéutico cun bo conto para poder superalos.

Por iso, temos para vós unha sección que contén libros relacionados coas emocións, os valores, a autoestima, os hábitos e demáis asuntos da vida coitá que afectan á rapazada.

Esta sección chámase “O meu mundo”, e podédela atopar nas zonas para bebés de 0 a 3 anos e na zona para nen@s de 4 a 7 anos de idade.

A continuación deixámosvos unha guía de lectura con recomendacións de libros pertencentes a esta sección. Podédela descargar e consultala cando queirades. E non esquezades que na biblioteca vos podemos axudar e asesorar con máis títulos!

Visitade “O meu mundo”!

Contacontos para soñar

Actividades,Blog,Infantil

Este outono as actividades propostas chegaron cargadas de contacontos para @s pequen@s da casa. En outubro, novembro e decembro puidemos atopar historias de ratos, grazas á compañía de teatro “Trinke Trinke”, que fixo posible a chegada de Fuco e Lily Gruyére dende Lonxedetodo; pero tamén outras moitas diferentes que chegaron á Biblioteca Rego da Balsa a través da voz de voluntari@s cargados de imaxinación e ilusión para o gozo d@s cativ@s… queredes ver un resume do que vivimos ata o momento? Pois seguide lendo…

Dende comezo de curso, Fuco e Lily Gruyére coñeceron a moit@s nen@s de Carballo grazas ás visitas escolares que se organizaron, e, a maiores, ofrecéronnos uns cantos espectáculos ata o momento cheos de fantasía nos que 60 cativ@s puideron participar de cada vez.

fucolili

Así, por exemplo, na sesión do mércores 28 de outubro, estes ratos hipnotízaronnos baixo un manto azul escuro con contos como “Onde está o meu zapato” ou “La hija del sol y la luna”.

cartel poderes

Pero vaia se nos hipnotizaron! Gustáronnos tanto que as prazas dispoñibles se agotaron antes de acabar a mañá do mércores anterior á sesión de “Riciños de ouro e os tres osos”. Como nos divertimos ese mércores! Ata Tamara, a compañeira da biblio, xogou con tod@s @s nen@s e con Fuco con globos máxicos! Para proba deixámosvos o tweet de Turismo Carballo! E falando de globos… Vistes os tres osiños de globo que nos fixo Fuco e estiveron colgados unha semana no noso mostrador de información? Que chulos eran!

E o pasado 25 de novembro estivo Lily Gruyére, para contarnos o conto dos “Sete cabritos e o lobo”, iso si, moi ben acompañada de pais e nais que lle axudaron coas historias! Dende logo, non hai día que veñan que o pasemos mal!

IMG_6465IMG_6456

Agora queda esperar o próximo, o 9 de decembro, que lle toca ao conto de “O coelliño branco”, e para o que será preciso recoller os convites o mércores 2 de decembro ás 1o:30 h! Como xa sabedes, as prazas voan, pois están demandadísimas e son limitadas polas características que require o espectáculo, por iso esperamos que teñades sorte e poidades levar as vosas! Lembrade que non é preciso que se acheguen os pais e nais d@s meniñ@s, posto que pode vir calquera coñecid@ que teñades por elas e levar ata un máximo de 2. Os convites soamente son para nen@s de entre 3 e 8 anos, xa que estes contos están adaptados para estas idades e non para menores (que poden optar ao programa Apego), nin para maiores por non estar pensadas para esas idades.

Pero se non puidestes conseguir convites, non vos preocupedes, porque un mércores ao mes tamén temos a actividade “Pais e Nais contan”, na que divers@s voluntari@s nos achegan contos moi diferentes para o gozo d@s pequen@s! Estas sesións non teñen entrada, e calquera nen@ que se atope na biblioteca neses intres pode participar nelas. Sempre andamos en busca e captura de persoas que se atrevan a sorprendernos: nen@s, avoas e avós, pais e nais, tí@s, mestres, etc. Se coñecedes alguen ou sodes vós mesm@s @s que queredes participar, é tan doado como poñervos en contacto coa Biblioteca Rego da Balsa no noso correo biblioteca@carballo.gal ou no teléfono 981758580 para asignarvos unha data e, se o precisades, asesorarvos con diferentes contos ou ideas que vos poidan axudar. Animádevos!

BÚSCANSE

E para mostra do bonito que pode saír deixámosvos dous resumes da sesión de outubro, no que participaron Isabel Álvarez co conto “O grilo Míllelo”, e Soraya Antelo con “Bola de Manteiga”. Fixérono moi ben, entoando e xesticulando o conto para o desfrute d@s cativ@s!

collage (1)Untitled design

E non nos esquecemos das voluntarias de novembro: Antía Varela, Noa Mato e Inés López. As primeras son dúas nenas de 7 anos que leron fabulosamente, facendo as pausas cando tocaba e entoando o mellor posible para que o resto de rapaces escoitaran ben os contos de “Tío Lobo” e unha adaptación de “Mi burrito Platero”… e a última é unha mestra que se animou a regalarlles aos oídos d@s pequen@s o conto de “O segredo do rei Curro”, sabedes cal é? Nós non podemos contárvolo porque é un segredo… pero animámosvos a que o levedes emprestado para a casa e o descubrades! 😉

inesAntíaNoa

Lembrade que para o mes de decembro queda outra sesión de “Pais e Nais contan”. Con que nos sorprenderán esta vez? Poida que contos de Nadal? Quen sabe… Achegádevos e descubrídeos connosco! 🙂

¿Queredes diversión?

#Blog,Infantil,Ludoteca,Recomendamos

Ola a tod@s!!!

Esta semana queremos contarvos o ben que o pasan @s nen@s  na Ludoteca: Obradoiros, contacontos, xogos, manualidades e unha chea de actividades didácticas coas que @s máis pequen@s o pasan en grande.

Na Ludoteca dispoñemos de material imprimible para que @s nen@s poidan realizar actividades didácticas todos os días, como por exemplo, colorear con lápices, ceras, rotuladores ou pinceis, diferentes debuxos: de animais, de bichiños, de paisaxes, transportes, flores e árbores, persoas, debuxos animados, para @s mais pequeniñ@s, creativ@s etc…  A pintura como forma de expresión é unha das ocupacións infantís máis fascinantes. Axuda a desenvolver a imaxinación e a perfeccionar a coordinación, ademais de exercitar a capacidade de concentración.

 IMG_4806IMG_4405

Queremos que os nen@s xoguen e se divirtan moito, e para iso son moi importantes os xogos. O xogo desperta reflexos, desenvolve múltiples  actividades, incentiva a intelixencia e fai que a nosa infancia sexa máis divertida e agradable, deixando fermosos recordos que nos acompañarán durante toda a vida. Aquí vos deixamos un vídeo dun dos obradoiros lúdicos que fixemos na Ludoteca este ano, “Xilófono de Cristal”.

IMG_4086IMG_6310

Os primeiros anos de vida son fundamentais para o noso crecemento: obtemos os primeiros saberes, aprendemos a través dos nosos sentidos, coñecemos o mundo que nos rodea e desenvolvemos as nosas capacidades. Por iso, é moi importante que @s nen@s estimulen a súa capacidade cognitiva, así como tamén a súa imaxinación e creatividade. Na Ludoteca compartimos c@s nen@s ideas para elaborar obxectos que poidan realizarse con materiais de reciclaxe ( cartóns e plásticos) e todo tipo de manualidades, deste xeito @ nen@ ademais de aprender, sinte un gran gozo e satisfacción realizando o seu propio xoguete.

 IMG_6307IMG_6238

 IMG_4660IMG_4715

  IMG_6319

A literatura infantil é tamén una ferramenta para transmitir saberes, valores e arte. A través dos contos, como a través do xogo, @ nen@ medra. E por iso que se producen cambios nas ideas e se adquire un maior vocabulario, o que permite comunicar cada vez de mellor xeito sentimentos e pensamentos.

 IMG_6330IMG_6320

Por todo isto, cremos que a literatura infantil ten múltiples funcións, polo que a consideramos de fundamental importancia para a educación d@s cativ@s. Na Ludoteca @s pequen@s dispoñen dunha grande variedade de libros para ler e mergullarse nun mundo incrible. Aquí, tod@s @s nen@s nos len contos e os máis valentes anímanse a participar en moitas das actividades que se organizan na biblioteca, entre elas “Pais e Nais contan”…. Cremos que en cada avó e avoa, pai, tí@, nai e nen@ existe un creador de relatos infantís. Para nós, é un honor invitalos a compartir aquelas historias inéditas e permitir que esa obra, tan querida, sexa coñecida e amada por moit@s máis pequen@s.

Contacontos, obradoiros, manualidades, xogos… como vedes na Ludoteca pasámolo en grande!! Aquí a diversión está asegurada!!

Pais e Nais Contan, anótate!

Actividades

Na #biblioteca de Carballo temos unha nova #actividade mensual feita por e para vós. É a chamada “Pais e Nais contan”, na que moit@s voluntari@s da zona (nais, pais, avos, avoas, tí@s, educadores…) se atreven a contarnos unha historia para o desfrute d@s máis pequen@s da casa. Así, os nenos e nenas que se acheguen nesas datas sinaladas á Biblioteca Rego da Balsa poderán desfrutar con tódolos sensos os contos máis orixinais e con máis sentimento da comarca, posto que poden ser #contos que xa coñecemos, pero tamén poden ser inventados pol@ voluntari@.

Se coñecedes algunha cativa ou cativo ó que lle guste escoitar e ver as #historias, sentilas en primeira persoa… Non vos perdades estas oportunidades que nos ofrecen cada mes moit@s afeccionad@s e/ou profesionais dos contacontos. A maxia é para nen@s, pero tamén para maiores, vide e desfrutádea.
pais_e_nais_contan
Por outra banda, se queredes facer vós os #contacontos, animádevos e poñédevos en contacto co persoal da Biblioteca Rego da Balsa. Asesorarémosvos para saber como comezar, se é que o precisades! Ademáis, non tedes por qué seguir un libro concreto, podedes deixar voar a vosa imaxinación a canda a dos nenos. Se vos sentides máis seguros seguindo a pauta das follas é outra opción confiarvos a un libro da nosa biblioteca ou traer algún que queirades da vosa casa. Pero o máis importante é que vós mesmos desfrutedes da experiencia e tamén a vivades, que vos confiedes e expresedes o que vos din as palabras, que vos axudedes do potencial da vosa voz ou incluso, se queredes, de elementos externos (teas, marionetas, disfraces…). O esencial é que sexa unha experiencia de enriquecemento para tod@s.

dream-333815__180

Despois de ler isto seguramente teñades ganas de vivilo, ben como espectadores ou como protagonistas. Anotádesvos á experiencia? Que non vola conten!

¡Xoguetes, xogos e imaxinación por un tubo!

Cousas da Ludo

Os máis cativos teñen aquí un espazo onde recrear as fantasías máis amplas: ser un gran cociñeiro, converterse nun bombeiro ou policía, introducirse en mares bravíos para ver quen pesca máis peixes, inventar novas melodías nunca escoitadas, descifrar imaxes descoñecidas… todo isto con xogos e xoguetes que promoven a súa creatividade dun xeito divertido e compartindo experiencias con outros compañeiros de lecer.

Serían moitas as historias a contar e interminables os viaxes do maxín nos que se embarcan estes pequenos aventureiros, pero adiantámosvos algúns exemplos creativos dos nosos visitantes para que vos vaiades facendo unha pequena idea…:

Urxencias 24 H:

Ainara

Se tendes algún tipo de dor ou mal que vos incordie, non vos preocupedes máis! Ainara, a  nosa doutora máis experimentada, atenderavos sen problemas. Podémola observar en plena acción: en canto este delicado pulpo lle contou o incidente que tivera, Ainara correu a auxilialo, calmoulle a dor de cabeza e inspeccionou que non ten ningunha patiña rota… Qué fariamos sen a axuda desta doutora!

“Cafetería Laura”:
Laura Rojo modificada

  Se o estómago vos ruxe, non dubidedes en ir tomar algo á Cafetería de Laura. Sabemos de  sobra que fai uns pasteliños boíiisimos, iso por  non falar do menú do día, cheo de verduras e  froita de tempada para coidar a liña. Acompañada  dos mellores axudantes de cociña, prepararanos  os pratos máis saborosos da comarca!

Buceadora de primeira:Submarino

Sabedes de sobra que para poder ter uns pratos  boísimos é preciso ter uns alimentos de primeira, e  iso soamente se consegue con axuda de bos  granxeiros, agricultores moi traballadores, ou, por  exemplo, unha gran pescadora como a da foto  seguinte, disposta a mergullarse nas augas máis  frías para traernos os mellores peixes á terra! Que  rico se come cando temos nen@s tan intrépid@s  pescando así de ben!

Capitáns Intrépidos:

Carla y Mateo 2 Mateo y Carla  Pero para intrépidos os nosos piratas: Carla e Mateo, dous irmáns dispostos a defender o barco cando calquera se atreva a abordalos por sorpresa! Non teñen medo algún a atravesar mares bravos e ir en busca de suculentos tesouros, estes dous grandes aventureiros están sempre dispostos a conquistar novos horizontes no seu barco pirata!

Ivan

Aventureiro sen fronteiras:

Outro gran aventureiro é Iván, un especialista en viaxes a toda velocidade, ben en coche ou avión. No seu garaxe persoal garda varios automóviles nos que recorre miles de km, e se a estrada lle queda curta, reserva algunha que outra avioneta para cruzar o inmenso ceo azul. Quen poidera viaxar tanto coma él!

Janet, arquitecta e construtora sen igual:

Sen embargo, se sodes de vida máis tranquila e preferides tomar o sol nunha hamaca no xardín ao carón dunha gran piscina, non dubidedes en encargarlle unha luxosa casiña a Janet, farávola nun intre con tódalas comodidades e detalles: balcóns, porche, banquiños para descansar… Un fogar co que ser a envexa da veciñanza! (E sen hipotecas!).

Janet Modificada

Poderíamos contarvos moitas máis historias, pero preferimos convidarvos á Ludoteca e que as poidades coñecer en persoa! Non esquezades que vos agardamos de Luns a Venres, de 17:30 a 19:30.

Arrolos e Música

Blog
Obradoiro de nanas 12/11/2014

Obradoiro de nanas do 19 ao 26 de novembro de 2014.

Todos temos algunha canción favorita, unha canción que nos lembra momentos importantes da nosa vida, e tamén existen determinados estilos de música que nos inspiran e nos axudan a concentrarnos, activarnos ou relaxarnos.

Cancións, contos, historias cantadas ou con música son diferentes formas de contar un conto.

Cancións, contos, historias cantadas ou con música son diferentes formas de contar un conto e todas elas están na biblioteca á vosa disposición.

Os nenos tamén son grandes afeccionados á música e por este motivo, na programación de actividades da Biblioteca Municipal Rego da Balsa temos un lugar para a música que lles gusta aos máis pequenos.

Os mércores 19 e 26 de novembro ás 17:00 h. terá lugar o Obradoiro de Nanas, a cargo de Xavier Díaz e Guillermo Fernández. Este obradoiro está dirixido a nais, pais e familiares ou formadores/-as, ademais de bebés. Nel poderemos coñecer arrolos para as nosa crianzas para facer da hora de durmir un momento especial.

O mércores 17 de decembro ofreceremos o Concerto infantil “Brinca vai!”, conducido por Paco Nogueiras, que fará as delicias de nenos maiores de 3 anos e acompañantes.

A Biblioteca Municipal Rego da Balsa conta cunha ampla selección de CD con arrolos para crianzas, ademais de cancións tradicionais infantís e contos acompañados por CD con música.

Material que podedes encontrara na biblioteca para axudarvos a contar contos!

Material que podedes encontrara na biblioteca para axudarvos a contar contos!

Como mostra dos poderes hipnóticos dun bo arrolo, deixámosvos unha técnica moi de moda para conseguir durmir aos nosos bebés. É coñecido como método Oompa Loompa. Non ten desperdicio!